ANTOINE DE BOURBON A RENÉ DE VIMEUR

25 juillet 1562.

Nous Antoine, par la grâce de Dieu, roy de Navarre, lieutenant général pour le Roy, Monseigneur, représentant sa personne par tous ses royaume, pays et terres de son obéissance.

Certifions au bailly de Vendosmoys ou à son lieutenant que, pour le service delà Majesté du Roy Monseigr en l'occasion qui maintenant se présente, s'est présenté en equipaige d'armes et chevaulx René de Vymeur, escuyer, seigrdeRochambeau, lequel partant, nous avons afïranchy et exempté, affranchissons et exemptons de se trouver ou représenter en personne ni par procureur à la convocation et assemblée du ban et arrière ban de tous baillages, séneschaussées et prevostez suyvant les lettres patentes expédiées dudit seigneur les xvje et xvije d'avril dernier passez, et de la contribution en quoi ledit Vymeur pourroit estre

1. Les de Vimeur sont originaires de Touraine; établis en "Vendômois au xve siècle , ils deviennent , au commencement du xvie, seigneurs de Rochambeau.

cotisé à cause de ses fiefs dont pareillement pour estre au service du roy.

Nous l'avons exempté et exemptons par ces présentes; et, d'aultant que ceste présente exemption vous sera monstrée après le dizième jour du mois de may, jour assigné pour comparroir à la dite convocation et assemblée suyvant lesdites lettres patentes, nous voulions toutefoys que ledit Vymeur soit exempté tant de la comparution que contribution dudit ban et arrière ban, et, nonobstant la closture des roolles dudit ban et arrière ban, si la faulte elle estoict, et si aucune saisye avoyt esté faicte sur ses terres et fiefs ou aultres à luy appartenances en quelque baillage, sénéchaussée et prevosté que ce soict, qu'ils soient scituez et assis par faucte de n'estre comparu le dict dizième jour de may, voulons et mandons à tous juges royaulx et aultres officiers qu'il appartiendra de luy en bailler main levée a pur et a plein, luy faisant rendre et restituer ses deniers, si pour ce faict en avoient esté prins et levez sur luy. Et en témoing de quoi, Nous avons signé ces présentes de notre main et faict cacheter du cachet à noz armes.

Faict au camp de Bloys, le xxve jour de juillet mil cinq cents soixante deux.

Antoine.

Sandras.

(Titres de famille de la maison de Vimeur de Rochambeau.)

GLXXIX.