Henri d'Albret, roi de Navarre
de Valentinoys \ pour la remercier très-affectueusement, comme je fois humblement de ma part, de la tant bonne ayde et faveur qu'elle a imparty à mon frère d' Anguyen 2 et à Messieurs le prince de La Rochesur- Yon et de Nemours , mes cousins ; et parce que je sçay le bon office d'amytié que vous leur avez faict en sest endroict, je vous en veulx tant comme je puis et de bon cueur mercier ; et davantage, prier estre bien asseuré que vous ne me sçauriez si tost en aucune chose amploier que d'affection et voulantiers je méteré la main à l'œuvre pour vous faire congnoistre par effect de combien je vous veulx demourer amy ; vous priant en faire l'espreuve en toutes les occasions qui se offriront et tousjours tenir main en sest affaire, et me conserver en la bonne grâce de ladite dame et la vostre, à laquelle je me recommande très-affectueusement; suppliant le Créateur, Monsr le Mareschal, vous donner ce que plus désirez.
De Pau, ce xive mars 1 548.
Vostre bien bon cousin et amy.
(Biblioth. de Saint-Pétersbourg, collect. des autographes, vol. LU.)
1. Diane de Poitiers, veuve de Louis de Brézé, maîtresse de Henri II, créée par lui duchesse de Valentinois.
2. Jean, frère puîné d'Antoine, d'abord comte de Soissons, puis comte d'Enghien, tué à la bataille de Saint-Quentin le 10 août 1557. Voy. p. 35 note.
ANTOINE DE BOURBON AU DUC D'AUMALE
25 mars 1548 (1549).
Monsieur mon cousin, j'ay receu vostre lettre par le sieur de Lanssac et par luy entandu de vos nouvelles et de toute la compaignie, qui ma esté grand plaisir et contantement ; je ne fauldré, suyvant ce que le Roy me mande, me trouver à son entrée et couronnement de la Royne à Paris. Quant au devoir de bon mari que faictes à ce commancement de mesnage, Dieu vous veille longuement continuer seste bonne voulante, en laquelle toutesfoysje cuyde que tous deux demourons si bien que l'on ne nous metera jamays du nombre des mauvais maris1. Je suis bien asseuré du cheval d'Espaigne que je vous ay promis, mays les neiges sont si grandes es montaignes qu'il n'a esté possible le passer encores ; je ne fauldré incontinent qu'il sera arrivé le vous envoier, et, pour l'espérance que j'ay de vous veoirbientost, je ne vous feray plus longue lettre, remetant audit sr de Lanssac à vous dire toutes nouvelles de seste compaignie.
Je me recommanderé , Monsieur mon cousin, très affectueusement à vostre bonne grâce, supplyant le Créateur vous donner ce que plus désirés.
De Pau, ce xxve mars 1 548.
Vostre bien bon cousin et parfait amy.
(Bibl. nat. Fr. 20469, fol. 149. — Original, signature autographe.)
1. Ce passage a déjà été cité par M. de Bouille dans son Histoire des ducs de Guise, t. I, p. 205.
8 août 1549.
Ma mie, je n'ay eu loisir depuis que je suis party d'avecques vous, vous faire entendre de mes nouvelles, pour la haste que je avois de venir trouver le Roy, et encorres que je l'aie faict grande, si n'ai-je peu arriver que le soir que le Roy prennoit congé de la Reine et de Madame1, et sommes ce matin party pour aller faire nostre voiage, qui ne sera, ainsy que je pense, ni long ni fort azardeulx. Sependant je vous anvoieMonsr le cardynal, mon frère, pour vous guarder d'enuier le plus qu'il pourra, en attandant que j'aille moy-mesme fère le desmeurant, qui sera, se Dieu plait, bien tost, et non sitost que je le désire. Je lairay ce propoz pour vous dire comme Madame ma mère m'a escrit et dit qu'elle désiroit bien que vous voulussiés aller à la Flèche avecques elle, sepandant que je seré dehors ; je vous prie, puisqu'elle en a sy grant envie, allés-y, et quant il vous enuira avecq elle, allés-vous chez nous et prenés excuse de vous y aller à noz affères qui vous contraigne de fère un voiage, et que vous retournerés le plus tost que vous pourez. Sy d'aventure vous y trovez bien, je vous prie, cassés le
1. Marguerite de France, duchesse de Berry, fille de François Ier, née en 1523, morte en 1574. Elle épousa en 1559 Philibert Emmanuel, duc de Savoie. Elle fut toujours la protectrice des poètes et des littérateurs.
charoy qui ne vous sert de riens, ainsy que devisame dernièrement vous et moy. Je feré fin à ma lettre pour m'en aller trové le Roy, quy part, pryant Dieu nous donner ce qui nous est le plus nessecère. De Mouschy , ce viije jour d'aoust.
De vostre bien bon mary.
Antoine.
(Bibl. nat. Fr. 8746, f" 49. — Autographe signé.)
