JEHANNE D'ALBRET AU PRINCE DE CONDÉ

SON BEAUrFRÈRE1.

Mars 1569.

Mon frère, vous m'avés faict fort grand plaisir de me mander de voz nouvelles, mays parse que vous me mandez que La Renière, que je say avoir tant faict de mauz a esté atrapé, et que tout le monde dit qu'il est échapé, je vous prie m'en mander la vérité. Quant aus nouvelles de la Rochelle je suis fort aise que tout s'y porte bien, ormis à la vendision des prises où j'ay veu tant de faiseurs que s'est pitié. J'ay aujourd'hui entretenu Sessac qui m'a discouru le faict de Monsr de Gramont, et entre aultres choses que la Reyne disoit que quant le Prince d'Orange estoit en France, il disoit qu'il ne se pouvoit declairer, quant il en est sorti, il prometoit se trouver à la bataille. S'il vous plaist ce conte demeurera entre vous et moy, sinon que le disant, je ne soye poinct aléguée. Vous prenez la payne me mander que mon fîlz se porte bien, j'en suis bien aise et qu'il vous fasse servise comme à son propre père.

Je suplie Dieu me faire la grasse de recongnoistre son alliguasion2 et vous donner, mon frère, très longue vie. De par

Vostre bonne seur et affectionnée amye.

Jehanne.

(Bibl. nat. Colb. Vc 24, fol. 190. — Original, autographe.)

1. Cette lettre fut trouvée dans les poches du prince de Condé lorsqu'il fut tué à Jarnac, avec plusieurs autres, qui portent des empreintes qu'on peut croire être des taches de sang.

2. Alliguasion, allevalio, en basse latinité allegalio, soulagement, bonheur.

ET DE JEHANNE d'âLBRET. 297

JEHANNE D'ALBRET A MARIE DE GLÈVES1

Avril 1569.

Ma niepce, j'ay aytay fort aise d'antendre que vostre sancté est bonne et suis très marie que vostre ame n'est ausi bien nourie que le corps et veu le zelle que je vous ay toujours connu à la religion, je ne doute point que ce ne vous soit grand peine de vivre insi, mes Dieu y pourvoira quand il lui plaira. Quand à mes nouvelles, elles sont très-bonnes, ormisl'estremeannuy que nous avons eu de la perte de feu monsieur le Prince, mon frère, je m'assure q'an avés eu vostre part; mais nostre consolation est qu'il est mort au vray lict d'onneur, d'ame et de corps, pour le service de son Dieu et de son roy, et le repos de sa patrie. Mon fils a resu cest honneur de nostre armée, de l'avoir resu a sa place ; il i demeurera où il fera service à son Dieu et à son roy. Nostre armée est plus belle qu'elle n'a point encore esté. Toutefois, nous

1. Cette lettre est datée de la Rochelle quelques jours après la mort du prince de Gondé, tué à Jarnac, le 13 mars 1569, et nous paraît adressée, soit à Catherine, soit à Marie de Clèves, ses nièces mariées la première en 1570 à Henri de Lorraine, duc de Guise, tué à Blois, la seconde en 1572 à Henri de Bourbon, prince de Condé, fils du beau-frère de Jehanne. La lettre nous parait plutôt à l'adresse de celle-ci qu'à celle de sa sœur Catherine. Marie de Clèves était la cinquième et dernière des enfants de Marguerite de Vendôme, sœur d'Antoine de Bourbon, et de François de Clèves, 1er duc de Nevers. Le père Anselme fixe à tort la mort de Marguerite en 1589, cette princesse était morte en 1560. — Voir à ce sujet Négociations sous François II, par Louis Paris, p. 585.

espérons plus en Dieu qu'en nos forces : il nous fera ceste grâce de nous donner une bonne paix et repos après tant de peine. En quelque part que je soie, je vous prie, ma niepce, croire que je vous feré toujours ofice de mère et me ferés grand plaisirs me mander souvent de vos nouvelles, parce que avés meilleur main que moy. Je vous ranvoie vostre fourier lequel j'avois retenu pansant que Coderon deut revenir et que l'un ou l'aultre me pourroit aporter toujours de vos nouvelles que je désire bonnes et vous recommande vostre conscience. Je supplieray à ce bon Dieu qu'il vous veuille conserver et donner ce qui connoit vous estre nesaicere de par

Vostre bonne tante et meilleure amie.

