JEHANNE D'ALBRET A M. DE DAMVILLE
21 novembre 1563.
Mon cousin, pour aultant que j'ay dans vostre gouvernement ma vicomte de Lautrec, grandement usurpée par aucuns nous vassaux et subjectz pour l'intelligence qu'ilz ont eu cy devant avec aucuns de mes officiers, et que à cause des trobles survenuz en la ville de Castres l'oms a tenues certaines assietes dans nostre ville de Lautrec, esquelles nostre juge n'auroyt esté appelle, comme par les instructions des gens de
1. Henri Ier, duc de Montmorency, connu d'abord sous le nom de Danville, un de ses duchés, était le second fils d'Anne de Montmorency. Il venait d'être nommé gouverneur du Languedoc.
trois estats, est pourté; qui nous donne à pancer que c'est pour que ceux qui y tiennent la main de prés ne soyent descouvertz et cogneuz en leurs factions et à mon préjudice, et qu'il nous a fait entendre que la présente année aussy y seront continués, causant le danger de peste qu'est audict Castres ; il vous plerra commander à la despeche des commissions que ferez drecer aux diocèses, ne y omettre nostre juge dudict Lautrec, comme ordinairement l'om a de costume, y mettre ung de nous consulz dudict Lautrec, tant pour la conservation de noz droictz que solaigement de nous pouvres subjectz, lesquelz je vous prie avoir en singulière recommandation, considéré que les actes qui se font dans nous terres, et qu'il ne y peult avoir assistant qui puisse entendre mieulx les aféres et plainctes que l'ordinaire qu'est nostre juge ; et m'asseurant que ne me refuzerés une si juste demande, a tant mon cousin, je prieray Dieu vous tenir en saincte vie longue, me recommandant à vostre bonne grâce.
De Pau, ce xxje novembre.
Vostre cousine.
Jehanne.
(Bibl. nat. Fr. 3152, fol. 77. — Original.)
GLXXXIII.
JEHANNE D'ALBRET AU CONNESTABLE DE MONTMORENCY
42 décembre 1563.
Mon cousin, estant si résolu et bon amy comme vous estes, je ne doubteroy jamays que les choses qui
touchent à ceulx qui de leur part vous ayment, ne vous soient en telle recommandation qu'elles doibvent ; et sur ceste asseurance, combien que je sois assaillye par infiniz artifices pour esbranler ma foy, et estonner ceulx qui me peuvent porter quelque bonne vollunté, je me tiens toute persuadée que si je n'ay guéres de bons amis à Rorarae, je n'en auray toutes fois de faulte ailleurs ; joinct que la seureté du Roy est tellement lyé avecques ma cause, qu'il est bien mallaisé de me blesser sans le toucher. Et sur ce poinct, me recommandant de toutes mes affections à vostre bonne grâce, je supplie Dieu, mon cousin, qu'il vous ait en sa très saincte et digne garde.
Escript à Pau, le 12e jour de décembre 1563.
Vostre bien bonne cousine et parfaicte amie.
Jehanne de Navarre.
[Autogr.] — Sy je ne savoys vostre bonne voulonté sy antière en mon endroict, j'esaierois à la vous augmenter par prière. Sy ma cousine voit ceste lettre, elle y trouvera mes affectionnées recommandasions à ses bonnes gràses.
(Fr. 3260, fol. 89.)
JEHANNE D'ALBRET A MADAME DE LANGEY
15 mai 1564.
Ma cousine, pour ce que j'ay touiours connue Langey, vostre fille, fort sage, modeste et vertueuse,
je l'ay choisie comme l'estimant bien digne d'estre auprès la personne de ma fille, que j'envoye à Vendosme, y ayant en l'absence de sa gouvernante fait tel office et devoir que j'ay bien voulu lui en bailler le soin et sollicitude. Je n'ay nullement envie de la perdre, mais employer tous les moyens que Dieu m'a donnés pour son bien et avancement, et la voyant d'âge et en estât d'être mariée pour faire quelque bon ménage, je vous prieray d'autant que vous luy portés amitié de vous employer avec ses parens pour luy trouver quelque honeste party, et, si ma faveur luy peut servir de quelque chose, vous êtes assurée que je ne l'espargneray en rien, non plus que la bonne dévotion que j'ay de vous faire plaisir ; et sur ce, je suplie le Créateur, ma cousine, vous donner sa sainte grâce.
De Limoges, ce 1 5 may 1 564.
(Bibl. nat. F. S. -Esprit, 22, fol. 127. — Copie ancienne.)
