JEHANNE D'ALBRET A CATHERINE DE MÉDICIS

Madame ,

11 vous plust m'escrire par Bladre que j'avovs

envoyé vers le Roy mon mary, et me commander de donner conseil à mon frère de laisser les armes1. Et pour ce, Madame, que je n'ay point de communiquasion avec eus, aussy qu'il me siéroit mal de donner avis à tant de personnes qui ont meilleur entendement que moy, il vous plaira me tenir pour excusée sy je n'en ay faict davantaige, qui est que passant par icy, ung gentilhomme allant vers luy, je luy mandé de bouche ce qu'il vous avoit plu m'en commander, à quoy j'ay eu response qui me semble que tout ce qu'ils désirent est de vous servir et obéir : vous asurant, Madame, que je plains comme servante afectionnée peult faire, ses fâcheries où vous êtes; je vous diray que je crains voir diminuer votre santé ; mays les prières ordinayres que l'on faict pour vous seront exaulcées de ce bon Dieu. Madame, il vous avoit plu me donner et asurer la place de gentilhomme de la Chambre de feu Monsr de F....2 pour Monsieur d'Audaus comme il vous souviendra bien. Il en a esté enrosllé d'aultres en sa place et vostre asuranse sur laquelle je m'estois fiée est demeurée inutille. Je vous suplie très humblement, Madame, me tenir vostre première promesse, car sy les choses demeurent aynsy, vous me faistes recevoir une des plus grandes tristes fascheries pour m'en estre desjà asurée et ventée et auroys perdu cela pour ne vous avoir voullu importuner. Vous supliant très humblement, Madame, que ceus qui en mon absense se pourroyent narguer du peu de crédit que j'aurroys eu envers

1. Le prince de Condé se mit à la tête du parti protestant en 1. Le nom est en blanc dans le manuscrit.

ET DE JEHANNE d'aLBRET. 253

vous, n'ayent cest avantaige de vous en faire croire. Ce porteur que j 'envoyé s'il vous plest veoir, vous dira comme le faist va, et le remède qui pouvet naître.

Je vous recommande , Madame , mon mary et mon fils et surtout la promesse que me fistes pour mondit fils de ne luy commander rien aultrement que je l'ay nourry; atendant que j'aye cest honneur de vous faire servise, je supliray le Seigneur, Madame, vous donner longue et heureuse vie, aussi le contentement que vous désirez.

Votre très-humble et très-obéissante

sœur et subjecte,

(Collection Laverdet.)

ANTOINE DE BOURBON A CATHERINE DE MÉDICIS

Mai 1562.

Madame, depuys que j'ay entendu par ce dernier courrier l'extrémité de malladie du prince d'Espaigne et le peu d'espérance de vie qu'il y avoyt, j'ay infiniment pensé au bien et utilité qu'il en pouvoit revenir au Roy, à vous et au royaume, et me suis résolu à une chose qui est qu'il vous fault espérer que la Royne , vostre fille , vivant le Roy son mary , comme j'espère qu'il fera, aura des enfans qui recueilleront ceste belle et grande succession , et estant voz petitz filz et nepveuz du Roy vostre filz, seront si astreinctz

d'alliance et parenté que ce leur sera une obligation pour vivre et demeurer en une perpétuelle amytié, union et bonne intelligence. Et si le malheur estoit tel qu'elle n'en eût point, ou que le roy son mary luy vint à faillir, comme l'expérience nous a fait congnoistre que les choses de ce monde sont pleines d'incertitude et de peu d'asseurance, je ne voy point, Madame , que de toute ceste alliance voz successeurs puissent tirer aucun fruict, si ce n'estoyt ung auquel, encore qu'il y ait des difficultez, les commoditez qui en viendroient sont si grandes qu'elles le feroient trouver aysé et raisonnable : c'est le mariage du Roy avec la princesse d'Espaigne, du quel je m'asseure que de prime face en lisant ceste lectre, vous rirez pour l'inégalité d'âge qu'il y a entre eulx. Mais quand vous considérerez, Madame, que le terme en est long, et qu'entre cy et là il peult survenir beaucoup de choses qui le pourront advancer, ou bien feront naistre des occasions de le rumpre et dissoudre, je veulx croyre que vous ne le trouverez point si maulvais. C'est une chose de quoy il ne seroyt pas à propoz de parler si promptement ny y procedder chauldement ; mais en maniant de loing avec la discrétion et la froideur que vous sçaurez par vostre prudence très bien faire et commander estre faicte, ce seroyt pour les tenir en bonne volunté. Et selon que vous verriez que se porteroit la royne, vostre fille, ou vous le retarderiez, et y feriez la froidde, si vous la voyez en espérance d'enfant, comme je le croys et espère qu'elle sera; ou vous l'advancerez si vous voyez qu'il en sera besoing, vous apportant l'eage du Roy commodité de tout ce que dessus.

