A 27 kilomètres de Saint-Pol (Pas-de-Calais

5. Petite ville du département de la Somme, à 9 kilomètres d'Abbeville.

de ce mois retirez vers ledit Dompierre, les ayans suy vis avecques trois ou quatre cens hommes d'armes et quelque cavallerie légère sans que jamais on ait veu desbander de leur grosse trouppe plus de vingt ou vingt-quatre au coup. Et fault que je vous dye, Monseigneur, de ma part, que je ne veiz oncques gens de guerre marcher plus serrez qu'ils faisoient en ceste retraicte, naiant faict autre exécution que du feu qu'ilz ont mis en quelques maisons et villages ; combien que leur délibération au commencement n'estoit point de repartir sans faire autre effect et mesmement de s'attacher à l'une des places de ceste frontière, où ilz verroient le jeu plus beau. Mais, estantz bien adverty de l'ordre que j'y avois donné et que je leur avois apresté le loisir de se hyverner, venantz à s'opiniastrer à un siège, n'ont osé davantage entreprendre, et, ad ce que je puis juger de la contenance qu'ilz tiennent et des nouvelles qui me viennent de leur costé, je croy que le reste de ceste année se parachèvera ainsi. Voilà, Monseigneur, ce que je vous puis desduire des choses qui passent par deçà à la charge et conduicte desquelles, après l'obligation que j'ay au service du Roy, je ne prens contentement et plaisir, sinon que ce m'est autant d'exercice et d'expérience, pour emploier, Monseigneur, quelque jour au vostre l'effect d'une vollunté qui vous fera cognoistre, quant il vous plaira, que ce que j'ay de vie et de tout seront estimez de moy trèsheureusement dependuz1, les hazardant en ce que me vouldrez commander, ou que je congnoistray de mon debvoir.

Au demourant , Monseigneur , ayant perdu le sr de