Beauvais
2. Odet de Coligny, dit le cardinal de Châtillon, frère aîné de l'amiral, évêque-comte de Beauvais, mort en 1571.
l'amitié que je vous porte, sy à ce coup je faillois à vous visiter, non pour adjouster aultre consollation a vostre ennuy que celles de tant de gens de bien que je suis asseurée qu'avés eue, mays pour vous tenir compagnie à me plaindre de mon costé de la perte d'une sy bonne parente et amie, vous asseurant, ma cousine, qu'après avoir esprouvé la perte d'une telle mère que j'avois, je plains d'aultant la vostre1, et pour n'adjouster renouvellement à vostre fâcherie, je supliray le souverain consollateur des affligés, vous donner le remède qu'il congnoist vous estre nécessaire, et ausy longue vie que vous désire
Vostre bien bonne cousine et parfaicte amie.
Jehanne de Navarre.
(Bibl. nat. Fr. 3260, fol. 9. — Autographe signé.)
Ma mie, encorres que je vous aye ce jourduy escript bien au long, je n'ay voullu perdre ce moien par ce porteur Villandry, vous mander de mes nouvelles, qui sont telles que pour ma santé povés souhéter ; et quant à nos affères, le Roy nous a faict don de ce que le mémoire de monsr le Cardinal portoit. Je vous en
1. 11 s'agit sans doute de la mort d'Anne de Lascaris, veuve de René de Savoie et mère de la connétable.
envoirés la despêche le plus tost que je pouray ; je n'i veulx point touché. Je vous prie dire à monsr de Mande que je veulx qui soit emploie pour noz debtes et non pour aultre chose. Vous m'an manderés ung mémoire du département qu'en àurés faict, affin que je y ajouste ou diminue de ce quy sera. Au demourant, je le feray despêcher à vostre non, affin que cella n'enpêche dung aultre pour moy.
Qui sera la fin, ma mie , de suplier Dieu vous donner très heureuse et longue vie.
Vostre très affectioné amy et léal mary. Antoine.
(Bibl. nat. Fr. 8746, fol. 27. — Autographe signé.)
Ma mie, pour ce que j'ay oublié de mestre dedans ma lettre que vous m'envoissiez lé deulx mil francqs du beau père de Raphaël, car j'en ay nécessairement affaire, m'a faict vous despêcher se petit pacquet, vous priant, ma mie, les deslivrer à ce porteur pour les me aporter. Qui sera la fin de prier Dieu vous donner très bonne et longue vie.
Vostre bien bon amy et fort léal mary. Antoine.
(Bibl. nat. Fr. 8746, fol. 32. — Autographe signé.)
Ma mie, j'ay receu de mes gens de Vendosmois ung an...1 çus la déspêche que nous luy avons faicte des terres vagues, lequel je vous anvoie, et par là vous verres l'intérest que nous y avons. Je l'ay monstre au dit Raphaël qui ne sçait dire là dessus aultre chose sy non que noz officiers ne l'aiment point, et que vous luy avez faict ungne lettre de don sy bien faicte et an deffendant silance à tous noz officiers, que il n'est plus en nous de les ravoir, sy luy plaist et à sa famme. Je crois que le secrétaire qui les luy a despêchée y a plus mis que ne voulliez. Aujourduy, l'on m'en a offert trois mil francs des dites terres vagues, et davantaige, que vous avez ordonné de vendre la mestérie de Vignault pour six mil livres à son beau père, qui doit prendre sur la dite somme de deulx à trois mil. Il me semble que ne debvés vandre de nostre propre pour poier debtes qui peuvent bien atendre dix ans , attendu qu'il a esté du demourant très bien paie, et moy très mal servy. Je crois que Rusé sera allé vers vous pour le vous fère entendre, et au demourant, ma mie, je me fie fort que ferés de tout pour le mieulx ; je vous an ay bien voullu avertir, affin que nous nous avertissions l'ung l'aultre dé finesse et tromperie que l'on nous fera.
i. Mot lacéré.
