JEHANNE D'ALBRET AU MARQUIS DE VILLARS
10 mars 1571.
Mon cousin, j'ay receu vostre lettre faisant mention de quelques prisonniers de SWunien , que détient le sr de Pilles1 ; à quoy mon filz et moy sommes tres-
1. Armand de Clermont, baron de Piles en Périgord, vaillant capitaine huguenot, fut un des plus redoutés champions du pro-
marriz que nous n'y pouvons toucher; car, comme vous savez, mon cousin, telles choses sont remises et attribuées par l'Edit de la paix à la congnoissance et jugement de Monsieur1, où chacun, pour ce regard, peult avoir recours, pour en avoir raison si je y pouvois quelque chose, ou mon fils, vous congnoistrez en quelle estime nous avons votre recommandation : qui est l'endroit où je prie le Créateur, mon cousin, vous tenir en sa saincte garde.
De la Rochelle, ce xe jour de mars 1 571 .
Votre bonne cousine et meilleure amie.
Jehanne.
(Bibl. nat. Fr. 3224, fol. 20. — Original signé.)
JEHANNE D' ALBRET AU ROI
6 mai 1571.
Monseigneur, j'ay une très-humble requeste à vous faire pour les pauvres habitans de Ham, ausquelz suyvant vostre bonté et liberallité acoustumée, il vous a pieu cy devant, pour la conmisération que vous avez eu de leur misère et pauvrette, qui est si grande qu'elle
testantisme. Dans la troisième guerre, Piles souleva le Quercy et le Périgord, et rejoignit Jeanne d'Albret à Bergerac. Il se distingua au siège d'Angoulème et s'illustra tout particulièrement par la défense héroïque de Saint-Jean-d'Angély. Il fut tué à la Saint-Barthélémy.
1. Henri, duc d'Anjou, plus tard Henri III, portait sous le règne de Charles IX, son frère, le nom de Monsieur.
ne se peult dire plus, donner exemption de ne payer aucune tailles, subsides, ne impositions quelconques pour six ans, qui s'en vont expirer, de sorte, Monseigneur, que s'il ne vous plaist estendre davantage vostre clémence, faveur et bénignité sur eulx, ilz se voient presque du tout désespérez et comme contrainctz et forcez à quiter leur propre patrie, pour leur estre du tout impossible se pouvoir encore relever des grandes et insuportables pertes qu'ils ont portées et souffertes, tant à cause des guerres qui ont esté devant Saint-Quantin, que des malheurs passez, estans encore chargez d'une garnison qu'ilz ne peuvent nourir ny entretenir sans les acabler du tout. Qui me faict, avecques eulx, vous suplier très-humblement, Monseigneur, leur voulloir octroier encore six aultres années pour estre deschargez et tenuz pour quittes et exemptz desdites tailles , subsides et autres impositions quelconques durant ledit temps ; en quoy faisant, Monseigneur, oultre que tout ce pauvre peuple priera à jamais Dieu pour la conservation de votre estât et grandeur en toute prospérité, ce sera en mon particulier d'aultant plus acroistre l'obligation que j'ay à vous faire toute ma vie très-humble service, mesme quant en ma faveur je pouray dire qu'ilz trouvent ceste liberallité de votre majesté, laquelle je prie au Créateur, Monseigneur, conserver et maintenir longuement en très-heureuse santé.
De la Rochelle, ce sixiesme jour de may 1 571 .
Votre très-humble et très-obéissante tante et subjecte.
Jehanne.
(Bibl. nat. Fr. 15553, fol. 112. - Original signé.)
ET DE .TEHANNE d'aLBRET. 319
GCXVI.
JEHANNE D'ALBRET A CHARLOTTE DE BOURBON1
18 juillet 1571.
Ma cousine, j'ay receu vostre lettre et suis infiniment marrye que je ne vous puis secourir corne je le désir, vous priant ne doubter point de mon affection, laquelle ne manquera jamais en vostre endroit, mais vostre affaire est de telle importance qu'il ne fault faire qu'une petitte faulte pour tout gaster : et puis que ce porteur m'a assuré vous faire rendre mes lettres bien seurement, je vous diray que nous ne trouvons point de meilleur expédient pour vous que celuy que nous avons mandé d'aller veoir madame de Buillon, vostre seur, et delà en Allemaigne. Et si vous avez besoing que j'en escrive encores au Seigneur dont il est question, vous mêle manderez, ou je dessiray vostre voyage par mes lettres, car je ne double point que monsieur vostre père sachant que serez en pays estranger ne trouve bon pour en retirer que veniez plustost en mes pais avec moy, ce que je désire infiniment pour vous monstrer
1. Charlotte de Bourbon, fille de Louis de Bourbon, duc de Montpensier, d'abord abbesse de Jouarre, sortit de son monastère pour se réfugier à la cour de Frédéric II, électeur palatin. Sa mère l'avait élevée dans les principes du calvinisme, et le duc son père, zélé catholique, demanda qu'elle lui fût renvoyée. L'électeur y consentit, mais à condition qu'on ne lui imposerait pas le retour au catholicisme. Le duc aima mieux la voir rester en Allemagne que de souscrire à cette condition. Elle épousa deux ans après, à la Brille, Guillaume IV de Nassau, prince d'Orange, dit le Taciturne.
