ANTOINE, ROI DE NAVARRE, A M. DE LIMOGES

3 décembre 1561.

Monsieur de Limoges, depuis les dernières lettres que vous avez eues de moy, il s'est présenté icy une occasion pour mon affaire, telle que vous entendrez par un mémoire que j'ay faict dresser, de ce que l'ambassadeur d'Espaigne m'a dict de l'espérance que je doys prendre d'avoir quelque raison du Roy catholique, si je tiens le chemyn qu'il dict avoir pensé de luy-mesmes*. Qui est que j'envoye devers le duc d'Alve1 et le prince d'Evoly 2 leur faire entendre la fiance que j'ay tousjours eue en la bonté et équité du Roy leur maître. Ma bonne intention et désir de luy faire congnoistre combien j'auroys à grand plaisir de luy faire service et mériter par là ce que j'actends de favorable contantement de luy en mes pretensions; dont vous entendrez plus au long le discours par ledict mémoyre, et l'artifice dudict ambassadeur pour me mouvoir d'ouvrir l'oreille à ceste pratique; sur quoy, Monsr de Limoges pour ne négliger riens, esti-

1. Ferdinand Alvarez de Tolède, troisième du nom et troisième duc à'Alve ou d'Albe, né en 1508, fut en 1566 nommé vice-roi des Pays-Bas et chargé de réprimer l'héroïque révolte des Gueux. Il avait épousé Marie-Henriquez-Gusman d'Albaliste et mourut en 1582, regretté de son maître Philippe II, dont il avait su maîtriser le caractère inflexible et servir la politique sans pitié.

2. Ruy-Gomez de Sylva, prince d'Evoly ou Eboly, comte de Melito. Philippe II l'avait envoyé à Paris pour faire, de sa part, des compliments de condoléance à la reine-mère, au roi François II et à la reine Elisabeth, sa femme, que le duc d'Albe venait d'épouser en son nom.

niant bien aussi que ledict ambassadeur ne parle pas sans charge, j'ay pensé qu'il ne seroit que très à propos de vous dépescher ce porteur; et sachant vostre prudence et comme vous veoyez clair aux humeurs et actions de ceulx de delà (qui m'a faict croyre fermement que je ne scauroys commectre la conduytte et direction de ce fait en meilleure main; estant vostre affection aussi telle que vous l'avez tousjours démonstrée en ce qui me touche), vous prye que la chose par vous bien considérée, vous veuillez tant me faire de plaisir que de prandre l'occasion à propos, de faire dextrement entendre auxdits deux srs la charge que vous avez de moy, et sur les deux lettres de créance que je vous envoyé de la sustance que vous entendrez par la coppye d'icelle que vous trouverez cy enclose, faire envers eulx de ma part, suyvant ledit mémoire l'office convenable pour attaindre et descouvrir ce que je doys attendre et me puys promectre de leur dict memoyre, les pryant bien fort qu'ils y veuillent emploier ce que je scay qu'ils peuvent. Et en cest endroict, me faire congnoistre ce que j'ay tousjours espéré de leur bonne volunté envers moy. Sentant l'effect de laquelle ils obligeront ung prince qui n'en sera jamais ingrat. Vous entendez, Monsieur de Limoges, mieulx que je ne vous puys escrire comme ceste affaire se doibt manier, qui fera que je m'en remectray à vous qui considérerez bien aussi que mes prédécesseurs et moy n'avons pas attendu si longuement la raison d'un si beau et si ancien Royaume que celuy dont je porte le filtre pour me contanter de peu, ni de chose qui ne fust digne de moy, et scavez bien aussi que ceulx qui me ressemblent n'ont jamais que ung maistre. Ce que

j'ay bien voulu vous toucher en passant afin que si vous entriez si avant en matière qu'ils vinssent à ce qu'ils me vouldront bailler , vous puissez mieulx juger de quoy j'auray contentement pour les redresser selon votre dextérité et la considération grande que vous avez en toutes choses pour de ce que vous en pourrez tirer m'advertir en toute dilligence par ce porteur qui sera bien à propos pour faire les dilligences, allées et venues nécessaires, et ce que vous luy direz sachant bien ce qui est passé entre ledict ambassadeur et moy pour m'en avoir porté la première parolle de sa part, car selon la responce que vous aurez d'eulx et l'espérance qu'il y auroit s'il estoit besoing que j'envoyasse de mes gens par de là pour y besongner plus avant, je les tiendroys prests. Et en cela feroys ce que vous me feriez scavoirestre nécessaire. Ledict ambassadeur en doyt escrire de bonne sorte ainsi qu'il dict et monstre y avoir bonne volunté et quelque espérance dont je ne veulx rien penser que quant j'en verray l'effect et que j'en seray plus asseuré que vous en qui j'ay entière fiance. Pryant Dieu, Monsr de Lymoges, vous donner ce que plus désirez.

De S4 Germain en Laye , le 3e jour de décembre

Ce porteur s'est employé en cest affaire de fort grande affection et démonstration qui me donne espérance que estant par delà il y sera fort utile et vous prie de m'y monstrer la fiance que vous avez en luy pour cest affaire.

Vostre très bon amy.

Antoine.

(Original. Archives de Villebon. Pap. de L'Aubes|>ine. Règne de Charles IX.)

ANTOINE DE BOURBON A M. DE GONNOR1

8 mars 1561 (1562).

Monsieur de Gounnort, la nécessité où se retrove mon filz à l'occasion d'une assignation qui luy a esté baillée2 par Monsr le comte de Tande3, laquelle, sy elle n'est de vous favorisée, mon dict filz est en danger d'aller prendre pour guarnizon vostre logis, et comme au plus grant amy de son père se retirer pour luy donner secours et remède à sa nessecité. Vous le pouvés et je vous en prie ; ce me cera grand plaisir de le voir hors de sus voz bras.

Qui sera la fin de suplier Dieu vous donner bonne vie et longue.

Vostre bien bon et ancien amy.

Antoine.

Je vous prie au moins six mil francs.

(Bibl. nat. Vc Colb. 24, fol. 50. — Autographe.)

1. Arthur de Cossé, sr de Gonnor, créé maréchal de France en 1567, frère du maréchal de Brissac, mourut à Gonnor en Anjou, le 15 janvier 1582.

2. Henri IV avait alors huit ans et quelques mois, on s'explique difficilement qu'il ait pu recevoir une assignation à cet âge. Nous soupçonnons fort Antoine de Bourbon d'y avoir plus de droits que son fils.

3. Claude de Savoie, comte de Tende, beau-frère du connétable de Montmorency, mort en 1566.

GLXXI.

JEHANNE D'ALBRET A MADAME DE LANGEY

3 mai 1562.

Ma cousine, étant arrivée en ce lieu j'ay bien voulu permettre à vostre fille de vous aller voir et vous offrir tout le service qu'elle vous doit, vous assurant que je n'ay fille près de moy en qui j'aye plus d'occasion me contenter. Je vous prie luy faire bonne chère, pour l'amour de moy, et me la renvoyer bientost, d'autant que je l'aime bien fort en ma compagnie, où elle m'est si agréable, que je seray tousjours bien aise de voir ses compagnes de semblables mœurs et condition.

Priant Dieu, ma cousine, vous tenir en sa sainte et digne grâce.

De Vendosme, ce 3 may 1 562.

Je seray bien aise, si votre commodité le porte, que veniés me voir, vous serés la bienvenue.

Vostre bonne cousine et amie.

Jehanne.

(Bibl. nat. F. S.-Esprit, 22, fol. 127. — Copie ancienne.)