Jehanne.

Au dos se trouvent quelques lignes, dont le commencement a été coupé. On lit : est bien

douce, mais la créance aitre que la royne

de est bien rude, ce me sanble

Navarre m'a escripte.

La Rochelle avril.

(Mss. du British Muséum, 7016. In-fol. de la collection Harl.)

JEHANNE D'ALBRET A CHARLES IX

17 avril 1570.

Mon Seigneur, ayant connu par les asseurances et promesses qu'il vous plaist nous faire, de voulloir une bonne et sure paix et l'union de vos bons et fidèles

subjects et très-humbles serviteurs en ce mesme désir, j'en ay rendu grâces à ce bon Dieu, qui a regardé tant vostre magesté que nous tous en pitié, pour mettre fin à ung tel et sy mysérable cours de ruine, qui n'avoit plus guières de chemain à faire pour en estre au bout, et qu'ayant esté dépêché par mon fils, mon nepveu et les seigneurs de nostre armée et nous qui somme isy, les sieurs de Beauvoir1 et de Theligni2 et La Chassetière, bien instruite de ceste négosiasion, j'ay pansé qu'une longue lettre de ce discours ne seroit qu'une mal à propos redite. Qui me gardera, Monseigneur, sur les points prinsypaulx, vous donner la payne de relire deus foys une chose. Mais je prandray bien hardiesse, Monseigneur, poussée du devoir qui me semont à telle office de vous remonstrer avecq l'humilité et revérance qui accompagnent ma fidellité, que, sy vous seul ne valiés tous sy bons sens et jugemens pour donner le coup à ceste paix, digne de vostre authorité, grandeur et bonté, je crains merveilleusement, veu les menées qui se font au contraire et par qui vous le savez bien, que ces brouillons vous cuidants tromper pour faire une paix fourrée, comme ont été les aultres, et par ce point nous ruiner, n'en fasse tomber la première ruine sur vous et sur vostre estât : pour lequel conserver,

1. Beauvais (ou Beauvois ou Beauvoir). C'est Louis Goulard, troisième fils de Jean Goulard et d'Hélène Lhermite, seigneur de Beauvois et de Clousures. Il avait épousé Marguerite de Talleyrand et fut gouverneur de Henri IV depuis 1562. Il fut tué à la Saint-Barthélémy.

2. Théligny, gendre de l'amiral de Goligny et fils du sieur de Théligny, guidon du duc d'Orléans, fils de François Ier, mort à Venise.

Il fut assassiné près de son beau-père, le jour de la Saint-Barthélémy.

Monseigneur, il n'y a nul de nostre costé qui cède à aultrui de vous estre plus fidelles et vous rendre plus très-humble service et qui ne mète vie et biens et tous moyens pour s'acquitter de ce serment. Mays, Monseigneur, ne trouvés s'il vous plestmauvays ma crainte que n'est nullement fondée, comme ceus qui veullent trouver le vray sens de nos actions vous pourroient déguiser sur quelque méfiance que j'aye de vostre vertu, magnanimité et foy, de laquelle, sytant pouvoit despendre sans qu'on en abusât comme jusques isy ont faict d'aucuns que j'ay assés nommés pour n'offenser plus vos oreilles ni ma main de leur nom, je seroys hors de ma crainte. Parquoy, Monseigneur, en cete hardiesse que me donne premièrement la sincérité de mon cœur et vostre bonté naturelle, accompagnée de l'amour paternel de laquelle prometez ambrasser vos povres subjects, qui vous sont donnés de Dieu comme enfans, je vous supplieray très-humblement voulloir pezer en vostre bon esprit les misères que ces guerres ont à nostre si grant regret faict voir à nos propres yeulx, contre la bénédiction d'un repos de paix : qu'il est en vous seul de rapeller l'un pour chasser l'autre, et par si louable et sainct œuvre combler vostre reygne d'une infinité d'heur, tant célestes que terrières, apaysant par là l'ire de Dieu qui se monstre assez par tels et sy tristes événements. Si vous arachant du cueur mille poinctes, que je ne doubte point s'y trouve un roy, ne senties de telles choses et à vos subjects, tant grands que petits, et d'une religion que de l'autre, ung général repos de conscience d'esprit et de corps, desquels employeront le repos, après les grâces rendues à ce grand mestre, vous servir, honorer, louer et magnifier et de telle fasson, Mon-