Je lairay, ma mie, ce propoz pour vous dire que je ne fus jamais sy marry que je suis de ne vous pover voir ; sy ceulx qui en sont cause avoit ce que je leur souhaite, il aroit plus de mai que n'eult jamais homme. Sy d'avanture, ma mie, vous passiez le terme, et que ne vous trouvissiez grosse, et que l'on ne me veille laisser partir d'issy, je me délibère de vous envoier quérir et le petit filz ; car je (ne) veulx plus estre sans vous. Vous me croirés, sy vous plaist, mais je m'ennuie fort que je ne vous vois, et plus que ne sçariez penser. Vous aurés pitié de moy quant me voirez, car je suis fort amaigri, et n'ay, ma mie, bonne espérance de me reffaire que je ne vous voie et que je ne revive entre vos mains. Par quoy je vous prie que sy vous le passés, que incontinant vous me le mandiez, affin que je vous mande vous en venir, qui ne sera jamais sy tost que le désire celluy qui suplie Dieu, ma mie, vous donner en santé très heureuze et longue vie.
Vostre bien bon amy et fort léal mary.
Antoine.
(Bibl. nat. Fr. 8746, fol. 45. — Autographe signé.)
ANTOINE DE BOURBON A JEHANNE d'aLBRET.
Ma mie, vous n'aurés longue lettre de moy pour ce coup, pour n'estre ma main bien guerrie. Mais en dedans trois ou quatre jours, que je me porteray
mieulx, je vous satisferé à tout ce que m'avez se jours passé escript; et par ceste première seulement vous diray que me ferés plésir ne partir avant la reine ou bien quant et elle ; car je ne veulx pour rien que demouriez après elle. Quant à LaCharmoie, je trouve très bon ce que par luy m'avez mandé, principallement pour fère office noveaulx en Vandosmois en faisant finance, et par ce moien il ne sera bezoin de riens vendre.
Qui sera la fin, pour ne povoir tirer de ma main plus grant servisse, de suplier Dieu vous donner, et au petit Henry, très heureuse et longue vie.
Vostre bien bon et léal mary.
Je vous (prie) ne monstre la bague à persone.
(Bibl. nat. Fr. 8746, fol. 54. — Autographe signé.)
Ma mie, j'ay veu par la lettre que m'avez escripte par Chandion, l'ennuy en quoy vous estes, et que désirez byen avoir de moy quelque consolassion, ce que de bon cueur vouldrois fère, et principallement de lamilleure, quy est la présence, sy je povoys ; mais, ma mie, la guerre, quy est ennemie de tous biens, ne m'a jamais voullu donner le loisir et pleisir, qui est cause que se que vous demandés, je le cherche pour en avoir bien aultant de bezoing que personne de se
monde. J'espère bien que le voyage que nous allons fère ne durera guères , parce que le Roy et nions1- le Gonnestable y viènent, et que, quant y s'en retourneront, j'en feré de mesme.
Au demourant, ma mie, j'ay entendu par vostre lettre la devise nouvelle qu'avez prise, que je ne trouve à propoz ni raisonnable ; par quoy sy la trové cellon vostre cueur et que voulliez que chasqun pense que nostre foy et amour soit rompue, mandés-le moy, car je changerois de voulonté et de devise pour m'acorder à la vostre et fère comme vous.
Qui sera la fin, ma mie, de vous prier par ce lacquais me fère responce, et croire que en toutes choses je feré comme vous, soit bien soit mal. Priant Dieu nous en guarder tous deulx du mal, et nous donner très-heureuze et longue vie.
Vostre bien bon et léal mary.
Antoine.
(Bibl. nat. Fr. 8746, fol. 47. — Autographe signé.)
12 mai 1555.
