Saint-Junien, village de la Haute- Vienne

2. Brouage, bourg de la Charente-Inférieure, en face de l'île d'Oléron ; vieille place de guerre.

dront de nous enquérir que c'est, et de vous faire sçavoir ce qui en sera, vous voulant aussi bien dire comme nous serons très-ayses que pour le reguard des vayseaulx tant du sieur de Manne, nef vénitienne, que autres apartenans aux amis et confédérés de Sa Majesté, vous vous conformiés au vouloir de sa dite Majesté pourtés par son édict de paciffication, d'aultant que pendant les troubles nous les avons venduz et en avons disposé selon les occazions et moyens qui s'en offroient. Et, pour fin de ceste letre, je vous diray, mon cousin, que nous ne nous pouvions que très-justement plaindre de l'injustice que l'on faict aux povres forsatz que l'on détient encores aux galères, bien qu'il y auroit trop plus d'aparance et d'ecquité d'eslargir et mètre hors ceulx qui, dès les premiers et secondz troubles y estoient, que ceulx qui ont esté relaschez et n'y auront esté mis que despuys les derniers, actendu leur longue misère et détention, et que par toutz les edictz tant précédans que présant et dernier, ilz y sont comprins avec les autres. Vous priant, mon cousin, après vous avoir esté bien infourmé de ce (que) dessus, vouloir commander qu'ils soient toutz laschés et mis en liberté. Et m'assurant, qu'en tout et par tout vous y procéderez, de la scincerité et dignité dont vous avez acoustumé. Je ne vous feray plus longue letre, et feray fin, priant Dieu qu'il vous aye, mon cousin, en sa très-saincte et digne garde.

De la Rochelle, ce xxvije janvier 1 571 .

Votre bonne cousine et meilleure amye.

Jehanne.

Bibl. nat. Fr. 15553, fol. 34. — Copie.)