LUI

Ma mye, j'é receu la lettre que m'avez escripte de Tours par où désirés scavoir de ma santé. Je vous puis asseurer quelle ne fut, il y a longtemps, sy bonne quelle est de présant, grâces à Dieu, et me semble quelle ne sçauroit amander, sy ce n'estoit par vostre moien et que fussiez avecq moy. Je lairay ce propos pour vous dire et asseurer que bientost nous sçarons de retour, car le temps nous fet déjà sy fort la guerre, et nous est tant contraire qu'il n'est possible de sçavoir fère long séjour. Je vous prie, mon compaignon, ne vous mestés point en peine de moy, car je say comme il se fault coverner avecq tel monde , et ay espérance de vous raporter ma peau entière bien tost. Je vous ay escript par mon courier que vous allissiez à la Flèche avecques Madame ma mère pour quelque temps, et, dès qu'il vous ennuira, allés-vous en chez nous à Vandosme, là où vous serés en plus grant liberté. Monsieur le Cardinal, mon frère, vous est allé trouver pour vous faire compaignie an attendant mon retour. Je vous prie tous deulx fère prier Dieu pour nous donner bonne fortune, je dis pour l'avvenir, car jusques à présent nous n'en avons point congneu de bonne, témoin Ghatillon1, qui a failly sa troisième entreprise, et croys que

1. Gaspard de Coligny, seigneur de Chatillon, gouverneur et lieutenant-général de l'Ile-de-France, etc., amiral de France, tué à la Saint-Barthélémy, le 24 août 1572.

ET DE JEHANNE d'aLBRET. 71

sy nous ne luy aportons du bonheur quil nen trouvera, ne pour luy ne pour sa rasse, vray pour lui et pour toute sa généalogie.

J'é reçeu, ma mie, une aultre lettre de vous, par où vous énuiez du tourment que vous fait la baillive et le visconte1. Je leur en escriré selon vostre intension et vous asseure que eulx ni aultres je ne soultiendré contre vous, mes au contraire vous favoriseré comme mestresse. Je vous prie, pour récompance, vous vouloir gouverner bien sçagement comme m'avés promis. Vous n'estes plus enfant, mes famme, et d'âge d'avoir bonne discrétion, et vous l'avés sy bonne et pour conduire vostre personne et pour noz affères que de rien je ne seré en peine.

Quy sera la fin de suplier Dieu nous donner à tous deulx honneur, bien, et à la fin le salut de noz âmes.

Vostre bien bon mary.

Antoine.

(Bibl. nat. Fr. 8746, fol. 30. — Autographe signé.)

Ma mie, je ne vous feré ceste lettre longue pour

estre près d'onze heures , et seullement vous asseuré

de la bonne santé en quoy je suis, qui n'est possible

d'estre milleure, Dieu mercy. Au demourant, je vois à

I. Le vicomte de Lavedan, fils d'un bâtard de Bourbon, ancien chevalier d'honneur de Jehanne d'Albret,