JEHANNE D'ALBRET AU DUC DE NEMOURS
Vers 1565.
Mon cousin, vous ne sauriez croire le plaisir que m'a esté de voir la souvenanse qu'avés de moy, et que vostre bonne voulonté sur laquelle je me suis tousjours tenue asurée continue en mon endroict, qui n'en seray jamays ingratte pour l'avoir esprouvée au temps de mes plus grandes nécessités. Je suis fort aise du bon ordre qu'essayés à mètre de delà. Quant à nostre Guienne, je n'i voy nul efect de paix, principallement en mes terres, où l'on continue à faire du pis que l'on peult, et ne tient à en advertir tant la Royne que mon frère le Prinse. J'atens que Monsr l'admirai soit de retour à la court, pour en avoir quelque response. Je
ET DE .TEHANNE d'âLBRET. 283
crains tant, mon cousin, que comme nostre malise et ingratitude a esté cause des verges sy aspres que Dieu a données à ses enfans, qui ne recongnoissent assez ce qu'il a fait pour nous, nous ne retombions en pis; car il me semble que l'on se refroidist. Je m'acuse la première et fault que Dieu y mète la main à bon escient. Il m'a tousjours faict la grase de préserver ce petit coin de pays de Béarn, où petit à petit, le bien croist et le mal diminue. Recevant plus de ses grâces, je lui suis plus redevable. Vous remersiant, mon cousin, de ce que vous me conviés à continuer, j'en ay bien le désir qui s'augmente tous les jours ; mais parse que tout bien vient de la sourse d'en hault , je supliray le bon Dieu, mon cousin, me donner les moyens pour servir à sa gloire et vous continuer sa saincte grâce, et que je vous demeure à jamays
Vostre bonne cousine et asurée amie.
Jehanne.
(Bibl. nat. Fr. 3259, fol. 6. — Autographe.)
JEHANNE D'ALBRET AU CONNÉTABLE DE MONTMORENCY
3 juin 1565
Mon cousin, puysqu'il vous a pieu le premier me faire ouverture des propoz que vous avoit mys en avant monsieur le conte d'Aiguemont1 de l'acquest
1. Lamoral, comte rl'Egmont, né en 1522, décapité à Bruxelles le 4 juin 1568.
qu'il désire faire de ma terre d'Anghyen1, je vous priray prendre en bonne part et pour ung singullier tesmoignaige de l'amittyé que je me promects de vous, si jusques à la conclusion de cest affaire je vous interpose privément pour nous aider à entrer enjeu, et entendre, puisqu'il en a le premier parlé, quant, où et par quelles personnes il voudra que l'on en advise ; pour ce que sy c'est à Paris, comme il me semble, lieu fort à propoz et auquel les moyens et les seurrettez, tant de conseil que d'aultres choses se trouveront plus à main, qu'en nul aultre endroict, je donneray ordre, entendant la quallité des personnes ausquelz il commettra ceste charge, d'y envoyer de semblables de mon costé. Combien que sy estes d'advis que cela doibve venir de la part dudit sr d'Aiguemont et qu'il nous en recherche, vous pourez entendre ce qui voudra dire ; car je n'ay pas grant haste, ne désirant sinon qu'il achapte si bien sa commoditté qu'elle tourne au plus de prouffict que je pourray à mes enffens. Priant Dieu, mon cousin, après m'estre de bien bon cœur recommandée à vostre bonne grâce, qu'il vous doinct ce que bien désirez.
Escript à Vendosme, ce iije jour de jung 1565.
Vostre bonne cousine et assurée amye.
Jehanne.
(Bibl. nat. Fr. 3152, fol. 17. — Original, signature autographe.)
1. Enghien était une baronnie du Hainaut, appartenant aux Bourbons-Vendôme, que le cle d'Egmont songeait alors à acheter. Elle fut vendue depuis par Henri IV.
ET DE JEHANNE d'aLBRET. 285
JEHANNE D'ALBRET AU CONNÉTABLE DE MONTMORENCY
10 juillet 1565.
Mon cousin, pour ce que l'on vous pourroit avoir fait entendre plusieurs choses sur le différend d'entre le sr de Savigny et madame de la Rivière sa femme, qui ne seroit aprochant de la vérité, comme je l'ay voulu savoir, et affin que ne demourez en aucune mauvaise oppinion de luy, j'ay commandé à ce présent porteur, que j'avoys envoyé en Normandie devers plusieurs personnaiges pour me rendre tesmoignage de ce faict au vray, vous aller faire entendre de ma part comme le tout est passé, vous priant le croire, et au surplus vouloir avoir Ja cause et bon droict dudit sr de Savigny pour recommandée, s'il a besoing de vostre faveur.
Priant Dieu, mon cousin, vous avoir en sa saincte et digne garde.
Escript à la Flesche, ce xejour de juillet 1565.
Vostre bonne cousine et asuree amye.
Jehanne.
(Bibl. nat. Fr. 3249, fol. 76. — Original, signature autographe.)
GXCIV.
JEIIANNE D'ALBRET AU CONNÉTABLE DE MONTMORENCY
Vers 1565.
