Raphaël de Taillevis, son médecin

chenoir1, affin que je me destourne de mon droit chemin pour le prendre, et aussy que je ne séjorne à les attendre. Vous commanderés à Jan-Jacques qui luy ayde à porter les dis oyseaulx. Je vous envoie ce dit porteur pour luy pareillement ayder, sy ne sont assés. Vous priré Monsr de Malicorne2 de vous baillé quelqu'un de ses gens pour les ayder à porter, et sy luy-mesmes s'y voulloit trouver au dit Machenoir avecques ses chiens et ses oiseaulx, il seroit le très-bien venu et trouveroit ung homme qu'il luy feroit bonne chère. Sy, ma mie, ceste délibération ne vous semble bonne et que vous aymissiés mieulx que je vous allasses trouver à la Flèche, et que partissons enssemble, je suis bien content, et sy satisferés au grant ennuie que j'ay de vous voir. Mandé lequel voullés dé deulx, affin que sellon cella je me gouverne et prengne mon chemayn. 11 me semble que je serviraye bien d'ung bon médessin quant je seré avecques vous. Vous me manderés aussy sy l'aurés agréable ou non ; mes oyseaulx n'arront que fère de venir à Marchenoir, sy vous m'atendiés à la Flèche; mais sy vous en partiez, vous les envoirrés. Quant à ma tous, elle m'a laissé, et me porte le mieulx que je fitz oncques. Je feray fin, ma mie, espérant bientost vous revoir, et supliray Dieu vous donner ce qui vous est nessécère.

Vostre très affectioné amy et bien léal mary. Antoine.