Voy. plus haut la lettre au roi du 31 mai
ET DE JEHANNE L>'aLBRET. 203
mandementz desdictz commissaires fussent réallement exécutez. Et néantmoins affin que le progrès de toute ceste négociation fust entièrement conforme à vostre intention, j'ay faict telle dilligence despuys que je suys party de Pau, que je vins trouver les commissaires de la court de parlement de Bourdeaulx, en la ville de Marmande, lesqueulx j'ay bien voulu curieusement enquéryr s'ilz avoyent trouvé aulcune résistance ou désobéissance de vous subgectz à l'endroict de vostre justice, ou contravention à vostre auctorité, leur offrant pour ce regard mon assistance, mes forces entières et présence, si besoing en estoit, et amprès avoyr entendu d'eulx qu'il n'y avoyt chouse aucune qui vous deust raysonnablement esmouvoyr, ne ung seul homme de toute la Guyenne qui heust prys les armes pour se distraire de vostre obéissance, j'ay esté si ayse de ses bonnes nouvelles, lesquelles ilz m'ont assurées et jurées, que incontinant j'ay panssé, Monseigneur, de vous dépescher ce pacquect pour d'aultant mectre vostre esprit en repos, et le purger de la soupson et conjecture de tant de faulces allarmes qui vous sont ordinairement envoyées par gens d'assez léger cerveau, peu expérimentez en matières d'estat, et ne considérant la certaineté qu'ilz doibvent avoyr des chouses avant que d'en empescher les aureilles d'ung si grand prince que vous estes. Qui me fera vous suplier très humblement, Monseigneur, de ne vous ennuyer ne fascher de chouse que l'on vous dye ne que l'on vous escripve en telz cas que celluy dont est question, jusques à ce que moy-mesmes vous en mande ce qui en est. Car puysque vous fiez en moy et sur moy, de chouse qui vous est de tel poix et conséquence, que vostre pays de Guyenne,
persuadez-vous hardiment que je y regarderay de si près qu'il n'en adviendra aulcun inconvényent que premyer il n'adviègne à ma propre personne, laquelle je n'espargneray jamays pour la conservation de vous droictz et maintenue de vostre auctorité.
L'on dict vouleuntiers , Monseigneur, que l'on ne peult plus honnestement ne plus commodéément desrober le cueur d'ung homme de bien que de se fier en luy, d'aultant que la confidence en ung cueur généreulx recongneu, le solicite de si près de son debvoyr, que en le faisant il luy monstre tousjours l'honneur accompaigné de playsir subséquent, en l'oubliant luy propose une honte qui ne peult estre sans grande inquiétude d'esprit imprimée. Au moyen de quoy remémorant souventesfoys telz et pareilz advis qui sont pour tous princes et autres ayans administrations de républicques considérables, je ne puys commander à moy jusques là que je ne soye parfoys fasché en mon esprit, voyant le vostre estre souvent inquiété et travaillé par gens indiscretz qui ne debvroyent sans grans, notables et aparentz effectz estre receuz à proposer telles impertinences. Vous m'escuserez, s'il vous plaist, Monseigneur, congnoissant ceste passion naistre et croistre de la seulle dévotion, et de l'entime affection que j'ay de vous faire service, ensemble et de l'ennuy que j'ay du vostre et de celluy que sans grans propos ordinairement l'on vous donne.
Monseigneur, pour avoir plus grande assurance et certaineté de toutes chouses, j'ay bien voulu donner jusques en ceste ville de Bourdeaulx où j'ay trouvé Monsr d'Escars, lequel j'avoys envoyé long temps a, pour faire son office de lieutenant en mon absence. Et fault que je vous dye, Monseigneur, amprès avoyr
ET DE JEHANNE d'aLBRET. 205
oy sur ce l'advis tant de la court de parlement que de plusieurs aultres gentilzhommes que j'ay icy trouvés, qu'il c'est si bien et si dextrement acquitté en cest estât que la dite court et tous les habitans de ceste ville et peys en ont ung bien grand contentement; et par ce, Monseigneur, que telz offices ne se doibvent celler, je ne luy ay voulu desrober ce service faict en temps oportun et saison assez ténébreuse, ne fust-ce que pour vous faire très humble requeste qu'il vous plaise luy accorder l'ordre, en ma faveur et requeste, vous supliant, Monseigneur, l'honorer de ce titre et degré, pour d'aultant plus m'obliger et luy aussi à perpétuellement vous faire service.
Monseigneur, je suplieray attant le Sauveur du monde, en perpétuelle santé, vous donner heureuse et longue vye.
De Bourdeaulx, ce xxve jour de juin 1560.
Vostre très humble et très obéissant oncle et subgect.