ET DE JEHANNE d'aLBRET. 255

Et de cela, Madame, en tout événement, quand Dieu ne vous favoriseroyt tant de donner des enfants à la royne vostre fille, le bien qui vous en reviendroyt seroyt de porter en deux la plus belle et la plus grande succession de la chrestienté, qui seroyt la consumation de la grandeur de ceste monarchie, et la ruyne de celle de qui la puissance ne vous est que trop suspecte, et si je puys dire pernicieuse. Ce que je vous supplie, Madame, peser et considérer à part vous, m'asseurant qu'après qu'il aura esté digéré par vostre bon entendement, et que vous y aurez interposé vostre prudence et bon jugement, vous sçaurez très bien congnoistre le bien, l'utilité et l'advantaige qui vous en peult advenir, et les moyens dont il se fauldra conduyre et gouverner; et de l'aultre part, le désavantaige et peu de besoing qu'il en sera, et les raisons pour n'y entrer ny le mectre en avant.

Bien vous suppliay-je, Madame, très humblement, ne trouver point maulvais ce que librement je vous en escrys, et croyre tout ainsi qu'il n'y a après vous personne vivante qui désire plus le bien, grandeur et augmentation du Roy et de ce royaume, pour n'y en avoir pas ung qui y ayt plus d'obligation que moy, il ne se présentera aussy jamays riens que je pense y pouvoir apporter proffict, honneur et advantaige, que librement et sans cérémonie je ne vous le die, m'asseurant que, congnoissant ma bonne et saincte intention, il sera receu de vous, comme venant de la personne du munde qui plus vous ayme, et le Roy, et tout ce qui vous touche. Si j'eusse espéré vous voyr dans peu de jours, j'eusse attendu à le vous dire ; mais craignant que ce bien ne me soyt sitost permis que je désireroys,

je n'ay voulu perdre temps, et ay voulu assez promptement vous en faire part comme incontinent que j'ay entendu ceste nouvelle, j'y ai pensé et depuis maintefois repensé. Je né scay de mieulx que vous y dire, si ce n'est que je prie Dieu, après m'estre très humblement recommandé à vostre bonne grâce, qu'il vous doint très bonne et longue vie.

De Pau, ce ... jour de may 1562.

(Bibl. de S.-Pétersbourg. Coll. d'autographes. Vol. LU.)

ANTOINE DE BOURBON A CATHERINE DE MÉDIGIS

22 juillet 1562.

Madame, après avoir bien considéré ce que vous m'avez mandé par le Sr de Malicorne1, et que Monsr le Cardinal de Lorraine a escript à ces Seigneurs, de l'envie que la Royne d'Angleterre ha de depputer quelques ungs de son conseil pour la pacification des troubles qui sont en ce royaume ; et sur cela pesé et débatu tout ce qui se peult avec ces dits Seigneurs pour veoyr ce qui estoyt le plus utile pour le bien du service du Roy, il m'a semblé, Madame, que bonnement vous ne l'en pouvez esconduyre ny reffuser son adviz; aussy ne devez-vous la mectre en doubte et souspeçon que vous n'estimiez l'office qu'elle veult faire très bon , et que vous soyez en aucune défiance d'elle.

1 . Jean de Chourses , seigneur de Malicorne , lieutenant en Poitou.