JEHANNE D' ALBRET A MADAME DE LANGEY1
Ma cousine, l'amitié que j'ay toujours portée à votre maison, et particulièrement à votre fille, que j'ay nourrie, et de laquelle je connois les vertus le mériter, m'ont fait vous écrire cette lettre ; voyant qu'il se
1. Cette lettre et les deux suivantes sont placées ici, quoique non datées, parce qu'elles se rapportent à la même personne et au même objet que la précédente.
présente un party de mariage qui me semble fort raisonnable, et de quoy vous avés déjà oui parler, qui est le sr de Percy, nourry en la maison de céans. Et par ce, ma cousine, que je veux avoir le même soin de vostre fille, l'ayant nourrie, que la feue royne, ma mère, eut de vous, j'ay prié Monsieur de Vaux passer par chés vous et vous en parler, afin que si ce party vous est agréable, les choses ne tirent point en longueur et vous avisiés les moyens à m'en rendre responce. Au demeurant, étant si près, quand vous voudrez me venir voir, vous serez la bienvenue. Vous priant croire que je vous demeureray, après avoir prié Dieu vous tenir en sa sainte garde.
Vostre cousine et amie.
Jehanne.
(Bibl. nat. F. S.-Esprit, 22, fol. 127. — Copie ancienne.)
JEHANNE D'ALBRET A MADAME DE LANGEY
Ma cousine, l'envie que j'ay que mes entreprises prennent heureuse fin, quand elles sont fondées sur de si justes raisons, me fait et fera continuer vous prier de vouloir entendre au mariage de vostre fille et du sieur de Percy, voyant les choses si confirmées qu'avec raison vous ne m'en pouvez refuser. Et ayant tousjours eu cet heur que mon conseil a tousiours esté creu en mariage des filles que j'ay nourries, je trou-
verois estrange que vous seule me fissiez ce tort de me contredire, veu même la nourriture qu'avès prise céans qui vous retient encore en quelque obligation. Vous en ayant déjà écrit, vous vous êtes remise aux parens de vostre fille, qui m'ont fait tous bien honneste réponse et m'assure que, si vous donnez vostre consentement, ne m'en dédiront. Quant à vostre dernière responce du sr de Polligny , lequel s'est venu présenter, il me semble que si désirez le repos de vostre fille, que vous devés considérer l'âge qui n'est nullement compétend, encore que le bien y puisse estre. Vous devés considérer que vostre fille sera vieille et passée quand l'autre sera en son âge, et que, de cet inconvénient, survient bien souvent de si mauvais ménages qu'il vaudroit mieux qu'elles en eussent épousé de moindres; encore que je n'entende cela pour le sieur du Peré qui n'a guère moins de biens, si vous vous voulez enquérir, et n'a sœurs à marier ; et quand à sa personne, ne mérite rien moins, s'étant toujours trouvé aux lieux où les gens de bien se font connoître et qui déjà porte une telle affection à vostre fille qu'il me semble, veue que les biens, l'âge et la personne et ce que scauriés désirer y est, que vous luy fériés grand tort et plus à votre fille, laquelle ne trouvera pas toujours tels mariages à poste ; vous priant, ma cousine, vouloir entendre et croire qu'outre ce que vous mettrés vostre fille bien et à son contentement, comme je croy, que vous m'obligerés infiniment. Il m'a semblé que cette lettre de ma main vous donnera mieux à entendre l'affection que j'ay à ce mariage, en quoy, jusqu'à ce que j'en sois venue à bout, je ne me lasseray vous prescher et tous vos parents, et vaut
mieux s'en deffendre de bonne heure que de laisser trainer les choses. L'amitié que je porte à vostre fille m'en fait écrire dé cette affection.
Priant Dieu, ma cousine, vous donner ce que vous désirez. Je vous prie croire ce porteur qui est à moy et à qui j'ay dit ma volonté.
Vostre bonne cousine et amie.
Jehanne.
(Bibl. nat. F. S. -Esprit, 22, fol. 127 v°. — Copie ancienne.)
GLXXXVII.
JEHANNE D'ALBRET A MADAME DE LANGEY
Ma cousine, ayant entendu par M. de Lavardin1 le consentement que donnez au mariage de luy et de vostre fille, j'en ay esté merveilleusement aise, pour sembler party fort raisonnable, et pour l'amitié que je porte à vostre dite fille, ayant connu sa vertu. Je vous assure qu'elle n'aura jamais heur ni contentement que ie ne m'en réjouisse; mais vous ne trouvères point estrange si, puisque l'on dit que vous y mettes mon consentement avec le vostre, j'en veux estre plus assurée par vous même, afin qu'il ne me soit reproché d'avoir mariée vostre fille sans vostre vouloir, lequel je vous prie m'escrire , et parce que vostre fille bien
1. Jean de Beaumanoir, IIIe du nom, marquis de Lavardin, chevalier des ordres du roi, capitaine de cinquante hommes d'armes, gouverneur du Maine et du Perche.
