JEHANNE D'ALBRET A M. LE MARQUIS DE VILLARS
26 janvier 1571.
Mon cousin, j'ay receu la lettre que vous m'avez escripte par le sieur de Restaut, présent pourteur, et veu le mémoire de la charge que luy aviés donnée consernant les affaires du gouvernement de Guyenne, où vous commandés en l'absence de mon fîlz, par lesquelz j'ay cogneu le bon acheminement qu'avés donné à l'establissement et observation de l'edict de pacifications ; chose que je m'estoy bien promise de vous, pour vous avoir tenu pour bon et fidèle serviteur du roy, Monseigneur, aymant le bien de son estât et le repos et soulaigement de ses subjectz. Mais, pour ce que ce seroit bien peu de chose d'avoir commancé une si bonne, si saincte et tant nécessaire action, qui ne la parachéveroit , c'est pourquoy, mon cousin, je vous veux prier afin que Sa Majesté reçoipve d'aultant plus grande satisfaction et contentement de la charge honorable qu'elle vous a commise, et ses subjectz le bien et repos qu'ilz en attendent et espèrent, vous veuilles tellement vous employer et despartir pour l'exécution de tout ce qu'avés ordonné et commandé, qu'en faisant entretenir et observer très-estroictement les règlemens, déclarations et ordonnances qu'avez establies, chascung reçoipvent le soulaigement que Sa Majesté veult et entend par son edict, et qu'aussi je ne
1. Il était gouverneur et lieutenant-général en Guyenne, en l'absence du prince Henri de Navarre.
me puysse trouver frustrée de l'atente que j'en ay tousjours eue. Et sur ce, mon cousin, que par vosditz mémoires vous vous plaignez de quelques plainctes et doléances qui vous sont faiçtes de plusieurs lieux de contrevenions que font quelques ungz de la religion à l'observation de l'edict, vous sçavez que la principalle occasion de vostre vouyaige, c'est pour l'entretenement dudit édict, lequel je vous prie sur aultant d'affection que je sçay que vous en pourtés au service de Sa Majesté, vouloir à l'endroict desdits de la religion fére aussi estroictement observé, qu'envers ceulx de la religion catholicque rommaine, y faisant procéder en toute équité et esgalité et sans aulcune passion ny anymosité. Comme aussi je m'en veulx bien prommetre que vous ferés, vous voulans bien assurer que moy et mon filz aymons tant le service de Testât de Sa Majesté et le repoz de ses subjectz que nous emploierons tousjours et nous et toutz noz moiens pour entretenir lesdits subjects en l'obéyssance qu'ilz luy doibvent, et les maintenir en l'union, amytié et concorde que l'on doibt désirer. Quanta l'eslargissement des prisonniers de Sainct-Junien1, je ne vous en diray autre chose, sinon qu'il me semble que l'on se doibt tenir et conformer au jugemant et arrest que sur ce en ont puysnaguières donné les commissaires de Sa Majesté estans près de vous ; je vous en envoyé la coppie m'assurant que l'ayant veue vous serez satisfaict sur ce poinct. Pour le reguard de l'artillerie d'Angoulesme dont vous mandés que le gouverneur et ceulx de la ville vous ont fait instance, aussi de celle de Brouaige2, nous ne fau-
