ANTOINE DE BOURBON AUX CONSULS D'AGEN

2 juillet 1500.

Messieurs, ayant entendu que vous tenez en vos prisons d'Agen Lagrange, mon procureur en vostre siège, d'autant que sa détention porte préjudice à la conduicte de mes affaires, mesmes d'aucuns particulliers, dépendant de ma baronnie de Tournon, dont il a le maniement, qui m'importent, desquels pour la fiance que j'ay de luy, je l'ay n'a pas longtemps chargé, n'y pouvant mectre tel ordre qu'il est requis et nécessaire pour mon service, oultre qu'il est à ce

moyen mal de sa personne, et enfermé comme il est es dites prisons, a ceste cause, j'ay bien voleu vous faire ceste lettre, et par le capitaine Lacassagne1, gentilhomme de ma maison, présent pourteur, vous prier pour ceste considération luy emplier les prisons à sa maison, ou entre les mains d'ung huissier ou sergent, tel et avec telle et si sévère garde que vous adviserez, attendant qu'on coignoisse le mérite de la cause, à la charge de soy représenter par devant vous, ou autres qui a ce seront commis et depputés, toutes heures et quantes qu'il en sera requis.

Vous me ferez un bien désiré plaisir luy accorder cet eslargissement , duquel je auray bonne souvenance pour le vous recoignoistre quand l'occasion se offrira ; aydant le Créateur, auquel je supplie, Messieurs, vous avoir en sa très saincte garde.

De Nérac, ce ije jour de juillet 1 560.

Le roy de Navarre, gouverneur, lieutenant

général.

Antoine.

(Archives municipales d'Agen.)

ANTOINE DE BOURBON AU CARDINAL DE LORRAINE

ET AU DUC DE GUISE

9 août 1560.

Messieurs mon frère et compaignon, penssent assez

1 . Le seigneur de La Gassaigne, de la maison de Lupé, fut en 1567 gouverneur de Lectoure, puis lieutenant de la compagnie d'Arné.

ET DE JEHANNE d'aLBRET. 213

que vous verrez et lirez la lectre que j'escriptz au Roy1, mon seigneur, cela me gardera d'entrer en répétition plus grande des chouses que je luy desduictz par là-dedans, et me suffira pour le présent de vous pryer de luy conforter non seullement mes légitimes excuses, mays aussi de luy remonstrer mes justes doléances, lesquelles je me persuade plus à présent que je ne fis oncques, ne provenyr aucunement de vous ; mays parce que vous estes ceulx et seulz qui me pouvez relever de cest ennuy, je vous pry y donner tel ordre que je me rescente de la peyne que pour cest effect vous en prendrez pour moy. J'en voys tant d'aultres qui n'ont pas mieulx mérité, ce me semble, que moy, et qui n'ont si souvent expousé leurs biens et leur vye pour le service du maistre, que j'ay, qui néantmoins ont tout aultre traitement que je n'ay, que je ne puys imputer cela que à mon malheur, puysque la bonté du Roy ne consent que ainsi se face, et que vous voulez et entendez me faire, comme parens et amys, tout aultre office que celluy là. Or, Messieurs mon frère et compaignon, affin que je me puysse effectuellement et asseurément persuader de ceste bonne et louable intention, je vous pryeray de retrancher toutes occasions qui pourroyent naistre et croystre entre nous, pour me faire recepvoyr et concepvoyr opinion contraire à ce que j'en pensse jà de présent. Je vous escriptz cecy franchement et librement, vous pryant y marcher de mesme pied en mon endroict que je feys au vostre.

Messieurs mon frère et compaignon , amprès avoir