ANTOINE DE BOURBON AUX CONSULS ET HABITANTS DE LA VILLE D'AGEN

14 février 1559 (1560).

A nos très chers et bons amys les consuls et habitants de la ville d'Agen l.

Très chers et bons amys, il m'est venu doléance et advis que, ayant Messieurs les gens tenant la court de Parlement à Bourdeaulx, depputé aucuns de leurs commissaires en la ville de Montségur pour réprimer beaucoup de desordres et escandalles dont la tollérance leur sembloit pernicieuse, quelques uns pour empescher leur exécution, ont bien eu ceste témérité de s'y opposer et prendre les armes, se fortiffiant de commination et parolles, avoir plusieurs adhérens et fauteurs, mesmes en vostre ville, prêts à suyvre leur

1. Quatre jours après, les consuls d'Agen répondirent à cette lettre par les protestations de fidélité et d'obéissance la plus absolue, promettant d'avertir Antoine s'ils apprenaient que quelqu'un de leurs concitoyens eût fait cause commune avec les révoltés de Monsésur.

party. Et pour ce que ceste voye ne sauroict estre trouvée bonne, ne pouvant résister au prince ne au magistrat sans offenser premièrement Dieu, et encourir crime de rébellion et félonie, digne de très griefve punition, et que je vous ây tousiours coignus très fidelles et bons subiects au Roy Monseigneur, envers lequel j'en ay engagé ma foy pour la vostre, je vous prie, en faisant mentir tous ceulx qui auroient faict quelque maulvais rapport de vous, donner ordre de vous contenir en telle obéissance et modestie, que vous joyssiez du bien et de la sûreté qu'est promise aux pacifiques ; et si quelques ungs voulloient faire des séditieux et fouis , assurez-vous en de telle sorte que je puisse rendre le Roi Monseigneur aussi content que je désire. A quoy espérant que ne ferez faulte,je prieray à tant le Créateur, très chers et bons amys, qu'il vous ayten sa saincte garde.

Escript à Pau, le xive jour de febvrier 1 559.

Le roy de Navarre, gouverneur, admirai, lieutenant général, bien vostre.

Antoine.

Rauste.

(Archives municipales d'Agen.)

ANTOINE DE BOURBON AU CARDINAL DE LORRAINE1

ET AU DUC DE GUISE

9 mai 1560.

Messieurs mon frère et compaignon, je n'ay si toust

1. Charles de Lorraine, cardinal, frère du duc François; il était archevêque de Reims. Il mourut en 1574.

ET DE JEHANNE d'ALBRET. 191

faict responce au Roy, mon seigneur, que je désiroys et penssoys, pour une difficulté intervenue sur la lectre qui me fut présentée, lorsque j'avoys clos et scellé mon pacquets ; et n'ayant la certaineté de qui ne par qui elle avoyt esté escripte, je fus en quelque doubte que s'estoit chouse supousée ; et ce qui m'en confortoyt cest advys, estoyt que je n'avoys jamays veu celluy qui m'escript, ne pareillement celluy qui la m'a présentée. Toutesfoys, amprès l'avoir leue et poysé le contexte et contenu en icelle , j'ay penssé qu'elle venoyt de l'ambassadeur d'Angleterre1, lequel quant et quant m'a envoyé une proclamation que néantmoins j'avoys premier de vous receue. Mays il fault que je vous confesse, Messieurs mon frère et compaignon, que j'ay trouvé merveilleusement estrange cest audace et façon de faire de ce vénérable ambassadeur qui , soubz le manteau d'advertissement d'une publication de paix, cherche à semer une guerre intestine en ce royaume, et mectre en soupson le Roy, mon seigneur, à l'encontre de ses princes, afin que par là sa maystresse puysse trouver ce qu'elle a tant cherché, qui est le séisme d'ivrrée (sic)2 et division entre les princes et principaulx de ce royaulme, espérant par là y voir une prochaine et conséquente désolation. Car encores que sa lectre ne soyt pertinente et concluante à ses fins, si est-ce que je congnoys assez que s'il m'eust trouvé si foyble de sens, si légier en voulonté, ou si peu constent en la persévérance de mon debvoyr, de luy faire quelque responce aplaudissante à ses concep-

ts Cet ambassadeur d'Angleterre s'appelait Trogmorton. 2. Pour semeure d'ivraie, semence de mauvaise herbe.

