Barbezieux, chef-lieu d'arrondissement de la Charente

vous veniez vers moy; et voillà le remède que je demande pour me guéryr. Je crois que le désirés fort, mais point tant que moy. Je ne dis pas que n'aies eu aultrefoix cest avantaige sus moy, mais maintenent je l'ay sus vous. Au demourant, ma mie, je vous prie que sy vous aveznovelles du Roy, nostre père1, soit bonnes ou maulvéses, le me mander bientost ; car Quesmy m'a dit que il avoit trouvé ung courrier qui vous portoit ung pacquet de Monsr de Mande. Je pence que ce sont bonnes nouvelles, puisque il ne vous mande point ung gentilhomme exprès, et que le dit courrier n'est venu que pour vous maistre hors de peine et vous fère entendre de son retour en santé. Sy ne sera il que bon que vous envoies vers luy en poste Jacques Bonnissent pour entendre de sa santé, et que vous vous désirés fort estre avecques pour luy l'ère servisce, et que vous luy supliez que dorsenavant il vous retire auprès de luy, et qu'il ait temps que nous commancions à luy en fère. Et sy d'aventure il trouvoit qu'il fust mort, il s'en retourne en toute dilligence vers vous pour nous avertir les premiers, affin que nous demandions ce qui nous fault.

Qui sera la fin , ma mie , de suplier Dieu luy donner et à nous sa grâce avecq très heureuze et longue vie.

Vostre bien bon amy et très affectioné mary.

1 . Cette lettre parait être antérieure de peu de temps à la mort d'Henri d'Albret arrivée le 29 mai 1555.

Ma mie, j'ay receu la lettre que m'avez escrite par le chanteur d'espitre, pour où m'avertisses de l'accident et malladie du Roy, nostre père1, où j'espère que Dieu ne monstrera moins l'aide et faveur qui lui veult f'ère qu'il a faict aulx aultres fois qu'il en a eu besoing; et pour ce, ma mie, est recquis de se retirer au souverain médessin et luy suplier par pourssecion et aultres prières qui luy plaise luy donner santé et tout ce qui est nessécère, et au demourant m' avertir de heure à aultre de ce que en entendrés, ne vous monstrant estre abandonnée de la vertu qui vous a (dans) voz aultres fortunes tant bien servi et acompaignée, et qu'en lieu de augmenter elle diminuât en ceste heure. Je vous l'ay bien voullu ainssy vous l'escripre pour la crainte que j'ay que l'amour que lui portés plus que a créateure de se monde après moy, et que je connois qu'estimez la perte plus grande que pas une que ayés faictes, que nature ne vous contraigne de fère plus de démonstration, vous priant de vous monstrer saige et vous asseurer que vous avez ung mary qui, sy telle fortune vous avyent que je vous serviray de père, mère, frère et mary, m'asseurant que pour biens ne chose qui vous puist avenir vous ne serés moins obéissante, et je vous prommès que, quelque biens qu'il me