Antoine.
(Bibl. de Sl-Pétersbourg, collection d'autographes, vol. LU.)
ANTOINE DE BOURBON AU CARDINAL DE LORRAINE ET AU DUC DE GUISE
25 juin 1560.
Messieurs mon frère et compaignon, j'escrit au Roy, mon seigneur, bien au long des occurrences intervenues
par deçà ; satisfaizant au contenu en sa dernière lectre et à tous les douttes qu'il peut faire en ce pais de Guienne, duquel je vous oserois respondre estre aujourd'huy en obéissance autant ou plus asseurée envers Sa Majesté que nulle autre province qu'il ayt en son royaume. Ce néanmoins pour satisfaire à l'intencion dudict seigneur, et aussi à ce que vous m'en aviez pour ce reguard escrit, je m'accheminay incontinant. pour veoir les choses à l'œil et retrancher le chemin à ceulx qui en voudroient prendre autre que le droit; et si n'ay eu pas grand affaire en cest endroit, aiant avertissement certain qu'il n'y a aucunes forces assemblées qu'il soyt besoing de séquestrer ou séparer d'ensemble, ce que les commissaires de la court de parlement de Bourdeaulx que j'allay trouver à Marmande, m'ont asseuré sur leur honneur; vous promettant de bonne foy, Messieurs mon frère et compaignon, que je ne m'oublieray point jusques là que je n'y face mon entier debvoir, n'y espargnant pour cest effect ne ma personne ne mes forces entières, touteffois et quantes qu'il les y fauldra employer. Et quant je ne me verray assez fort pour respondre à leurs entreprises, je ne faudray d'en avertir le Roy, Monseigneur, et vous aussy pour m'ayder à les chastier. Mais je pense que je ne seray point en ceste peine, n'y voïant point la flàme estre si grande, que avecques ung bien peu d'eau que j'ay puizée, au fons du pouvoir que le Roy Monseigneur m'a donné, je ne la puisse facillement esteindre.
Messieurs mon frère et compaignon, j'ay tant faict par mes journées que je me suis rendu en ceste ville de Bourdeaulx, et après avoir conféré avecques la
ET DE JEHANNE d'aLBRET. 207
court de parlement et parlé à plusieurs gentilzhommes et cappitaines que j'y ay trouvez poursuivans leurs affaires et procès, j'ay bien cogneu le loup n'estre si grand qu'on le m'avoyt faict; mais en cela je ne crains tant ma peine que celle du Roy Monseigneur, que l'on importunne tant souvent et pour si légières occasions qui ne se peuvent recognoistre quand on s'en approche, et qui s'esvanouissent comme les ténèbres quand le soleil se monstre. Touteffois pour me rembourcer de l'ennuy de mon voieage que ses bélistres me donnent, j'espère à l'issue d'icy m'en venger sur les perdreaulx, et au partir de Bourdeaulx demeurer huict jours entiers sans cesser de chasser.
Et si je prens vengence de mon costé de ses coquins, je vous prie aussy n'en faire moings du vostre, chose qui vous sera fort aizée, ne leur adjoustant foy sans précédente caution de meilleure asseurance que la leur; d'autant que la pluspart de ceulx qui vont vers vous pour defférer les aultres, y vont plus pour éviter la peine des crimes desquelz ilz sont poursuiviz de par deçà que pour autre juste ne charitable considération.
Messieurs mon frère et compaignon, je vous veulx bien avertir que j'ay trouvé en ceste ville de Bourdeaulx Monsr d'Escars, lequel, comme vous scavez et suivant ce que je vous ay cy devant escrit, j'avois piéçà envoyé pour exercer son estât de lieutenant en mon absence, et pour donner la main-forte à la court de parlement de Bourdeaulx, touteffois et quantes qu'ilz luy feroient entendre qu'il en seroyt besoing, j'ay entendu, tant par la dite court, que par plusieurs gentilzhommes que j'ay icy trouvez, qu'il y a faict tel
debvoir et donné si bon ordre, qu'un chacun en a contentement. Et parceque cest office et service mérite bien quelque remunéracion, au temps mesmement où nous sommes, àcestecauseje vous supplie, Messieurs mon frère et compaignon, faire en sorte envers le Roy Monseigneur, qu'il luy plaise, en ma faveur, luy accorder l'ordre; et vous luy augmenterés d'autant le debvoir et l'affection qu'il a au service de Sa Majesté ; et de ma part, je me ressentiray de ce bienfaict comme de chose que vous aurez faicte à ma requeste et sollicitation ; et en récompence de ce je salueray cependant voz bonnes grâces de mes plus que affectionnées recommandations, suppliant le Sauveur du monde, Messieurs mon frère et compaignon, vous maintenir tousjours en la sienne.