tions, Je bon seigneur n'eust failly à bien toust amprès révelleret me faire une recharge tendant à plus aperte déclaration de la voulonté de sa bonne maistresse; mays elle se peult persuader qu'elle et tous ceulx qui s'adroisseront à moy pour tieulx et pareilz effectz , y perdront tousjours leur latin ; car ilz ne pourroyent si doussement chanter qu'ilz me puissent faire houblier mon debvoir et mon honneur, d'aultant que touteffoys et quantes qu'il sera question du service du Roy, mon seigneur, ou de la maintenue de son auctorité et grandeur, je expouseray tousjours et mon bien et ma vye pour ceste querelle-là, et pour la conservation de sa couronne, considérant que, tant qu'elle sera en son entier, je ne puys estre mal party et tant qu'elle sera en sa grandeur, je ne puis estre si petit compaignon que je ne face tousjours vifve et effectuelle résistance à ceulx qui la voudroyent esbranler, ou aracher aulcun de ses fleurons ; estant à cest office et debvoyr par une naturelle inclination apellé, pour la recongnoissance que j'ay en cest endroict de mon origine et naissance. Et touteffoys et quantes qu'il playra au Roy, mon seigneur, en voyr l'espreuve, il n'aura que de commander, car il me trouvera tousjours en perpétuelle constence de cueur pour luy prester fidelle obéissance.

Messieurs mon frère et compaignon, parceque je ne suys encores hors de difficulté en mon esprit qu'il n'y ayt quelque chouse cachée, supousée ou atiltrée soubz ce pacquet, de l'ambassadeur d'Angleterre, je vous vouldroys prier de toute affection me faire en cella office de bons parens et amys, et m'ayder à descouvryr s'il y a là dessoubz quelque aultre secrecte pratique enclose, chouse que vous pourrez mieulx voyr

que moy, pour le lieu où vous estes, la dextérité de vous espritz et la présance dudit ambassadeur que vous voyés souvent, comme je cuyde ; en quoy faisant, vous ferez euvre digne de vous et dont je me rescentiray touteffoys et quantes que j'auray le moyen et pouvoyr de faire chouse qui vous soit agréable. J'escriptz au Roy, mon seigneur, bien long de cest affaire, qui me gardera de vous ennuyer de plus long discours, vous pryant encores un bon coup, Messieurs mon frère et compaignon, que amprès y avoyr penssé, comme pour celluy qui de si près vous touche, m'en mander vous advis ; et en récompense de ce, je suplieray le Sauveur du monde vous maintenyr tousjours en sa sainte grâce, saluant cependant les vostres de mes plus qu'affectionnées recommandations.

De Pau, ix de may 1 560.

Je vous prye faire tant pour moy que, par vostre ayde et moyen, je soye despesché de l'affaire d'Alençon, lequel on me tient en une si grande longueur que je ne scay si je le doibz entièrement imputer à la négligence et somnolence de ceulx qui manyent mes affaires de par delà, ou s'il y a d'aultres qui n'y veillent entendre.

Vostre plus affectionné frère et léal compaignon.

Antoine.

(Bibl. de S'-Pétersbourg, collection d'autographes, vol. LU. — Celte lettre se trouve aussi à la Bibl. nat. de Paris, Vc Colbert, 28, f° 46.)

ANTOINE DE BOURBON A FRANÇOIS II

31 mai 1560.

Monseigneur, depuis la dépesche de ce gentilhomme, présent porteur, j'ay eu advertissement de la part de Messieurs de la court de parlement de Bourdeaulx comme en leur ressort, et au lieu de Toneyns l, se sont faictes assemblées et congrégations, soubz prétexte de la religion ; qui a esté cause que j'ay incontinent envoyé devers Monsieurs d'Escars qui estoit party pour s'en aller à Bourdeaulx, pour l'en advertir, afin d'y donner ordre ; et néantmoins je n'ay pour cela laissé de dépescher le sr des Bories 2 enseigne de la compaignie du prince monfilz, pour donner main forte aux commissaires que ladite court a délibéré envoyer sur les lieulx. Et encores, Monseigneur, qu'elle ayt eu ces advertissements d'assez légière main, dont telles et semblables alarmes leur avoient cy devant esté faictes, que la fin a montré n'estre telz qu'on les avoit proposez et faict entendre ; si esse que j'ay bien voullu entrer en ce debvoir, afin que les choses ne se agrandissent, et pour y veoir de plus près, m'achemyner

