Dax, ville du département des Landes

2. En 1512 Ferdinand le Catholique, roi de Gastille et d'Aragon, avait enlevé à Jean d'Albret toute la Haute-Navarre. Depuis cette époque, les différents souverains qui se succédèrent sur le trône de Navarre cherchèrent à rentrer en possession des provinces perdues. C'est en vain qu'ils employèrent successivement la force et la ruse pour arriver à leurs fins. Antoine continuait la même politique.

dure à comporter que sans l'estime que j'ay que le dict président a en cela outre passé vostre commission, et que quant vous voudrez entendre les moyens et particularitez des dictes entreprises^ vous vous fierez bien en moy de vous en rendre compte, sans que cela vienne à la congnoissance des personnes qui ne sont point pour les tenir au silence et en la taciturnité qu'elles doyvent, je ne saurois que j'en pourroys penser, estimant, Monseigneur, que vous souvenez bien que vous avez autresfois permis au dict feu sr Roy, mon beau-père , d'adviser tous les moyens qu'il seroit possible pour rentrer au dict royaulme, et que vous m'avez laissé ceste mesme liberté et donné conseil de le faire, quant je prins dernièrement congé de vous; sur quoy, si j'ay continué ou projecté quelque chose de nouveau, je vous supplie très-humblement de considérer quel plaisir ce me peult estre de la veoir esventée en quel resfroydissement à ceulx qui possible avoient quelque volunté de s'emploier pour moy, et de m'y faire ung bon et grand service ; vous envoyant expressément mon cousin, le baron de Cramail1, présent porteur, pour vous en faire le discours, s'il vous plaist de l'ouyr, comme je vous en supplie très-humblement, et de commander au dict Lagebaston de m'envoyer celluy qu'il tient prisonnier, ou, s'il vous plaist entendre quelque chose de ce qu'il peult avoir négotié pour le dict feu sr mon beau-père ou moy, adresser commission à tel personnaige qu'il vous plaira; n'ayant riens

1. Philippe de Longueval, seigneur de Haraucourt et de Cramail, chevalier de l'ordre du roi, maître de la garde-robe d'Antoine de Bourbon, roi de Navarre, mort en 1620 âgé de 107 ans.

ET DE JEHANNE d'aLBRET. 109

d'affection et passion particulière, comme je sçay que le dit Lagebaston le démonstre ordinairement contre tout ce qui peult concerner les affaires de ma maison ; vous promectant, Monseigneur, que de luy, quant il le m'aura renvoyé, et de tous autres qui seront en mon pouvoir, je vous rendray compte comme de ma personne mesme, laquelle, avecques la vye, je tiendray tousjours preste d'hobéir à voz commandemens ; et en ceste volunté me recommandant tant et si très-humblement que je puis à vostre bonne grâce, je supplie le Créateur vous donner, Monseigneur, en parfaicte santé très-longue et très-heureuse vye.

Escript à Nérac, le xixe jour d'avril 1 556.

Vostre très-humble et très-hobéissant cousin et subject.

Antoine.

(Bibl. nat. Fr. 3142, fol. 4. — Original signé.)

ANTOINE, ROI DE NAVARRE, AU CONNESTABLE DE MONTMORENCY

19 avril 1556.

Monsieur mon cousin, dépeschant mon cousin le baron de Gramail, présent porteur, devers le Roy, pour les occasions qui vous dira et ce que vous pourrez voir par la lettre que j'escriptz audit seigneur, je ne vous tiendray aultre propos en ceste cy, que pour

vous pryer, Monsieur mon cousin, de vouloir entendre les façons dont le président Lagebaston m'a faict demander des subgectz de mon royaulme soubs couleur d'estre examinez pour le faict d'Alsatte ; lesquels luy ayant par moy esté envoyez, rie les a recherchez que des entreprinses que le feu Roy de Navarre, mon beau père, et moy pouvions avoir projettées pour rentrer en nostre dit royaulme; en quoy d'aulcungs, qui avoyent vollonté de me faire service, sont tant intimidez, que je ne sçay quel couraige pourront prendre les aultres de leur exemple ; trouvant de ma part ceste façon si estrange que, pour l'asseurance que j'ay de la bonne vollonté du Roy et de l'affection que vous m'avez tousjours démonstrée, je veulx refFérer la mallice de ceste façon de procedder sur ledit Lagebaston, qui ne pensse jamays faire chose plus digne de son estât, que de se partialiser et passionner tousjours contre toutes choses qui me peulvent toucher. De quoy, s'il avoit charge d'en user de ceste sorte, je vous prye m'en advertir, et je prendray l'advertissement que vous m'en donnerez pour asseurance du désir que vous avez à me faire plaisir. Me recommandant de bien bon cueur à vostre bonne grâce, et pryant Dieu, Monsieur mon cousin, vous donner ce que désirez.

Escript à Nérac, le xixe jour d'apvril 1556.

Votre bien bon cousin et parfaict amy.

Antoine.

(Bibl. nat. Fr. 3142, fol. 7. — Autographe.)

ANTOINE DE BOURBON AU CONNÉTABLE DE MONTMORENCY

26 avril 1556.

Monsr mon cousin, ceste dépesche estant seullement faicte pour donner advertissement au Roy de quelques nouvelles que j'ay eues d'Espaigne, comme vous verrez par la lettre que je luy escriptz, je ne vous diray autre chose, sinon que je sçay certainement noz voisins estre réduictz à telle extrémité de leurs deniers, qu'il est impossible que l'Empereur, ny le Roy d'Angleterre1, son fils, en sceussent faire estât de grand chose, veu qu'il n'y a que le temps qui les puisse resourdre des grandes charges et despances qui les ont appauvris, et du deffault qu'ilz ont non seullement de chefz pour la conduicte d'une entreprise, mais d'hommes et de souldatz aussy; et après tout cela, pour vous advertir de mon particulier. Nostre Seigneur m'a osté aujourd'huy une petite fille, dont ma femme estoit accouchée, il y aura demain quinze jours 2 ; il me récompensera de ceste perte, quant il luy plaira, ce que je l'en supplie, ensemble après m'estre recommandé de bien bon cœur à vostre bonne grâce, vous

1. Philippe, fils de Charles-Quint, depuis roi d'Espagne sous le nom de Philippe II, portait le titre de roi d'Angleterre à cause de son mariage avec la reine Marie en 1554.

2. Mlle Vauvilliers {Hist. de Jehanne d'Albret, t. I, p. 108) parle de la naissance de cette fille, mais elle la fait naître le 11 avril 1557, tandis qu'elle était née au mois d'avril 1556 : cette lettre le prouve .

donner, monsr mon cousin , ce que plus désirez. Escript à Nérac, le xxvje jour d'avril 1 556.

Vostre bien bon cousin et parfaictamy.

Antoine.

Pour ce qu'il s'est semé par deçà quelque bruict que ung gentilhomme se persuadant d'avoir droict en mon conté de Périgort, s'est adressé à vous pour vous faire transport de son dit droit, se ventant que vous luy avez preste l'oreille et faict offre de récompance tant en rente qu'en deniers, vous ne trouverez point mauvais si je vous en advertis, encores que je n'en croie rien, me tenant asseuré, monsr mon cousin, que vous estimez tant vos amis que vous ne voudriez point achepter ung procès contre eulx.

(Bibl. nat. Ifs. Clairambault, 61, fol. 2561. Fr. 3143, fol. 11. — Original

signé.)