I. J'accoutrerai

de vous, car j'ay achevé et m'en voys dicy, suivant la prommesse que je vous fitz au partir de Pau pour aller chés nous. Je n'eusse pencé reconnoistre sy mal la court des dames que je fois ; et me semble qu'il sont devenus toutes laydes et fâcheuses ; je ne say sy s'est le doulx vent qui vient de Béarn qui en est cause, ou sy s'est ma veue qui s'est tant deschangée qu'elle ne peult plus se tromper comme elle faisoit ; et vous le connoistrés et le scarés par ceulx qui souloit fère leur devoir de vous avertir quant je faisois mal, le bien que je fois à ceste heure. Quy sera la fin, ma mie, de vous prier de fère mes très humbles recommandations à la bonne grâce du Roy et Roynne1, nostre père et mère. Priant Dieu vous donner en santé très heureuse et longue vie.

De Paris.

Vostre très afectionné mary.

Antoine.

(Bibl. nat. Fr. 8746, fol: 57. — Autographe signé.)