JEHANNE D'ALRRET A LA DUCHESSE DE GUISE

Ma cousine, sy se n'estoit que je pense bien que, ayant trouvé Monsieur de Guise, vous n'avés pensé à aultre chose que à son mal et y faire ofise de bonne famme, je me plaindrois de quoy ne m'avés envoyé de ses nouvelles annuit; car, sans l'asurance que m'en aviés donnée, j'eusse envoyé ung laquais avecq vous,

et par se, ma cousine, que j'ay grand envie de savoir comme il se sera porté, je vous envoyé ce laquais pour vous prier bien fort par luy prandre la payne de m'en mander, et ausy, sy vous avés à faire de chose qui soit en ma puissance, asurés-vous que les vostres propres ne sont point plus à vostre commandement, et me ferez tort sy vous les espargnés. Je ne vous empescheray de plus longue lettre, sinon vous prier bien fort, ma cousin e , faire mes afectionnées recommandasions à Mon sieur de Guise, et en prenés vostre part, vous les présentant d'ausy bon cueur que je vois suplier le Créateur donner à mon cousin bonne santé, comme ce que je pense que plus vous désirés, et à vous aultant de contentement que vous en souhéte

Vostre bien bonne cousine et parfaicte amie.

Jehanne de Navarre.

(Bibl. nat. Fr. 3237, fol. 17. — Autographe signé.)

30 décembre (1554).

Ma mie, j'ay receu la lettre que m'a aportée le lacquais de Lignery, pour où me faictes entendre l'ennuie qu'avez de me voir, avant que j'aille à la court ; ce que je trouve aussy bon que vous. Et pour ce que j'ay espérance de partir en dedans lundy prochain, je vous prye que sy vous voullés me voir, fère dilligence de vous

en venir auprès de Beavois1, à une lieu de là, en quelque vilaige, qui ne soit au cardinal de Ghastillon 2, ni aultres grands, affin que ceulx de la court ne sçachent riens; car si le Roy sçavoit que je vous eusse veue, il me ranvoiroit sans plus vous voir en ceste frontière , qui me tourneroit en aussy grant desplaisir que povés penser. Et n'eust esté le long temps qu'il y a que je ne vous ay veue, j'eusse esté d'opinion d'atendre jusque à mon retour de la court, où j'espère aller en poste pour plus tost vous revoir, et n'aies doute que je vous y faisse tort, car j'é trop atendu, et avecque cella je vousay trop en l'entendement, et me tarde que je ne suys où vous estes pour mon contentement. Au demourant, sy vous venés où je vous mande, que je trove ung homme à l'ostelerie du Sauvaige, à Beavois, pour me mener où vous serés.

Qui sera la fin, ma mie, de suplier Dieu vous donner et à mon filz très-heureuze et longue vie.

De descembre ce xxxe.

Vostre bien bon amy et très affectioné mary.

Antoine.

(Bibl. nat. Fr. 8746, fol. 55. — Autographe signé.)

JEHANNE D'ALBRET A LA CONNÉTABLE DE MONTMORENCY

Ma cousine, je vous donnerois occasion d'ignorer