Mon cousin, oultre l'amitié que je m'estoys tousjours asurée que vous me portiez, la Chassetière m'en a aporté telle confirmation que je ne veux faillir vous en remersier bien fort, et asurer que je la tiens sy chère que je la conserveray avecq tous les bons ofïîses qui seront jamays en ma puissanse. Mon cousin, ayant entendu qu'il plaist à Sa Majesté que je luy aille baiser les mains, j'ay résolu, avecq extrême désir d'y aller, et envoyé se porteur, pour entendre quel chemin elle prand, pour asurer le mien, et le lieu où elle aura agréable que je l'aille trouver. Au demeurant, mon cousin , ayant tel soing que je dois de mon pays de Béarn, pour laisser mes intérestz en mon absense entre les mains de quelq'un qui le gouverne et entretienne en paix et en mon obéissanse, je suplie très humblement Sa Majesté commander à Monsr de Gramont1 de me venir trouver, ausy que je seray bien aise d'y en mètre ung qu'elle eut agréable, pour éviter les calomnies, à quoy j'ay esté sujecte, et au plus grand tort du monde, si je ne suis avisée d'une aultre chose, ausy si vous le trouvez bon ; il me semble bien estre au grand service du roy, et peult-estre plus que l'on
1. Antoine d'Aure, vicomte d'Aster, seigneur de Gramont, gentilhomme ordinaire du roi, gouverneur et lieutenant-général au royaume de Navarre et Béarn, tour à tour huguenot et catholique. Il mourut en 1576.
ne cuide, c'est que j'ay des pays en ceste Guienne que je tiens soubz l'obeissanse de mon roy, Cominge, Foys, Albret, Armaignac, Bigorre et aultres, ausquelz par la malise d'aulcuns, nonobstant tout ordre que j'y eusse seu mètre, les troubles ont esté grands, et les damiers estainctz, je les (crois) estre aisez à ralumer. Toutesfois maintenant par mon industrie ilz sont pasifiez et bien remis. Or, mon cousin, la chose que plus je désire en ce monde, c'est que, comme je veux par très humble obéissanse et fidelle servitude monstrer le chemin aux aultres subjetz de Sa Majesté, qu'ainsy je veus que mes pays soyent ceux ausquelz ses edictz seront les plus observez et honorez, et ce que je crains merveilleusement, moy elongnée, ne se face comme je le demande. L'occasion, vous la pouvez juger, car ce brouillon, ennemi de toute paix, ne cessera jamais qu'il n'y ait barbouillé quelque chose, et pour dire, c'est au pays de la royne de Navarre, comme sans l'ordre que j'y ay donnée, il l'eust desjà faict; mais, moy absente, c'est ma crainte. Je me suis avisée que la Royne permetant à Mons' de Grammont, à ma requeste, de venir commander en mon pays souverain deBéarn, auquel il sera fort bien obéy, pour y estre par mon commendement, qu'aussy il y est mon subjet naturel, et connu pour gentilhomme digne; et s'il plaisoit à la Royne que par son authorité et commendement du Roy et d'elle , il commandast en mes aultres pays qui sont soubs l'obéissance du Roy, je vous diray ce mot que le Roy en sera myeulx servi. Si toutes mes raisons que je vous prie peser bien sont bonnes, serves en le Roy et le faictes trouver bon à la Royne. Vous priant, mon cousin, me continuer ceste bonne vou-
lonté, et je priray Dieu vous donner ce que vous desirez. Vostre bonne cousine et parfaicte amye.
Jehanne.
Ma cousine, Madame la Connestable, trouvera icy mes affectionnées recommandations.
(Bibl. nat. Fr. 3152, fol. 25. — Autographe.)
JEHANNE D'ALBRET AU CONNÉTABLE DE MONTMORENCY
Mon cousin, c'est en tout et par tout que je me sens sy obligée à vous de la payne que prenés pour mes afaires, que je ne vous en puis à mon gré assés remersier, ni moins le recongnoistre , n'ayant pour vous présenter que ceste bonne voulonté en laquelle ne trouvères jamays faulte. C'est bien maintenant, mon cousin , qu'il fault que vous continuez , me trouvant si estrangement asaillie et si foible pour y résister de moy mesme, et trop plus que forte m'aiant tendu la main, la bonté de leurs magestés, laquelle je vous prie, mon cousin, estre cause qu'elle me soit continuée et en cella me servir de suport, aide et conseil, et ausy à estre cause que Monsr de Grammont vienne bien tost, car je crains que son retardement ne me retarde le voyage qu'avecq sy grand dévosion j'ay envie de haster, et, en atendant, je priray Dieu, mon cousin, qu'il vous donne ce que vous désiré.
Vostre bien bonne cousine et parfaicte amie.
Jehanne.
(Bibl. nal. Fr. 3194, fol. 27. — Autographe signé.)
ET DE JEHANNE d'aLBRET. 289
JEHANNE D'ALBRET AU CONNÉTABLE DE MONTMORENCY
Mon cousin, je suis tant marrie de vostre mal que je voudrois de bon cœur vous en pouvoir soulager, mays j'espère que Dieu veult trop favoriser ce royaulme pour vous le faire durer longuement, et que vous serés bien tost guary. Je ne puis assez vous remersier du soing que vous avés de mon fils et ce qui nous touche, espérant moy-mesme vous en rendre plus particullières grases. Je remetray à ce porteur à vous dire mon partement et le chemin que je tiendray; vous priant, mon cousin, m'en mander vostre avis; et à Dieu qu'il vous donne santé et autant d'heur que vous désire.
Vostre bonne cousine et parlaicte amye.
Jehanne.
(Bibl. nat. Fr. 3007, p. 15. — Autographe.)
CXGVII.
