ANTOINE DE BOURBON A LA REINE-MÈRE

18 octobre 1560.

Madame , incontinent que j'ay receu la response qu'il vous a pieu me faire par ce porteur, je suis monté à cheval pour m'en venir couscher en ce lieu, et demain à Poictiers, pour de là continuer mon voiage, en obéissant à ce que vous me mandez, le plus dilligemment qui me sera possible; m'estant tousjours bien persuadé, que ceulx qui me voulloient retarder pouvoient en cela avoir adjousté du leur plus que vostre commandement ne portoit; ce que m'estant confirmé et asseuré par la dépesche de ce dict porteur, j'en demeureray d'aultant plus obligé à vostre bonté en laquelle je me suis tousjours appuyé et fyé, et maintenant encores plus que jamais, comme les seulles armes, avecques l'intégrité de ma conscience, dont j'espère vaincre la mallice de quiconque aura voullu donner au Roy et à vous maulvaise impression de moy. Vous suppliant très humblement, Madame, m'excuser si je ne prendz la poste, sortant freschement d'une maladie comme je fais et ne me trouvant au demeurant guerres bien, à cause des années passées pour entreprandre sur moi ce travail, et croire que la disposition n'estant telle maintenant que désire. Je ne laisse pas d'avoir le couraige accompaigné d'aultant d'affection et de fidélité que j'en euz oncques, ainsi que j'espère vous dire dedans peu de jours avecques l'ayde de Dieu. Lequel, Madame, après

m'estre tant et si très humblement que je puis recommandé à vostre bonne grâce, je supplye vous donner en parfaicte santé très contante et très longue vie. Escript à Lusignan, le xviije jour d'octobre 1560. Vostre très humble et très obéissant frère et subject.

Antoine.

(Bibl. nat. Vc Colb. 27, f° 62. — Original, signature autographe!)

GLV.

JEHANNE D'ALBRET AU MARÉCHAL DE MONTMORENCY1

Mon cousin, je n'ay voullu laisser aller le sieur de Briquemault 2, sans ceste lettre pour vous asurer tousjours de ma bonne voulenté, vous priant continuer celle dont vous m'avez tousjours asurée, et croire que ne l'employerés jamais en lieu où l'on désire plus la recongnoistre. Je me délibère estre bien tost à la court, où j'espère vous voir, et de vive voix vous ofrir ce qu'en atendant je fois et de bon cueur par ceste lettre ; que je finiray avecq prière à Dieu, mon cousin, qu'il vous donne sa saincte grâce.

Vostre bien bonne cousine et meilleure amie.

Jehanne.

1. François de Montmorency, fils aîné du connétable, créé maréchal de France en 1559, mort en 1579.

2. François de Beauvais, seigneur de Briquemault, huguenot, pendu par arrêt du Parlement en 1572.

Ma cousine trouvera isy mes afectionnées recommandasions à sa bonne grâse.

(Bibl. nat. Fr. 3152, fol. 79. — Original, signature autographe.)

GLVI.

ANTOINE DE BOURBON A JEHANNE d'ALBRET.

Ma mie, je suis arivé ce jourd'huy en ce lieu de Vendosme bien las et bien crosté, et avecques beaucoup d'ennuis, comme povés bien pencer; là ou j'ai trouvé nostre cousine1 en Testât que vous a dit le prostonotère de Miossens, qui m'a fait entendre bien au long le discours de son affaire; et ne trouve que les choses soit si mal que l'on nous l'a dit, pour son honneur; car j'ay espérance que les choses iront mieulx que nous n'espérons pour elle, et que Monsieur de Nemours ne cera sy malheureulx que de désavouer la prommesse qu'il luy a faicte de l'espouzer2. Nous avons esté d'avis que, après qu'elle ce seroit geste à mes pieds me criant mercy, pour la faulte qu'elle nous a faicte, de l'avoir fait et prommis sans nous en avertir, qu'elle nous suplie luy. pardonner, mes que

1. Françoise de Rohan, clame de la Garnache, fille de René de Rohan, premier du nom, et d'Isabelle d'Albret. Isabelle d'Albret était fille de Jean d'Albret, roi de Navarre, et sœur d'Henri, père de Jehanne. Françoise de Roban était donc la cousine-germaine de Jehanne d'Albret.

2. Allusion à la conduite scandaleuse du duc de Nemours, qui, après avoir abusé de la faiblesse de Françoise de Rohan, refusait de l'épouser.

