SA FILLE

Ma fille, je ne vous diray l'ayse que se m'a esté d'avoir entendu la continuasion de voz beaus maus, pour se que m'estent de sy près que vous estes, vous devés sentir tout ce que je sens, soit bien ou mal, et pour se que, pour le présent, je n'ay que faire de vous réconforter de voz malheurs, je recomenderay voz pasetamps et de vostre petit fruit à la pasiense des famés1. Bien vous prie que vous guardés et que n'ayés point de peur de perdre vostre plase pour les darniés, quar je ne auré engore de lonc tamps le playsir que j'ay de vous, mais j'aymeray bien le petit l'enfent. Je vous ay bien voulu escrire ceste letre de ma main pour

1. Cette lettre paraît avoir été écrite dans l'été de 1553, pendant la grossesse de Jeanne d'Albret, qui accoucha de son fils Henri en décembre de la même année.

le playsir que j'ay veu que avez prin de se que j'ay escripten l'autre, et sy ne tenet qu'à cela que vous n'usiés tout se que désirés, vous l'auriés bientost, quar je vous désire ausy eureuse que peut désirer son enfent un bon père. Je seray bien ayse sy je povois estre sauté là, mais le saut est bien grant; toutesfois sy ma sente le peut porter, après avoir esté au bains, je ne fauldray de vous aler voir, et sependant je vous seray

Vostre bon père et amy.

Henry.

(Bibl. nat. Fr. 8746, foi. 120. — Autographe signé.)

Ma mie, suivant ce que je vous escrivis yer par vostre lacquais, je vous envoie Haraucourt, qui vous sçaura bien randre bon compte des propoz que le marquis m'a tenu, et l'envie qu'il a que toutes choses aillent à vostre dévotion. Je ne vous en dire davantaige, car lettres se voient et se perdent, et lairé le tout sur la suphisance du porteur. Et seullement vous diray que le Roy ne scauroit partir plus tost que jeudy ou vendredy1. Je ne me fâche jamais tant de maladie que je faict de selle du Roy ; pour ce qu'elle cause que nous sommes si longtemps sans vous voir. Je vous puis asseurer que j'en ay grant envie.

1. Le roi Henri II avait été malade dans le courant d'août 1553, et n'entra en convalescence que vers la fin de ce mois.

Qui sera la fin, ma mie, de vous prier de vous bien guardé et de suplier Dieu vous donner en santé heureuze et longue vie.

Vostre affectioné mary et léal amy.

Antoine.

(Bibl. nat. Fr. 8746, fol. 3. — Autographe signé.)

Ma mie, je viens tout à ceste heure de recevoir, par vostre vallet de chambre, la lettre que m'avez escripte, par où désirés de vous aprocher de moy. Je vous prie de pencer que ne le désirés point plus que moy ; mais ce que je vous ay mandé n'a esté sans occasion, car l'oste ne le désiroit point pour le peu de moien qu'il avoit de vous povoir bien loger ; car seulx qui sont venues ne le sont guères bien, et sy s'en trouve fort chergé pour ne avoir point ycy de prouvision . Quant à moy, dès l'eure que le Roy se trouvera mieulx, je partiray pour vous aller trouvé, qui ne sera sy tost que je le désire. Mais voiant que le Roy se porte mieulx beaucoup qui n'a faict, je ne pense point qu'il ne soit demain pour tout le jour guéry, et le lendemain je partiray pour vous aller trouvé. Quant aller à Paris pour sollicité procès, vous n'estes maintenent abillée an soliciteuze, et fault plus pencer à vous aller repozer que de chercher travail. Je suis bien d'opinion que vous aprochés près de moy et trouve fort bon le lieu

que nommés de Pontoize, et ne parlés partant de Saint-Germain, sinon de vous en aller droit à Guaillon1, et s'yl est demouré de mon train audit Saint-Germain, faictes le venir avecque vous à Pontoize , car delà je partiray pour aller au lieu où nous voulions aller, et pence que au lieu où vous vennés vous n'y sejourneré peu ou point; parquoy vous ferez bien d'amener madame la baillive, car le chemin dudit Pontoize est le milleur pour aller à Guallon.

Qui sera la fin, ma mye,de suplier Dieu vous donner heureuze et longue vie.

De vostre très affectioné amy et léal mary. Antoine.

Monsr le prince 2 eust hier nouvelles que ma seur, la princesse, est acouchée, et a heue une fille. Dieu face aultrement pour nous !

(Bibl. nat. Fr. 8746, fol. 106. — Autographe signé.)

Ma mie, j'ay receu la lettre que m'avez escripte, par où me mandés Testât de vostre maladie et comme elle continue tousiours à vous tourmenter, qui me desploit

1. Gaillon, château de Normandie, résidence d'été des archevêques de Rouen.

2. Louis de Bourbon, prince de Gondé, frère d'Antoine, tué à Jarnac en mars 1569. Il avait épousé en 1551 Eléonore de Roye qui mourut en 1564.

fort, et vous asseure, ma mie, que si se n'eust esté ung mot qui estoit au bas de la lettre de Rafahel1, ou il me mandoit « Depuis ma, lettre escripte, Madame c'est trové très bien, f espère quelle ri, ara plus rien; » sans cella j'estois en grant peine et me délibérois pour m'en mestre dehors de vous aller trouver et servir de médessin; mes puis que vous vous portés bien, j'atenderé à demain, où je me troveré au soupe et au gite. Qui sera la fin, ma mie, de prier Dieu vous donner en santé très bonne vie et longue.

Vostre bien bon et léal mary.

Antoine.

(Bibl. nat. Fr. 8746, f° 101. — Autographe signé.)

Ma mie, je pence ne vous fère trop de desplaisir de vous avertir comme nous allons rompre nostre camp et assoir noz guarnizons; sella faict, j'ay congé de me aller vous trouver, se que j'espère fère au dedans la fin de ce mois de septembre, où nous sommes. Par quoy je vous prie, ma mie, ne perdre ne heure ne temps pour vostre délogement à aller vers le Roy , vostre père ; et de moy, je feré la plus grande diligence qui me sera possible pour vous rataindre. Je vous prie, envoies Nicollas et tous ses oyseaulx m'atendre à Mar-