JEHANNE DALBRET A M. LE CHANCELIER D ALENÇON

Vers 1549.

Mon compère, depuis ma lettre escripte, ma première nourrice m'a dict comme il y a ung homme qui veult avoir sa fille et lui demande mille francs, et, à cause que j'ay entendu que la Royne, ma mère1, vous a donné toute puissance, je vous prie luy en escripre ung mot et, pour l'amour de moy, faire tant qu'elle lui en donne au moins quelle chose pour lui aider, et en ce faisant ferés plaisir à celle qui n'en sera ingrate, le reconnoissant comme pour moy, suppliant nostre Seigneur, mon compère, vous donner et otroyer voz bonnes prières, esquelles je suis toute aseurée que j'i aurois ma part.

Vostre bonne commère et amie.

Jehanne de Navarre.

(Bibl. nat. Fr. 2971, f" 6. — Autographe signé.)

1. Marguerite d'Angoulême, sœur de François Ier, mariée en 1509 à Charles, duc d'Alençon, et en 1527 à Henri d'Albret, roi de Navarre, morte en 1549.

Ma mye , encorres que par Palu depuis deulx jours je vous aye bien au long escript de toutes choses, je n'ay voullu perdre ceste occasion par la despeche que le Roy fest de monsr de Miossens, présent porteur, vous escripre ceste lettre et vous asseurer que je suis en aussy bonne santé qu'il est possyble. Il ne fauldroit, pour la perfection d'icelle, que vous voir ung petit ; et, sy vous semble bon d'entendre du Roy, nostre père, sy luy et vous vendrés ou non, et en dilygence me le mander, je ne fauldroys incontinant de partir pour l'envye que je de vous voyr ; sependant je me vois à la Fère chez nous pour attendre en bonne dévotion de vos nouvelles. Je n'eusse pensé jamais vous aymer tant que je fois. Je délibère bien, ung aultre fois, quant je feré long voyage, de vous avoir tousjours avecques moy, car tout seul je manuye. Sependant, ma mye, jacotreré1 la mayson en atendant que je sache sy viendrés ou non. Je vous prie, conplésés au Roy, nostre père, le plus que vous pourés. S'il a envye que je retourne là, mandés-le moy, et je ne fauldré incontinant partir pour l'aller trouver; ou, s'il veult que vous en veniez, partes et le plus tost que vous pourés, et faites la milleure diligence quy vous sera possible. Je ne m'escuzeray plus sur le tournay , pour aller au devant