1. Petite ville de la Guyenne, aujourd'hui chef-lieu de canton du département de Lot-et-Garonne.

2. Le sieur de Bories fut depuis lieutenant de la compagnie d'ordonnance du prince de Navarre et passa sous les ordres de Monluc en 1568. Après la Saint-Barthélémy, il fut envoyé par Montpezat pour commander en Périgord, et mourut peu de temps après.

moy-mesme et m'approcher des lieulx pour y donner tel ordre que vous en aurez contentement. Vous suppliant, Monseigneur, ne vous en empescher ne fascher en riens pour cela, car j'espère par la première dépesche que je vous feray, vous advertir que toutes choses sont appaisées.

Monseigneur, je supplieray à tant le Saulveur du monde vous donner en perpétuelle santé, heureuse et longue vye.

De Pau, ce dernier jour de may 1 560.

Vostre très humble et très obéissant oncle et subject.

Antoine.

(Bibl. de S'-Pétersbourg, collection d'autographes, vol. LU.)

GXLII.

ANTOINE DE BOURBON AU CARDINAL DE LORRAINE

ET AU DUC DE GUISE

31 mai 1560.

Messieurs mes frère et compaignon , j'escrips au Roy Monseigneur, comme après avoir despéché ce gentilhomme présent porteur, j'ay eu advertissement de la part de Messieurs de la court de parlement de Bourdeaulx, qu'au lieu de Toneyns se font quelques assemblées et congrégations d'aucuns, soubz prétexte de la religion ; qui a esté cause que j'en ay incontinent adverty Mr d'Escars qui à ce matin est party d'avecques moy pour s'en retourner à Bourdeaulx, afin d'y donner ordre ; et néantmoins n'ay laissé pour cela de despécher incontinent le sr Les Bories, enseigne de la

compagnie du prince mon filz, pour aller donner mainforte aux commissaires que ladite court a délibéré envoyer sur les lieulx. Et davantaige, afin que les choses ne se agrandissent, j'ay délibéré m'acheminer moy-mesmes et m'en aprocher pour y donner l'ordre que je cognoistray estre requiz pour le service dudit seigneur et auctorité de sa justice, combien que je sache que ladite court a eu ces advertissementz d'assez légère main, et que les choses ne pourront succéder autrement qu'ont faict cy devant telles et semblables alarmes qui leur ont été faictes.

Vous ad ver tissant au surplus, Messieurs mes frère et compaignon, que le payement de ma compaignie avoit été assignée pour la monstre qui s'est faicte en avril dernier sur Me Guillaume Jullien, receveur général du taillon d'Agen, des deniers qu'il doibt des quartiers d'octobre et janvier derniers, dont il n'a esté possible avoir payement, quelque bon debvoir et diligence qu'en ayt peu faire Malaville, commis par le Roy à l'exercice de la généralité d'Agen, qui l'a suspendu, comme vous pourront dire les surintendans des finances que ledit de Malaville en a advertys. A ceste cause, je vous prie adviser de faire bailler autre assignation de par deçà, de laquelle ladite compaignie puisse estre payée, qui sera l'endroict où, après m'estre bien affectueusement recommandé à voz bonnes grâces, je prieray Dieu, Messieurs mes frère et compaignon, vous tenir en sa saincte garde.

De Pau, ce dernier jour de may 1 560.

Vostre bien affectionné frère et meilleur compaignon. ANTOmB

(Bibl. de Sl-Pétersbourg, collection d'autographes, vol. LU.)

ANTOINE DE BOURBON A FRANÇOIS II

31 mai 1560.