l'affection que je vous porte et que soyez avec moy comme ma fille. Car si je puis parvenir a cela, je vous feray office de mère en tout ce qui concerne vostre grandeur et contentement. Il fault, ma cousine, que cecy soit mené bien sagement et secrettement. Je vous prie par le moyen de monsieur de Telligny qui me fera sûrement tenir vos lettres me mander ce que vous voulez que je face en .... estât de mon amitié, et sur cette assurance je priray Dieu, ma cousine, qu'il vous donne acroissement de ses sainctes grâces.
De la Rochelle, ce xxviije de juillet 1 571 . De par
Vostre bien bonne cousine et perpétuelle amye.
Jehanne.
(Mus. Brit. F. Harl. Vol. 1582, fol. 367.)
JEHANNE D'ALBRET AU DUC d' ANJOU.
15 d'aoust 1571. Monsieur, Monsieur de Théligny, à son retour, m'a dit de quelle affection il vous plaist recevoir les plaintes de ceux qui ne jouissent du bénefise de l'esdit, et par se, Monsieur, que je n'ay encor resceu avoir bonne responce de plusieurs que j'ay rencontrées tant pour moy que pour de mes amys et serviteurs, laissant celles qui me touchent à la depesche que j'en fays pour monsr de Beaumont, je vous supliray très humblement pour ung faict qui est sy cher et si juste, que Sa Majesté ne le peult refuser sans ouvertement rompre
ET DE JEHANNE d'aLBRET. 321
son dict esdit, qui est que tous les gouverneurs du pays et aultres officiers retourneroyent en leurs estats; ce qui a esté faict à plusieurs qui avecq la justise de leur cause ont employé la faveur de ceus qui ont l'oreille de leurs majestés. Et encore, Monsieur, que deux fois j'aye escrit et suplié par le sieur de Belsunce, gouverneur de Soulle, l'ayant eu par la mort de feu son père, qui y avoit fiydellement servi, et cestui cy ayant continué ce mesme service, depuis dix ans, et néanmoins en est privé par se que Monsr de Lansac l'a fait donner du temps des troubles au sieur de Luxe1, son beau fils, et depuis a tellement importuné leurs maj estez qu'il a fait que quoy que j'en aye faict instance, son dict beau-fils y est demeuré contre toute justice et en violant l'edict qui m'a faict vous suplier très-humblement prendre la justice de sa cause en main et luy faire accorder sa requeste tant équitable. L'on a donné à entendre aussy qu'il n'y avoit plus de chasteau et par conséquent qu'il ne falloit plus du gouverneur, mais il n'estoit simplement capitayne du chasteau, mais gouverneur du pays où il ne fut jamais qu'il y en eust et dont encore monsr de Luxe a le titre au grand prejudise dudit sieur de Belsunce et de son honneur pour en estre privé sans avoir fait faulte sinon qu'ils disent qu'iljest de la religion reformée. Mais le Roy ayant pourveu à ce poinct par son édict
1. Charles, baron et comte souverain de Luxe en Basse- Navarre, chevalier de l'ordre du roi, capitaine de cinquante hommes d'armes, lieutenant pour le roi en la vicomte de Soûle et gouverneur du château de Mauléon. Catholique zélé, il souleva la Biscaye contre la reine Jeanne en 1567. Après la paix de 1571, il se soumit à la reine de Navarre et implora son pardon.
o22 LETTRES D'ANTOINE DE BOURBON
devroit ce me semble fermer la bouche à ceulx qui plus désireux de leur profit et ambision que du repos de ce royaulme ne tachent qu'a brouiller les cartes. Or, Monsieur, je m'asseure que s'il vous plaist l'entreprandre vous le ferés et par cella ferez cognoistre a chacun le zelle qu'ares à l'entretennement de la paix et oultre cella m'obligerés infiniment de voir que ma faveur en vostre endroit aura eu tel poix, laquelle j'en remersieray très-humblement par tout le très-humble servise qu'il vous plaira me commander. Je n'ay craint, Monsr, a vous discourir le faict au long, afin qu'il vous plaise myeulx l'entendre ; et faisant fin, je supliray Dieu , Monsr, qu'il vous donne heureuse et longue vie.
De la Jarrie1, ce xve d'aoust, de par
Vostre très-humble et très-obéyssante tante.
Jehanne.
(Bibl. nat. Fr. 15553. — Original signé.)
GCXVIII.
