Les lacunes proviennent des lacérations de l'original

a deviner ; car n'ayant point répondu aus choses que nous avons demandées, a savoir la liberté de nos consciences, exersise de religion, protestans de ny rien

restitusion de biens , d'honneurs et

dignités, nous ne pourons passer plus oultre en ceste negosiasion ; qui ma faicte depescher le sieur de Renty pour en entendre l'intension de Vostre Majesté . . .

Madame, que vous leur ayez dit

comme ils m'ont raporté que il ne falloit point parler dudit exersise ; je ne me pourray jamays persuader, veu que l'honneur que j'ay eu d'avoir esté près de Vostre Majesté m'a apris quelque chose de vostre naturel, que vous voulussiez que nous fussions réduits a n'avoir point de religion, laquelle je vous ay souvent fait entendre, ayant ceste faveur de vous en parler, consister en l'exersise d'icelle et lequel s'il faut parler

humaynement est la qui ferme la

porte a toutte liberté et impiété

peult lâcher la bride aux subjects d'un souverain ; et par ce, Madame, que vous leur avez asseuré et d'afection que vous voullés la paix, je ne vous en veus jetter

le seul moyen c'est apaiser les ansiennes

et animées de tant et de toutes

de gens vostres humbles et fîdelles subjects qui n'ont rien devant les yeulx ni ne tirent à aultre but qu'à vivre servant à Dieu, comme il le commende, soubs l'obéissance et servitude de leur Roy. Et vous diray, Madame, les larmes aus yeulx, avecqune afection pure et entière que, s'il neplaist au Roy et à vous nous aseureur nos tristes demandes, que je ne puis espérer

qu'une trêve en ce royaulme par

ceste guerre siville, car nous y mourrons tous plustost

ET DE JEHANNE d'aLBRET. 307

que quiter nostre Dieu et nostre religion, laquelle nous ne pouvons tenir sans exersise, non plus qu'un corps ne sauré vivre sans boire et manger. Qui me

faict Madames vous mes

dévotes et très humbles suplicasions, afin qu'il vous plaise faire la paix. Je vous en ay dit le seul moyen; ayés pitié de tant de sang répandu, de tant d'impiétés

commises en la de ceste guerre et

que vous pourrez bien d'un seul mot faire cesser. Vous cuidez, Madame, peult estre que nous ayons usé

de la ruse de ceulx qui veulent entrer

pour des biens et honneurs

et demandent beaucoup pour en retrancher en négosiant jusqu'à but qu'ils se sont proposés. Je vous suplie très humblement, Madame, croire que les afaires de l'ame ne se mènent pas comme celles du corps, car il n'y a qu'un salut qui n'a point de divers moyens; par quoy ce que nous vous avons proposé est ce que nous pouvons et rien de plus ni moins. Je vous suplie très humblement y byen penser, je m'asseure que s'il vous plaist vous le pouvez, car le âge du Roy, la maturité de son bon sens et jugement ne luy peuvent oster le devoir du fils à la mère, qui est ung crédit naturel et une puissance aquise, de laquelle s'il vous plaist user je m' asure que tout ira bien. Madame, La Ghassetière m'a dit quelques particularités que vous luy avez dites, dont je vous remersie très humblement de l'honneur et faveur qu'il vous plaist me faire ; mays,

Madame, je désire une bonne paix qui

me permette de vive-voix vous en respondre plus au long et sur cella, Madame, je supliray Dieu qui tient les cueurs des Roys en sa main disposer celui du Roi

et le vostre à mectre le repos en ce royaulme à sa gloire et contentement de Vos Majestés, maugré le complot de Monsieur le Cardinal de Lorrayne, dont il a descouvert la trame à Villequagnon, duquel faist, sy vous n'estiez advertie, je vous en dirays daventaige. Je suplie aussy sa bonté vous donner longue vie. De la Rochelle, ce xvije décembre.

De par vostre très-humble et très-obéissante seur et subjecte.

(Collection Laverdel.)

JEHANNE D'ALBRET A MADAME DE ROYAN1

Ma cousine, vous ne sçauriez croire combien je me suis sentie offensée de l'outrage qui vous a été fait en la personne d'aucuns de vos principaux officiers et subjets par les dénommez en la lettre que vous m'avez escripte, et le désir que j'ay que la raison vous en soit faicte, ainsi que ce porteur vous pourra tesmoigner, et la lettre que j'escris a Monsr de Languilliet et au capitaine Puiviaut, à ce que vosdits officiers et subjets vous soient tout incontinent rendus et renvoyez en toute seureté, sans payer aucune rançon ; et qu'ils ayent à tenir estroictement la main que les sauvegardes que je vous ay données, pour la conservation de ce qui vous appartient et à vosdits officiers et sub-

1 Madelaine de Luxembourg.

jets, soient autrement respectées et gardées, et que le premier qui voudra entreprendre quelque chose au contraire soit si bien chastié que la punition serve d'exemple aux autres. Vous priant de vous asseurer que vous n'avez parenté ny amie qui de meilleure volonté vous face cognoistre le zélé que j'ay d'avoir ce qui vous touche en pareille recommandation que moy-mesme, d'aussy bon cueur que je supplie Dieu, ma cousine, vous tenir en sa saincte garde.

De La Rochelle, ce . . jour de ... . 1570.

Vostre bonne cousine et amie,

(Bibl. nat. Cabinet des titres. T 560, f° 818. — Papiers de la maison de la Trémoille.)