ANTOINE DE BOURBON A M. DE S'-SULPICE

26 juillet 1562.

Monsieur de Sainct Sulpice , encores que la Reyne vous escrive bien amplement de tout ce qui se présente, si est-ce que, passant par icy vostre homme, je ne l'ay voulu laisser aller sans l'acompaigner de la présente, pour vous dire comme, Dieu mercy, je suys icy venu avec l'armée de Sa Majesté, avec tous ces seigneurs, où Dieu nous faict si belle grâce, que, après que l'armée de ceulx d'Orléans se feust retiré, ayant faict quelque petite mine de nous combattre, ainsi que vous lirez par le discours que je vous anvoye, pour le communiquer là où il sera besoing, avec celluy que la Reyne vous anvoye de son costé, je me suis venu loger icy, où j'ay recouvert la pluspart des villes qui estoyent retirées de l'obéyssance du Roy Monseigneur; de façon que j'ay ouvert le chemin et de la Bretaigne et de la Guyenne, de façon que, j'espère, dans peu de jours l'on ira bien seurement d'icy à vous. Cependant, je ne veulx faillir à vous dire une chose qui est survenue ; de quoy il me semble qu'il est besoing que le Roy catholique soit adverty, pour estre chose en quoy il a intérest comme nous : c'est que, voyant la Reyne d'Angleterre noz rebelles réduictz à telle extrémité

1. Jean d'Ebrard, baron de Saint-Sulpice , chevalier de l'ordre, conseiller d'État, capitaine de cinquante hommes d'armes, fut ambassadeur de France en Espagne sous le règne de Charles IX. 11 mourut le 5 novembre 1581.

ET DE JEHANNE d'aLBRET. 269

qu'il fault que dans peu de jours ilz viennent la corde au col, ou qu'ilz endurent l'extrémité que leur faulte mérite, et que parla nostre religion soit vue confirmée, et la nouvelle destruycte et ruynée, pour nous en oster le moyen et les soustenyr et favoriser en leur rébellion, faict toutes les démonstrations qu'il est possible de leur vouloir assister, disant publiquement à nostre ambassadeur qu'elle veoyt bien que c'est une ligue faicte entre le Roy Monseigneur, le Roy catholique, le Pape et les aultres princes catholiques, pour ruyner et exterminer la dite religion, et que pour ceste cause estant ung feu qui s'allume chez ses voysins, qui pourra à la longue brusler, si n'estoit qu'elle le veult esteindre avant qu'il soyt venu à elle, pour lequel effect elle faict continuer d'armer douze mille hommes qu'elle tient prestz pour faire une descente en nos costes : ce qu'advenant à cest heure, encores que nous ayons forces assez grandes, avec l'ayde et secours du dit Sr Roy catholique, pour combatre tout ce qui se présentera, ne pourra que nous apporter une grande défaveur et ung grand courage à eux.

Et pour ceste cause il est bien nécessaire que le Roy catholique qui est aujourd'huy, estant nostre Roy à l'âge qu'il est, le plus grand prince de la chrestienté, capable de raison pour maintenir nostre religion, il embrasse ce faict vifvement, et qu'il en face une bonne et rudde instance à l'ambassadeur de la dite dame, et au sien qui est en Angleterre, ou bien par quelque gentilhomme exprès, pour la prier de se despartir de cela, ou pour la menasser, s'elle se mesle d'en estre, de la départir à ses despens, acompaignant cela de tout ce qu'il scaura très bien adjouster. Et j'espère que

ceste dépesche sera si menassante qu'elle luy fera mectre de l'eau dans son vin.

Gomme vous aurez parlé au Roy et duc d'Albe, vous nous advertirez en toute diligence de ce qu'il en aura dict et de l'ordre qu'il y aura donné. Qui est, Monsr de Sainct Sulpice, ce que vous sauroys dire, si n'est que vous ayez recommandé nostre faict , et prie Dieu vous tenyr en sa saincte et digne garde.

Du camp de Bloys, le xxvje jour de juillet 1 562.

(Bibl. de S.-Pétersbourg. Coll. d'autographes. Vol. LU.)

ANTOINE DE BOURBON A M. DU LUDE1

4 septembre 1562.

Monsieur du Ludde, vous entendrez comme Dieu mercy nous avons repris Bourges, qui nous a tenu longuement plus que nous ne pensions, pour se être trouvé l'assiette plus difficile que nous n'avions espéré : toutesfois nous avons usé de telle diligence, que nos gens estoient dedans le fossé sy près d'eulx, que je vous puis asseurer, s'ils ne se fussent hastez de partir, ils estoient en danger d'estre bien malades en peu de jours. Toutesfois le désir que laRoyne a heu de sauver ceste ville du sac et du pillaige , a esté cause que nous avons myeulx aymé la recepvoir à composition, que de les avoir de force, comme nous pouvions faire. De maintenant ceste ville estant asseurée, et tout