Ma mie, je vous anvoie ce porteur, mon apoticaire, pour vous fère entendre le jour de mon arivée qui sera demain, sy je puis, ou jeudy au diner, pour le plus tart. Je feré sy bonne dilligence que seus qui me voiront coure pourront dire que je vais en homme qui a grant ennuie de voir sa femme. Je ne vous direz, ma mie, pour seste heure aultre chose, synon vous prier
ne vous réjouir tant qu'il vous en puisse venir mal, quy sera la fin, priant Dieu vous donner en santé très bonne vie et longue.
De Estamps, ce xije de May.
Vostre bien bon et léal mary.
Antoine.
(Bibl. nat. Fr. 8746, fol. 50. — Autographe signé.)
Ma mie, je ne vous diray aultre chose par ceste despêche, sinon que le Roy entend que l'on rende tout à ce Portuguois et que l'on le laisse passer avecque toutes se drogues et pacqués. Je vous prie me renvoier ce que vous en avez pour le luy rendre, affin de le despeché le plus tost que l'on pourra.
Qui sera fin, ma mie, après vous avoir asseuré de ma très bonne santé, de suplier Dieu vous avoir et le petit en sa saincte guarde.
Vostre bien bon et léal mary.
Antoine.
(Bibl. nat. Fr. 8746, fol. 64. — Autographe signé.)
Ma mie, suivant ce que nous avons avizé, j'ay des-
péché don Pedro et ne porte avecques luy chose qui nous peult nuyre. J'avoys esté trompé en son rapport, car il n'entendoit de retourner en Flandres, ni passer par la court, mes aller droit en Espaigne pour ce trouver à son débarquement. En cella, ma mie, je ni voys aparence de tromperie, mes plus tost d'utilité pour nous. Au demourant, la lettre ne nous peult faire mal, quant on la véroit : car elle guarde le respect à qu'il il apartient. Je lairay ce propoz pour vous dire que je me porte mieulx que je n'ay fait, et ferois encorresplus, sy je vous avois avecques moy. Mandé-moy souvent de voz novelles, j'ententz de vostre santé et de vostre court ; mes de celle du Roy, n'en parlés en voz lettres, sy ce n'est par homme fort seur; car à ce c'on nous mande de delà, on destrouce tout ce que l'on peult de pacquetz.
Qui sera la fin , ma mie , de suplier le Seigneur vous donner en santé très heureuze et longue vie.
Vostre bien afïectioné amy et plus loial mary.
(Bibl. nat. Fr. 8746, fol. 71. — Autographe signé.)
ANTOINE DE BOURBON A JEHANNE d'ALBRET.
Ma mie, j'ay esté bien ayse d'avoir veu par vostre lettre comme vous arivés sejourduy à Guitres1, car
1. 'Village de la Gironde, au confluent del'lsle et du Larry.
ET DE JEHANNE d'aLBRET. 101
j'espère que, sy vous voullés estre bonne famme, vous vôirés vostre mary, et pour avoir ce bien, il fauldroit venir demain, qui est jeudy, à Gevanseaulx1, qui est à une lieue de Lagrolle2, une poste par dellàBarbezieulx3, et vous m'y troverréàgiste, bien près de vous faire fort bonne chère. Je me suis enquis combien il y a de Guistre jusques à Gevanseaulx ; il n'y a que six lieulx, qui ne me semble pas trop longue trète pour une femme qui a ennvie de voir son mary.
Qui sera la fin, ma mie, de suplier Dieu vous avoir en sa guarde.
Vostre très affectioné mary.
Antoine.
(Bibl. nat. Fr. 8746, fol. 1. — Autographe signé.)
Ma mie, je suis tant ennuyé de me voir si longuement sans vous, que je ne sçay plus à qui me plaindre qu'à vous, vous priant m'en fère raison, comme selle qui le peult mieulx fère à mon contentement que personne de ce monde ; et sy voullés entendre comment il fault, c'est que, sy je ne puis aller vers vous, que