Monseigneur, ne voullant jamays rien vous celler des chouses mesmement qui sont dignes de vous et qui de près me touchent et me regardent, je vous advertiray que ung Espaignol, nommé Gambouhe, m'est venu ses jours passez trouver jusques en ce paysdeBéarn, pour m'induyre et conduyre d'entendre à nouvelles praticques, promettant me livrer Fontarabye et Sainct Sébastien. Et encores, Monseigneur, que j'aye bien veu le temps que ce propos m'eust esté plus gracieulx que odieulx, et que je l'eusse curieusement embrassé comme chouse fort aplaudissante à mes conceptions, ce néantmoins sachant de combien vous est cher le bien de paix et le repos de vous subgectz, voullant en cest endroyt et tous aultres ne m'esloigner de vous affections et desceins, mays les suyvre tousjours au plus près de mon pouvoyr, je n'ay voulu entendre es conditions qui m'auroyent esté par cest homme de bien là proposées, quelque avantaige qu'il m'en promist et jurast estre borné de prochaine assurance, aymant mieulx dévorer et remettre en aultre saison mes passions et justes querelles que de me rendre violateur de la transquilité publicque, et conséquemment faire chouse qui peust déplayre en cest endroyct à Vostre Majesté. Au moyen de quoy, en lieu de capituler avecques ledit Gambouhe, je l'ay faict prendre et reserrer, et, en le visitant, a esté trouvé saisi de si bonnes drogues que, amprès sa confession prise, luy mesmes en a donné sa sentence de condem-

nation. Et combien que ses inventions et praticques fussent pestilentes et malheureuses, la conséquance et contagion desquelles regardoyt presque l'unyvers de toute la chrestienté, pour la suytte préjuditiable de la reprise des guerres passées, si est-ce que je n'ay peu me commander jusques là que je n'en aye heu quelque commisération, considérant en ce pouvre malheureulx l'inconstance et variété des chouses humaynes, inclinans tousjours de leur naturel à précipice et décadance, si ceste immensse et divine bonté ne nous preste la main pour nous hoster de ce labyrinthe d'erreur qui nous enlasse en mortelle destresse.

Monseigneur, dernièrement que j'estoys à la court, vous voulustes tant faire pour moy que de me bailler le peys de Poictou pour accroyssement du gouvernement de Guyenne, et parce que j'ay tousjours prys vostre parolle pour entière assurance, je ne m'enquis lors, ny n'ay faict despuys, d'en lever aucunes lettres. Touteffoys, parceque je pourray dedans ung moys ou deulx, par vostre advis et commandement, faire entrée es villes dudict gouvernement (ce que je n'ay encores faict), et que pour cest effect, on m'a dict les dictes lectres m'estre nécessaires à ceste cause, je vous suply , Monseigneur, commander qu'elles soyent despeschées ; et ce me sera tousjours obligation plus grande à vous faire fidelle service.

Monseigneur, je suplieray attant le Sauveur du monde en durable santé, vous donner heureuse et longue vye.

De Pau, le xxxje de may 1 560.

Vostre très humble et très obéissant oncle et subject. Antoine.

(Bibl. de Sl-Pétersbourg, collection d'autographes, vol. LU.)

ANTOINE DE BOURBON AU CARDINAL DE LORRAINE ET AU DUC DE GUISE

31 mai 1560.

Messieurs mon frère et compaignon, j'escriptz au Roy, mon Seigneur, bien au long, pour une occurrance inopinée intervenue pour les raisons au long desduittes par la lectre que j'escriptz à Sa Majesté, qui me gardera de vous ennuyer de plus long discours. Assez me sera pour le présant vous advertyr que je fays de jour à aultre, tousjours nouvelle espreuve en moy mesmes que la condition des princes est d'aultant plus misérable que des pryvés personnes, non seullement parceque en bien grande fortune y a peu de licence, mays aussi d'aultant que à ce but là toutes espèces de gens tirent et s'adroissent par une naturelle envye qui toujours est à la grandeur des chouses humaynes pendente et atachée, et de façon que la seulle misère me semble exempte de ce malheur pour n'avoyr chouse qu'on luy puisse envyer.

Messieurs mon frère et compaignon, vous sçavez que le Roy, dernièrement que j'estoys à la court, me bailla le peys de Poictou , pour accroissement du gouvernement de Guyenne, et parceque j'ay tousjours prys sa parrolle et la vostre pour assurance plus grande que toutes les lettres du monde, je ne me suys jamays enquis d'en lever aulcunes ; mays d'aultant que je me délibère dedans ung moys ou deulx de faire mon entrée es principalles villes dudit gouvernement (si le-

dit seigneur et vous ne le trouvez mauvays), et que pour cest effect on m'a dict qu'il m'estoit besoing de lever les dites lettres d'accroissement du peys de Poictou, cella me fera vous pryer de toute affection, Messieurs mon frère et compaignon, faire tant envers Sa Majesté que la dépesche en soyt commandée.