ET DE JEHANNE d'âLBRET. 279
née et bien nourrie sçait l'obéissance qu'elle vous doit,
je vous prie aussi luy escrire et commander vostre
volonté, et, si vous me voulez faire ce plaisir, d'y
venir et luy faire office de bonne mère, vous sériés la
très-bien venue, et ne vous trouveriés que là où vou-
driés, comme j'ay comandé à ce gentilhomme de vous
dire de ma part, et prieray Dieu, vous tenir en sa
sainte garde.
Vostre bonne cousine et amie.
Jehanne.
(Bibl. nat. F. S. -Esprit, fol. 128. — Copie ancienne.)
GLXXXVIII.
JEHANNE D'ALBRET A M. DE LA BARRE1
10 octobre 1564.
Monsr de la Barre, le Roy m'ayant faict cest honneur de se remectre et reposer en moy de la conservation de ce pays e#f son obéissance, et pour y faire observer ses édicts; en sorte que ceux de l'une et l'autre religion, tant romaine que refformée y vivent en paix et concorde, et que les divisions qui ont eu cours soyent mises soubz le pied, j'ai advisé, d'autant qu'il est besoing, faire entendre sa volonté à toutes parties, principalement aux gentilshommes qui doibvent servir
1. Jean de Vanssay, 3e du nom, seigneur de la Barre, auquel cette lettre est adressée, catholique zélé, fut choisi par le roi Charles IX pour recevoir le serment des gentilshommes de la province appartenant à la religion réformée, par commission en date du 15 septembre 1566.
de lumière à tous les autres estats, de vous mander avecques d'autres auxquels j'escris semblable lettre, vous priant, icelle receue, me venir trouver pour tout le jour de jeudy prochain qui se comptera le douziesme jour de ce moys et ne vous retarder pas faute d'équipaige , d'autant que ceste dépense n'est poinct nécessaire, ny que vous veniez en armes, vous voullant seullement paisiblement déclarer ce que je doibs pour le service de Sa Majesté , pour après cela vous en retourner aussi librement que vous serez venu; mais n'en faites aucune difficulté, je vous prie; et baillerez au porteur certification de la réception de la présente: priant Dieu, Monsr de la Barre, vous tenir en sa saincte et digne garde.
A Vendosme, xe jour d'octobre 1564.
La bien vostre.
Jehanne.
(Arch. de la maison de Vanssay, Sarthe. — Original signé.)
JEHANNE D'ALBRET A MADAME DE LA ROCHEFOUCAULT l.
Juillet 1564.
Ma cousine, ayant entendu qu'estiés avecq mon frère et Madame de Roye vostre mère2, je n'ay voullu
1. Charlotte de Roye, comtesse de Ronce, dame de Pierrepont, à qui cette lettre est adressée , née en 1537, mariée en 1557 à François III, comte de La Rochefoucauld, mourut en 1569.
2. Madeleine de Mailly, mère de la princesse de Condé et de la comtesse de La Rochefoucauld, mourut seulement en 1567.
faillir vous escrire ccste lettre, sur tout l'ennuy que vous portez de la perte de nostre seur1, et duquel je suis à bon ésient partissipante , considérant la faulte qu'elle nous fera : et serays bien ayse de vous voir passant pays, avant que vous retournisiés ; car je m'en vois en Vendosmoys pour faire une diète : ce ne sera sans visiter mes amis, ny bons parentz; parse que je n'escris point à mon nepveu et à ma niepse, vous leur présenterés de ma part avecq mes recommandasions bien affectionnées tout ce que je pourray pour eux, désirant leur tenir place de mère, et à vous, ma cousine, de la plus afectionnée parente que scauriés avoir, supliant Dieu qu'il vous donne la consollasion de tout vostre ennuy, de par
Vostre bonne cousine et meilleure amie.
Jehanne.
(Bibl. nat. Fr. 3188, fol. 17. — Autographe.)
JEHANNE D'ALBRET A LA DUCHESSE DE NEVERS
Ma seur, vous savez la fianse que j'ay en vous. Je suis bien aise que une fortune m'est advenue plus tost en vostre endroict qu'en aultre, veu que savez desjà mes malheurs, qui est d'une lettre que j'escrivoys à
1. La princesse de Condé, Éléonore de Rove, mourut le 23 juillet
Monsr de Mende qui a esté fermée pour ce que je vous escrivois et mis le desus de l'un pour l'aultre. Vous pourrez avoir veu.par icelle comme je suis aultant en payne en absense qu'en présense, par gens qui coûtent plus qu'ilz ne servent. Je vous suplie me la renvoyer et n'en parler à personne ; faisant en cella ce que vous vouldriés que je fisse pour vous, et bruller ceste cy. Supliant Dieu, ma seur, vous donner ce que désire de bon cueur celle que trouvères à jamays
Vostre bien bonne seur et parfaicte amye. Jehanne.
(Bibl. nat. Fr. 3124, fol. 45. — Autographe signé.)
