ANTOINE DE BOURBON A M. DE BOURDILLON, LIEUTENANT-GÉNÉRAL EN PIÉMONT

28 avril 1561.

Monsieur de Bourdillon, je ne vous puis dire autre chose par ceste lectre que ce que vous entendrez par celles du Roy et de la Royne, sa mère, touchant les provisions que nous sommes après à donner aux paiements de voz gens de guerre, si n'est de vous asseurer que l'on n'y oublye riens. Qui me fait aussi vous prier de le bien faire entendre à voz soldatz, auxquelz il n'y aura nulle faulte, que dans le xve ou xxe de may l'on ne face tenir deux mois tout ensemble ; actendant lesquelz il fault qu'ilz aient ung petit de patience, et que vous regardiez à les contenir tous jours doulcement, sans les laisser mutyner ou desbender. Au reste j'ay veu ce que le sr Ludovic de Birague m'a envoyé par escript, où je seray bien aise que, en aiant conféré avec beaucoup de gens de bien, il se puisse trouver quelque bon expédient de mectre

luy et le sr Scipion hors de peyne. Qui est, Mr de Bourdillon, tout ce que vous aurez de moy pour ceste heure. Priant Dieu qu'il vous ait en sa sainte et digne garde.

Escript à Fontainebleau, le xxviije jour d'avril 1 561 .

Vostre bien bon amy.

Antoine.

(Bibl. de S'-Pétersbourg. Coll. d'autographes. Vol. LU.)