Pétulant, endiablé
de noz nouvelles, qui sont, Dieu marssy, très bonne. Car en dépit des ennemis j'ay mis ceste nuit deulx mil hommes dedans Rêne1, en sorte que la trompe qu'il me cuidoit fère, je l'ay sy bien parrée qu'elle est tournée sur eulx, en sorte qu'il ont perdu le temps et l'entreprise. Au demourant, nous avons dormy ceste nuit au son de leurs tabourins, et eulx au son des nostres, car il ny avoit que la rivière entre deulx. Quant à ce que me souhaistés mieulx logés , je vous remersie , je ne le sarois estre mal, puisque j'ay faict ce que je voulois faire. J'ay receu la chemise que m'avez envoie, mes je vous reporteré toute blanche , car ung homme qui couche tout vestu par ce froit ne prent pas grant plaisir au matin de ce despouiller. Qui sera la fin de suplier Dieu vous avoir en sa garde.
Vostre bien bon amy et mary.
Antoine.
(Bibl. nat. Fr. 8746, fol. 21. — Autographe signé.)
LIî.
Ma mye, hier Monsieur le Cardinal2, mon frère, m'escrivit comme Mme de Roye3 l'avoit faict ajourner
1. Sans doute Rainecourt, village à 20 kilomètres de Péronne.
2. Charles, cardinal de Bourbon, frère puîné d'Antoine, proclamé roi par les Ligueurs sous le nom de Charles X.
3. Mère d'Eléonore de Roye, épouse de Louis Ier, prince de Condé, et belle-sœur d'Antoine de Bourbon.
pour le faict que sçavez ; de quoy il s'est fort fâché, disant que sy elle eust vollu prendre ung aultre voie , elle s'an fust mieulx beaucoup trouvé, mais puisquelle le prent de ceste fasson, qui luy pourvoira sy bien qu'elle en recevra honte et domaige. Je vois, ma mie, mon dit sieur Cardinal sy animé contre eulx, que sy il ni provoient, il s'en repentiront. De nous, il nous fault le contenter et l'entretenir le mieulx que nous pourons et le plus secrètement que nous pourons parler de se faict ; car à toute heures la bonne damme vous allègue de tout plain de choses quelle dit que vous avez dites à Riens1. Je vous prie n'en parler à personne de se que je vous escrips, et n'en faire semblant, que premier je n'aie parlé à vous. Au demourant, ma mie, je trouve très-bon et vous en prie de aller trouver la Roine , à Compiègne ou alleurs où elle sera, affîn que j'aie milleur moien de vous mander de mes novelles et plus souvent. Qui sera la fin, ma mie, de suplier Dieu nous voulloir tousjours entretenir en parfaicte amitié avecques très heureuze et longue vie.
Du camp près Gambraye.
Vostre très affectioné amy et léal mary.
Antoine.
Je vous prie faire mes humble recomandations à Mme la Duchesse de Vallantinois.
(Bibl. nat. Fr. 8746, fol. 23. — Autographe signé.)