seigneur, queceste louange sera semée par la renommée entre toutes nasions tant eslongnées qu'elles soyent qui vous rapportera le fruict d'une gloire immortelle, et perpétuera vostre nom en tous les siècles advenir. Soyez donc, Monseigneur, ambisieux d'ung tel honneur, et avare d'un tel thrésor. Je le dis de la même affection que je le désire comme je le doibs par tant de redoublées oblygassions, mais la pryncipalle est celle de ce sang qui ne peut mantir en moy, et auquel, Monseigneur, comme chose qui ne se peult violenter soy mesme, vous devez plus adjouster de foy qu'à ceux qui ne peuvent sentyr ce segret effect, ne vous en peuvent aussy rendre pareil tesmoignage. J'aleguecest honneur du sang non par présomption ni audace, sachant trop la révérence que je vous doibs, mais parce qu'il me semble, Monseigneur, que je ne vous puis présenter plus sur tesmoignage de la dévotion que j'ay à vostre grandeur, honneur et contentement que cestui-là, qui est tiré du commun que j'ay avecq vos aultres subjects de la fidellité, obéyssance et service. Je fineray donc ma lestre par la première et trèshumble requeste que je l'ay commencée, qu'il vous plaise effectuer ceste bonne volunté que vous assurés avoir à la paix et me tenir en vos bonnes grâces, ausquelles je présente mes très-humbles recommandassions et suplye Dieu, Monseigneur, vous donner aussi heureuse et longue vie que la vous désire.

Ce xvije d'apvril.

Vostre très-humble et très-obéissante tante et subjecte.

Jehanne.

(Copie communiquée par M. Laverdet.)

JEHANNE D'ALBRET A CHARLES IX

Monseigneur, j'ay tant d'obliguasions à me resouvenir de l'honneur que j'ay eu avecq le feu roy mon mary, que sy je manquoys à ce qui vient de luy et n'employoys tous mes moyens pour leur ayder et favoriser, je me confesseroys trop ingratte, qui me faict assurer, Monseigneur, que ne trouvères point mauvays que j'usques à ce qu'il vous ait plu m'accorder ma juste requeste, je ne cesse de vous importuner, qui est pour l'Évèché de Comminges, laquelle ayant esté donnée au feu Roy mon mary, pour gratification de ses services, et lui l'ayant baillée à son fîlz bastard pour aultres considérations, je vous suplie très-humblement, Monseigneur, considérer si cella est juste de l'en priver, pour favoriser ung bastard de Lansac1. Quand il vous plaira, Monseigneur, ballanser par le mérite de pères l'innéguallité de celuy des bastardz, je m'assure que sans aultre plus grande persuasion, vous jugerés que sans nous faire tort et trop grande desfaveur, icelle ne peust demeurer au dist bastard de Lansac; de quoy je vous suplie très-humblement, Monseigneur, recongnoistre que c'est sellon l'observasion de vostre estât; vous avés tant de moyen de récompenser ledict bastard de Lansac, que s'il vous