Et pour cest cause, je suys d'oppinion que vous laciez entendre à l'ambassadeur de ladite dame, que vous avez tout le contentement et satisfaction qu'il est possible, de sa bonne volunté et du soing qu'elle a montré avoir du bien et repoz du royaume ; dont vous sentez lui avoir tant d'obligation, ainsi que vous luy sçaurez, Madame, très bien dire et mieulx qu'on ne le vous sçauroit mander, que pour la remercier assez dignement, comme il est bien raisonnable, vous délibérez envoyer quelque gentilhomme exprès devers elle, que vous lui asseurerez debvoir partir dans ung jour ou deux; et quand vous le tiendrez quatre ou cinq, ce ne sera qu'aultant de temps gaigné. Cependant, Madame, vous regarderez de le choisir homme de bon entendement pour pouvoir ce faire selon vostre intention. Auquel je seroys d'advis que donnassiez charge, après l'avoyr infiniment remerciée de la part du Roy, vostre filz, et de vous, de la poyne qu'elle prend et du désir qu'elle a de vous veoir en paix et ce royaume pacifique, et tesmoigné par tous les honnestes propoz dont il se pourra adviser, l'obligation que vous lui en recongnoissez, comme il le pourra estendre bien amplement, de luy dire que, encores que vous debvez bien fort estimer son saige et prudent adviz en toute chose, en cestuy mesmement le désirez vous plus que d'aultres, d'aultant qu'ayant esté son royaulme du temps des roys ses prédécesseurs, et nommément ses père et frère et sœur, travaillé de pareilles divisions et agité de semblables troubles et tumultes, il est croyable que leur ayant faict Nostre Seigneur la grâce d'en eschapper, elle sçaura les moyens qu'ilz ont tenuz pour ces faire ; lesquelz il la priera de vostre part vous

vouloyr communiquer par luy et en avoyr de bons mémoyres, pour s'en servir au bien de voz affayres aultant que vous voyez que le besoing le requiert ; et que, si cela se peult faire par luy-mesmes, ce vous sera encores d'aultant plus de plaisir que par là vous relèverez de poyne celuy que la dite dame y vouldroit envoyer. Ce que vous ne faites point tant pour reffuser l'honneste office qu'elle veult faire faire ny par doubte ou souspeçon que vous ayez d'elle, ny de ses actions ou déportements, que pour ce que les princes d'Allemaigne se sont conviez à en faire de mesmes, et que vous les avez refusé, et que vous craindriez grandement, s'ilz voyoient icy pour ceste occasion ses gens, que cela leur en fist venir l'envie, laquelle vous ne pouriez trouver maulvaise, ny les en esconduire ; qui pourroyt apporter peut-estre quelque malcontentement de voz aultres voysins, l'amytié desquelz vous désirez conserver de tous éguallement.

En quoy, Madame, vous luy commanderez de s'enfermer, sans s'estendre plus avant qu'il ne considère bien la contenance de ladite dame, et pour voir s'elle trouvera cela maulvoys , et s'elle recevra ses raisons pour bonnes. Et s'il voyoit que cela l'altérast et qu'elle n'en feust bien contente et satisfaicte, comme estant libre, elle ne se pourra tenir d'en faire quelques démonstrations, et estant bien advisé, il le pourra congnoistre, quand il verra qu'il sera à propoz, il luy pourra dire qu' encores que vous luy ayez donné charge de dire tout ce que dessus, et que vous ayez faict cela pour ne la mectre en poyne, toutesfoys que vous la pouvez asseurer, s'elle le veult prendre et tant faire pour vous et pour ce royaulme, que de vous envoyer

ET DE JEHANNE d'aLBRET. 259

quelque gentilzhomme de ses hommes d'expérience, et qui ayent eu congnoissance de telz choses, que vous ne remiserez point ce bien, mais au contraire luy en sçaurez infiniment bon gré ; l'asseurant qu'estant en France, il recevra tout le bon traictement dont l'on se pourra adviser, encores que vous estimiez que malaizément pourra-il estre à temps que les choses ne soyent trouvées à peu près de vostre intention, soubz le bon commencement qu'elles ont prins, et les bonnes et gaillardes forces que le Roy, vostre filz, a ensemble pour cest effect. Luy disant au demeurant, Madame, qu'il a charge de vous de ammener et conduyre celluy qu'elle aura depputé. Et il vous advertira en toute dilligence, et cependant advisera de l'ammener assez lentement, affîn de gaigner tousjours aultant de temps. Et vous approchant d'icy, Madame, le temps sera d' aultant allongé : tout lequel terme nous sommes d'advis se debvoir gaigner affin d'empescher que, estant icy, ces Allemans n'y viènent, et qu'il ne se face là-dessus une communication entre eulx qui ne vous apporteroyt rien de bon ny d'avantaigeux pour le service du Roy, vostre filz. Qui est, Madame, puisqu'il vous plaist m'en demander mon advis, ce qu'il m'a semblé, et à tous ces Seigneurs, que vous debvez faire, que je vous supplie recevoyr d'aussy bonne volunté comme il vous est présenté.

Priant Dieu , Madame , après m'estre très humblement recommandé à vostre bonne grâce, qu'il vous donne bonne et longue vie.

Du camp de Bloys, le xxije jour de juillet 1 56^.

Antoine.

(Bibl. de S.-Pétersbourg. Coll. d'autographes. Vol. LU.)