quant à Dieu qu'elle ne a point failly, et qu'il est son mary, et qu'elle vouldroit qu'il luy eult cousté la vie et ne nous avoir non plus offencé qu'elle a fayt Dieu. Voillà, ma mie, le lenguaige qu'elle m'a tins tousjours la larme à l'euil, tenant contenance sy asseurée qu'il est sien, qu'il n'y (a) homme de nous qui ne la croie fermement, parquoy nous nous dellibérons de la tenir pour famme de Mons1' de Nemours et ne la mespriser ne l'élongner de nous jusques à ce que nous aions nouvelles de luy, et fait ce que pourons pour elle; car il en feroit de mesmes de son cousté , et la pouvre malheureuze demeuroit désonorée et nous en peine grande de l'an venger. Parquoy je vous supplie, ma mie, ne vous ennuiez sy vous ne voies sy prontement les choses venir ainssy que les désirés, car j'ay espérance que le tout bien considéré de luy, qu'il ne peult moins que de passer par là, j'entens de mariage ou de mort. Qui sera la fin, ma mie, de vous prier encore ung coup de ne vous fâcher, car je vous prommés à foy de homme de bien que pour fère connoistre l'amitié que je vous porte je y mestré la vie et les biens pour empêcher sa honte, supliant le seigneur de m'y aider. Au démourant, j'ay hoblié de vous parler de mon affère, qui est de vous prier de m'anvoier tous les deniers qui sont écheu à la Ghandelleur, ou aultrement je recevrès ung honte qui ne viendroit à propoz après tant d'aultres, je prie monsieur de Mande de vous l'escrire plus au long, par quoy je vous prie n'y faillir.

Vostre très affectioné amy et bien léal mary.

Antoine.

(Bibl. nat. Fr. 8746, fol. 77. — Autographe signé.)

Ma mie, nostre cousine, suivant vostre aviz, s'en va vous trouver, aultant ennuyé de peur que pensiez que elle se soit du tout oblié, ce que certainement elle n'a pas fait, non que je la veille excuzer du tout, mais bien vous asseuré-je que par toutes les aparances et congecture quyl ce peult voyr, cest son mary ; et me semble que il ne sen peult dédire sans à son honneur fère tort. Il aura beaucoup de gens qui le destourneront : aussy aura il force peur qui luy fera pencer de l'aultre cousté, car, ma mie, voiant qu'il vous touche et a noz enffans, je n'y veulx riens espargner, soit vie ou aultre chose qui y sera necessère ; et je vous an asseure, ma mie. Quant à ses femmes, je ne les ay point suivant ce que me mandiez en n'envoier, car il nous semble pour milleur avis de ne les envoier point, et les laisser avecques leur mestresse pour l'acompaigner vers vous ; et puis après en ferés comme il vous plaira, car sy je les heussions chassée, tout le monde eust creu que nous eussions congnu que ma cousine eust esté vendue et quelle eust fait faulte contre son honneur, aussy, ma mie, nous ne trouvons point qu'elles en aient jammais riens entendu jusques à tant quelle se soit trouvé groce, et la principalle exécution

d'eulx deux se faisoit à la chambre de la reine durant ces couches, et que le grant pavillon estoit tandu et les fenestres bouchées. Voilla tout ce que j'en sçay de ce pauvre fait. J'ay, ma mie, bonne espérance que tout à l'aide de Dieu ira bien.

Je lairay ce propoz pour vous asseurer, Dieu marcy, que je ne me porté lontemps à mieulx ni plus à vostre comande, et vous prommès, ma mie, qu'il me semble que j'ay plus santu l'amour que je vous porte en ceste fortune avenue que je n'avois fait depuis que je vous avois congnue, ni de vostre grande successyon sentue, et vous prie, ma mie, fère comme m'escrivés par vostre lettre dernière. S'est ainsy que je m'asseure de forclore1 toutes legiereté qui sont souvant cause de donner mauvèze réputation. Supliant le Tout Puissant vous en donner la grâce avecques heureuze et longue vie.

Vostre très affectioné amy et plus léal mary.

Antoine.

(Bibl. nat. Fr. 8746, fol. 97. — Autographe.)

21 janvier (1561) 2.

Ma mie, je receuz hier les lettres que par Bonis-

1. Forclore, vieux mot français, signifie exclure, interdire.

2. Cette lettre est écrite en 1561 pendant la tenue des États généraux d'Orléans, qui durèrent du 13 décembre 1560 au 31 janvier 1561.

sent m'avez escript et verray au plus tost que le loysir m'accompaignera les mémoires que par luy m'avez envoyez, affin qu'après les avoir veuz et bien considérez, je y donne l'ordre qui sera advisé nous estre propre. Cependant, je vous prye bien fort croire que me ferez grant plaisir d'envoyer et faire tenir seurement et incontinant les lettres que j'escriptz à Pedro Jeronymo Sardan, à Oloron et pareillement à Dominicque Ferrant à Nay1, ausquelz de vostre part vous escriprez et leur manderez faire toutte dilligence d'escripre et envoyer tant en Sarra— gouce que Valence pour le recouvrement des graines de melons, concombres, cardes et ongnons doulx de chacquun un sacquet de cuyr d'environ d'un pied de hault, que je leur mande me recouvrer desditz lieux. Lesquelles graines si tost que les aurez receues m'envoirez bien empacquettées par la voye de la poste, comme faictes voz pacquetz. May s il fault que ce soit le plustost qu'il sera possible, car vous sçavez que nous approchons la saison de semer graines, en laquelle n'y fault faillir quy veult avoir le plaisir d'en manger des nouveaux et premiers fruictz venuz, ce que je vous recommande. Se qui me fait vous prier de ceste diligence, c'est, ma mie, que la roynemère2 m'en a extrêmement prié de luy en faire prompte— ment recovrer, et sy seulx d'Aragon sont comme il doivent venus premier de les aultres de Valence, envoies les moy, sans que l'ung attende l'autre. Je m'asseure que vous n'oublirés à ordonner que se soit