Messieurs mon frère et compaignon, j'avoys cydevant escript à Mr d'Escars de mener et conduyre le comte de Férye1 despuys la ville de Bourdeaulx jusques à Bayonne, et s'en retourner par ycy, ce qu'il a faict. Et amprès avoyr entendu de luy ce qu'il avoyt apris dudit comte de Ferye, je l'ay soubdain renvoyé en ladite ville de Bourdeaulx, affin d'avoyr l'œil à toutes chouses qui sont pour son regard et pour la charge qu'il a considérables. May s il fault que je vous confesse, Messieurs mon frère et compaignon, que je treuve ung peu estrange ce que vous m'avez escript par vous deulx dernières lettres, l'une desquelles me faict entendre qu'il ne se fault attendre à Monsr de Termes2 pour estre l'ung de mes lieutenans en ce gourvernement de Guyenne, combien que ledit sr de Termes m'ayt aultreffoys dict et déclairé qu'il avoyt ceste charge pour fort agréable, tant pour s'aprocher de sa patrye, que pour donner quelque repos à l'in-

1. Le comte, puis duc de Feria, agent de Philippe II, ambassadeur d'Espagne en Angleterre, admis à l'Assemblée des États par les Ligueurs.

2. Paul de la Barthe, seigneur de Termes, chevalier de l'ordre du roi, capitaine de 50 hommes d'armes, gouverneur de Paris, dit le maréchal de Termes, était né l'an 1482. Après bien des succès qui lui avaient valu un très-grand renom, il avait perdu en 1558 la bataille de Gravelines; malgré cet échec, il jouit jusqu'à sa mort d'une grande considération.

disposition de sa personne long temps atravaillée et afligée par malladye longuement à luy importable, s'il ne donne quelque séjour à son inquiétude. A ceste cause, je vous suply, Messieurs mon frère et compaignon, ne me donner point aultre lieutenant que celluy-là deçà la Garonne. Mesmement et en récompence de ce, je salueray vos bonnes grâces de mes plus que affectionnées recommandations, supliant le Sauveur du monde vous maintenyr perpétuellement en la sienne.

De Pau, ce xxxje jour de may 1 560.

[ De la main du Roy de Navarre : ] Monsr mon compaignon, vous sçavez comme ceste mutation me seroyt préjudiciable, veu mesmement ce que m'avez aultrefoix dit de luy et du peu d'amitié qu'il me portoit. Ce seroit, en lieu de me donner repoz, me bailler une guerre particulière dedans ma charge, qui ne serviroit qu'à donner plaisir à ceulx qui ne m'aiment point. Par quoy, je vous suplie, envoiés-moy Mr de Termes, quelque reffus qu'il fasse, car ce n'est à luy à choisir lieu de son servisce, mes au Roy. Sy vous y failles, vous seré foisté (sic) la première fois que vous verres.

Vostre bien affectionné cousin et plus léal compaignon.

Antoine.

(Bibl. de S'-Pétersbourg, collection d'autographes, vol. LU.)

ANTOINE DE BOURBON A FRANÇOIS II

25 juin 1560.

Monseigneur, j'ay heu piéçà l quelques advertissemens de la court de parlement de Bourdeaulx que d'aulcuns aultres endroictz de ce gouvernement2 qu'il se faisoyt certaines assemblées soubz coulleur et prétexte de la religion. Et tout incontinant je dépeschay gens pour envoyer en tous les lieulx dont on m'avoyt adverty ; èsqueulx je donnay charge de faire entendre partout où ilz passeroyent que je m'achemynoys pour voyr à l'œil dont provenoyent ses faultes et allarmes. Et combien, Monseigneur, que par le raport qui m'a esté faict au retour de tous ceulx que je y avoys envoyé, j'aye vériffié les chouses n'estre telles q'on les m'avoyt faict entendre, ce néantmoins affin que les décretz de vostre court de parlement fussent accompaignez de force compectante, je dépeschay sur l'heure Les Bories , enseigne de la compaignie de mon filz, que j'envoyay à Bourdeaulx, escripvant par luy à Monsr d'Escars qu'il luy baillast tel nombre de gens de ladite compaignie qu'il verroyt estre nécessaire, et à la court de parlement commant je l'envoyoys exprès vers eulx pour accompaigner les commissaires qu'ilz vouldroyent députer pour cest effect, et faire en sorte que l'auctorité en demourast à ladite court et les

1. Pieça, vieux mot français, signifie : depuis quelque temps, depuis longtemps.