ANTOINE DE BOURBON A M. DE BOURDILLON, LIEUTENANT-GÉNÉRAL EN PIÉMONT

30 octobre 1561.

Mons' de Bourdillon, vous saurez si sagement

acomplir ce que le Roy, Monseigneur, vous mande plus amplement, que cela me gardera de vous uzer d'aucune redicte, voullant plus tost venir à vous prier de considérer de quelle importance est ceste dépesche que je ne vous puis assez recommander ; comme au reste je vous asseure que j'ay tant et tant crié depuis quelsques jours en çà pour voz assignations que j'espère pour ceste occasion, et moiennant le bon ordre que je y faict donner, que vous en serez bien tost satisfaict, dont vous ferez très bien d'advertir voz soldatz, affin que cela empesche qu'ilz ne se desbandent et mutinent, actendant leur paiement. Et en cest endroict, je prie Dieu, Monsr de Bourdillon, vous avoir en sa sainte et digne garde. '

Escript à S1 Germain en Laye, le xxxe jour d'octobre

Vostre bien bon amy.

Antoine.

(Bibl. de S.-Pétersbourg. Coll. d'autographes. Vol. LU.)

JEHANNE D'ALBRET A MADAME DE LANGEY

Novembre 1561.

Ma cousine, je suis fort aise que vous trouvés bon que votre fille soit avec moy. Je vous prie me l'envoyer bientost, et en équipage que sa maison mérite, avec robes et brodures , selon que sçavés qu'il faut , ayant été vous-même mariée chés nous.

Je prieray Dieu, ma cousine, vous donner sa sainte grâce.

De Paris.

Vostre bonne cousine et amie.