iS août 1568. — Lettre de Charles IX à M. du Lude

Monsieur le conte, d'aultant que plusieurs des catholiques mes subjects ont opinion qu'ils estoient pour demeurer en grand repos et seureté par le moien de l'association qu'ils avoient délibéré de faire entre eulx, et que à présent qu'elle est rompue il est besoing leur donner meilleur ou plus grande asseurance de leur repos, de pourveoir à ce qui leur est de" plus grand interrest, les satisfaisant ez choses qu'ils craignent leur pouvoir advenir, j'ay faict dresser une .forme de serment que je vous envoyé, lequel je désire estre faict par tous les catholiques, par laquelle forme de serment sont touchés les points qui les affectionnent et qui estoient desduicts par ladicte association, et leurs interrests tellement con-

joincts avec le mien qu'ils pourront juger que la description que j'ay ordonnée estre faicte en la forme de serment que je veulx qu'ils facent ne tend qu'à l'efFect de leur repos, seureté et tranquilité et pour avoir meilleur, plus grand et plus prompt moien de me servir d'eulx quand l'occasion s'en présentera ; et pour le regard de ceulx de la relligion prétendue refformée qui voudront prester le serment de m'estre fidelles et obéissans selon la forme que vous en ay desjà envoyée, je veulx et entends que vous le receviez, suivant ce que je vous en ay desjà cy-devant escript, m'asseurant que vous sçaurés bien, en tout ce que dessus, suivre mon intention, je ne vous feray plus longue lettre que de prier Dieu, Monsieur le conte, vous avoir en sa saincte garde.

Escript au chasteau de Boloigne, le 1 5® jour d'aoust 1 568. Signé : Charles. Et plus bas : Fize, avec paraphe.

Au dos est escrit : A Monsieur le conte du Lude, etc..