JEHANNE

(Bibl. nat. Armoires de Baluze, t. 199. — Copie.)

ANTOINE DE BOURBON A HENRI II

19 avril 1556.

Monseigneur, j'ay tousjours démonstré en tant de sortes de quelle prompte obéissance j'est ois affectionné à vostre service, que quant quelcun s'avanceroit pour vous vouloir persuader le contraire, je me fortiffierois bien tant de vostre bonté, que nul ne vous sauroit faire départir de l'estime et oppinion dont je me sentz digne, et en laquelle je vous supplie très-humblement me vouloir maintenir. Et de cela, pour ne vous ramentevoir point les occasions du passé, je ne vous rendray autre tesmongnage sinon, Monseigneur, que suyvant ce qu'il vous avoit pieu m'escrire par vostre lettre du vje jour de mars dernier, que le président Lagebaston1 m'a

1. Jacques Benoist de Lagebaston, président au Parlement de Bordeaux, connu par son acharnement contre les Huguenots.

ET DE JEHANNE d'aLBRET. 107

fait tenir, par laquelle vous me mandiez que j'eusse à luy envoier aucuns personnages estans près de moy et en mon pouvoir, pour estre oys, examinez et confrontez sur le faict dont le sr d'Hurtebye, sa femme, enffans et complices sont détenuz prisonniers, je donnay ordre qu'il fust si diligemment satisfaict que, sept ou huict jours après la réception de vostre dicte lettre, je luy envoyé jusques à Dacqs1 tous ceulx qu'il m'a voullu demander, estans natifz et demourans en mon royaulme et en mon pais de Béarn, n'ayans nulz de mes subgetz que je voulusse en riens espargner, quant il est question de vostre service et de la seuretté de vostre Estât. Toutesfois, Monseigneur, au lieu de les interroger sur les faictz du dict d'Hurtebye, pour lesquelz vous les m'aviez demandé, j'ay sceu que le dict président, contre toute coustume juste, civille et honneste, gardée et deue à gens estrangers, partis par mon commandement et soubz bonne foy, en a faict emprisonner aucuns, en menant l'ung d'eulx à Bourdeaulx, dont il dict qu'il se veult asseurer, les ayans plus recherché sur les entreprises et practicques secrettes que le feu Roy de Navarre , mon beau-père, avoit menées et que je pou vois encores avoir pour le recouvrement de mon dict royaulme2, que sur le fait du dict d'Hurtebye ; qui m'est chose si