JEHANNE D'ALBRET AU MARQUIS DE VILLARS

27 février 1571 .

Mon cousin, j'ay cy devant pourveu le cappitaine Moreau, présent porteur, de la cappitainerie de mon vicomte de Creyssel1, dont ung nommé Lascalon s'est saisy et emparé depuis la paix, lequel, ayant soubz coleur de quelque prétendue provision qu'il a obtenue de mon frère monsieur le cardinal, formé opposition à la réception dudit Moreau, j'ay débouté. Ce néantmoings, contre la volunté du Roy déclarée tant par son édict que par lettres pattentes octroyées suyvant icelluy, la mienne et de mondict filz, il veult jouyr par force de ladicte cappitainerie et chasteau, dans lequel le clergé de Rouergue luy entretient garnyson. Et pour ce que par lesdictes lettres pattentes, dont je vous envoyé ung vidimus, il vous apparoistra particulièrement de l'intention de Sa Majesté, je me suis asseurée et résoleue que la bonne volunté que vous m'avez tousjours monstrée sera par ce moyen auctorisée et excitée à la mectre en si bon endroict à effect et exécution pour faire vuyder ladicte garnison et mectre la dicte cappitainerie es mains dudict Moreau, et en ma puyssance et desposition; ensemble le chasteau de Peirolade2, dont le srde Sainct-Genyès s'est ces jours

1. Le vicomte de Creyssel était situé clans le Tarn. Cf. le Père Anselme.

2. Peyrehorade, bourg du départ, des Landes, dépendant de l'ancien Béarn.

passez emparé, ayant faict d'aultres excèz, desquels j'escris aux commissaires exécuteurs de l'Ecdict qui sont près de vous, et autre mien chasteau de Cabrespine que le jeune La Garrigue m'occupe et tient par force, et contraindre à ce faire et souffrir tous ceulx qu'il apartient par les remèdes que vous avez en mains. En quoy vous satisferez à la volunté de mondict Seigneur, et à celle que j'ay tousjours cognue en vous. Je vous prieray encore ce coup d'avoir ce faict en singulière recommandation , ensemble ledict Moreau qui m'est fidelle et affectionné serviteur. Et me ferez ung singulier plaisir, lequel je recognoistray en tous les endroictz que l'occasion se présentera, d'aussi bon cueur, mon cousin, que je supplie le Créateur vous tenir en sa saincte et digne garde.

De la Rochelle, ce xvije de février 1 571 .

Vostre bonne cousine et meilleure amye.

Jehanne.

(Bibl. nat. Fr. 3224, p. 16. — Original.)