De Bourdeaulx, ce xxve jour de juin 1560.
Messieurs mon frère et compaignon, je me suis depuis ceste lectre escritte, avizé de vous despecher Laroche, l'un de mes gentilzhommes, exprès pour de tant plus vous faire plus ample et plus particulière l'affectueuse requeste que je vous faiz en faveur dudit sr d'Escars, ainsi que je luy ay commandé vous faire entendre; vous suppliant, Messieurs mon frère et compaignon, le vouloir escoutter et croyre.
Vostre bien affectionné frère et plus loial compaignon.
Antoine.
(Bibl. de Sl-Pétersbourg, collection d'autographes, vol. LU.)
ANTOINE DE BOURBON A CATHERINE DE MÉDICIS
25 juin 1560.
Madame, après avoir entendu, tant par l'avertissement que m'en feit la court de parlement de Bourdeaulx, que de quelques autres endroictz, qu'il s'estoyt assemblé en ce gouvernement ung nombre de gens soubz le manteau de religion, je me délibéray sur l'heure de m'acheminer pour aller veoir moymesmes que c'estoit; et cependant envoiay Les Boryes, enseigne de la compaignie de mon filz, à Bourdeaulx, escrivant par motz exprès à la dite court de parlement comme je l'envoiois vers eulx pour accompaigner les commissaires et ministres qui seroient par elle depputez pour envoier en tous les endroitz dont elle avoyt eu plaintes et doléances , afin de leur donner la main forte et faire en sorte que l'authorité en demourast au Roy mon seigneur et à sa justice. Et pour plus exactement entendre les choses et les vériffier à l'œil, je feiz telle diligence et debvoir que j'allay trouver les commissaires déléguez par ladite court de parlement de Bourdeaulx en la ville de Marmande ; et après m'estre avec eulx enquis de toutes choses qui sont pour cest affaire dignes de juste considération, ilz m'ont faict la responce telle que sur leur jugement je puis asseoir le mien, et vous asseurer, Madame, qu'il n'y a pour aujourd'huy, en tout ce gouvernement de Guyenne, chose qui mérite enpescher les oreilles du Roy Monseigneur, et vostre, quelque chose
qu'on vous ay escrit pour le contraire. Chose que j'ay encores mieulx vériffiée, arrivé que j'ay esté en ceste ville de Bourdeaulx, tant parceque ladite court de parlement m'en a dict, que par la certiffication que plusieurs gentilzhommes et cappitaines que j'ay icy trouvé m'en ont faict. Et parceque, Madame, j'en foys assez long discours par la lectre que j'escriz à Sa Majesté, je ne vous veulx ennuyer de plus longue escritture, saichant, Madame, que l'on fera fidelle rapport de tout ce que je luy en mande par madite lectre; vous suppliant, Madame, vous persuader que pour les choses qui concernent son service et le vostre, je n'espargneray jamais ny mon bien, ny ma vie.
Madame, j'arrivay avant hier en ceste ville de Bourdeaulx, où il y a bien long temps que j'y avoys envoie Monsr d'Escars , qui y a faict fort longue demeure, non sans grands fraiz; mais ce que plus j'estimme, c'est qu'il s'y est si dextrement conduit et gouverné, que la court de parlement et tous les habitans de ceste ville en ont grand contantement. Et parce que le service qu'il a faict au Roy en cest endroit, en tant de troubles qui se sont présentez depuis qu'il y est, mérite quelque récompence, à ceste cause, je vous supplie très humblement, Madame, faire en sorte envers le Roy, Monseigneur, qu'il luy accorde l'ordre ; et ce luy sera tousjours accroissement d'obligation et d'affection de faire au Roy et à vous très humble service. Madame, je supplieray à tant le Sauveur du monde vous donner en perpétuelle santé, heureuse et longue vye.
De Bourdeaulx, ce xxve jour de juin 1560.
ET DE JEHANNE d'aLBRET. 211
Madame, je me suis, depuis ceste lectre escritte, avizé de vous despescher et envoyer La Rocque, l'un de mes gentilzhommes, présent porteur, exprès pour de tant plus favorablement accompaigner la requeste très humble et fort affectueuse que je vous faiz pour ledit sr d'Escars, ainsi que vous pourrez plus particulièrement entendre dudit Laroque que je vous supplie très humblement, Madame, prendre la peine de l'escoutter et croire, ensemble de laresponcequeje vous faiz par luy sur la créance qu'il vous avoyt pieu dernièrement luy commettre vers moy.
Vostre très humble et très obéissant frère et subject.
Antoine.
(Bibl. de S'-Pétersbourg, collection d'autographes, vol. LU.)
GXLVIII.
