ANTOINE DE BOURBON A MONS. DE TERMES, MARÉCHAL DE FRANCE

13 octobre 1560.

Monsieur de Termes, incontinant que je suy s arrivé en ce lieu, j'ay bien vouleu vous envoyer ce chevaulcheur exprès, qui est mon vallet de chambre, pour vous advertir de mes nouvelles, et comme j'espère mècredy au soir arriver à Poictiers, où vous ne doubtez point que ce me sera beaucoup de plaisir de vous voir; cependant si vous avez à propos quelque chose d'importance, vous le pourrez commettre entre les mains de ce dit porteur, qui ne fauldra pour la fiance que j'ay en luy de me bailler voz lettres et s'acquitter de la charge que vous luy baillerez seurement; et pour ce que vous estes, à ce que j'entendz la, en allarmes de je ne sçay quelles rumeurs, s'il y a chose de quoy je puysse, par ma présence, ayder le service du Roy, je me hasteray d'ung jour pour vous aller assister. Et en attendant de voz nouvelles, je me voys recommander de bien bon cueur à vostre bonne grâce; pryant Dieu, Monsieur de Termes, qu'il vous ayt en sa saincte garde.

Escript à Chaulnay1, le xiije jour d'octobre 1560. Vostre bien bon et ancien amy.

Antoine.

(Bibl. nat. Vc Colb. 27, f» 53. - Autographe.) 4. Chaunay, village du Poitou.

GLIV.