1. Ce bâtard de Lansac n'est autre que le fameux Urbain de Saint-Gelais , évêque de Comminges, ligueur fanatique.

ET DE JEHANNE d'aLBRET. 303

plaist vous les randrés tous deus contentz. Je ne veus faillir aussi, Monseigneur, à vous dire que, si contre la paix qu'il vous plaist qui soit entre vos subjectz, ledist bastard de Lansac continue ses ports d'armes en Comminges, comme je m'assure que Monsr le marquis de Villars, l'ayant bien au vray pris, vous le fera entendre, que cella pourra estre cause de quelque sedision, à quoy Messieurs de Thoulouze, sellon leur bonne coustume, presteront vollontiers la main comme ilz ont desjà commensé, luy baillant armes et artillerie. Je vous suplie très-humblement, Monseigneur, d'un costé chastiant l'audasse dudict bastard de Lansac, recognoistre avecq quelle pasience, pour ne vous ofFanser, le bastard de Bourbon se contient, lequel s'il avoit la teste aussy mal faicte que son compétiteur, auroit plus de moyen de le chastier que l'aultre de faire ce qu'il faict : mais, Monseigneur, vous congnoistrés tousjours par ses pertes de quel pied nous marchons à vostre service. Je vous redresseray doncques ma juste requeste, avecq prière à Dieu qu'il vous augmente ses sainctes grasses.

De la Gortille, ce vij de mars

Vostre très-humble et très-obéissante servante et subjecte.

Jehanne.

(Collection de M. Labouchère (P. A.), achetée le 31 janvier 1854 à la vente Laverdet, n° 528 du catalogue.)

JEHANNE D'ALBRET A CHARLES IX

30 aoust 1570.

Monseigneur, je ne vous sauroys exprimer l'aise et contentement général qu'a aporté la publicasion de la paix qu'il a pieu à Dieu et à vous, Monseigneur, nous donner, s'asurant chacun sur vostre bonté, vertu et prudence que le fruit d'icelle nous augmentera ceste extresme joye que chacun a, et que l'union de tous vos très-humbles et très-obéissants subjectz maintenue en piété et justice soubz l'authorité de vostre sceptre, rendra le cours de vostre règne heureus, long et prospère par la faveur de ce grand Roy des Roy s. Vous ayant dit, Monseigneur, le contentement d'un chacun, je ne veus oublier le mien, lequel oultre ce qu'il est joint au général m'est sy particulier pour une infinité d'occasions, que je n'en saurois avoir ung plus grand ; auquel vous avés adjousté beaucoup par l'assurance qu'il vous plaist me confirmer de vostre bonne grasse, et la fiance qu'il vous plaist avoir en ma fidellité, de laquelle je vous jure et assure, Monseigneur, que vous ne serez jamays frustré. Monsieur le Premier vous dira, Monseigneur, outre ce que je vous en escris, ce qu'il a peu lire au visage de tous, combien la saincte et tant désirée négosiasion a aporté d'allégresse. 11 vous dira aussi les particularités que je luy ay prié vous faire entendre, qu'il m'a semblé estre du devoir du fidelle service que je vous doibz. Qui me fera vous suplier très-humblement, Monseigneur, le

prandre de la mesme afection que je désire vous servir, honorer et obéir : Et par se, Monseigneur, que je vous ay desja satisfaict par le sieur de Beaupui, a ce qu'il m'avoit dict de vostre part, et que Monsieur le Premier m'a confirmé, je ne vous en diray davantaige, sinon qu'il vous plaise me faire cest honneur de croire que vous n'avés subjecte et servante en tout vostre royaulme sur qui vous ayés plus de puissance, et qui n'a rien ni ne désire avoir que pour l'employer à vostre service d'aussy bon cueur, comme après avoir présenté mes très-humbles recommandassions à vostre bonne grasse, suplie le Seigneur vous augmenter les siennes en longue et heureuze vie. De la Rochelle, ce 30 d'aoust.

Vostre très-humble et très-obéissante tante et subjecte.

Jehanne.

(Bibl. nat. F. Dupuy, 211, fol. 40. — Autographe.)