ANTOINE DE BOURBON A M. LE CONNETABLE

11 juillet 1556.

Monsr mon cousin, la lettre que vous m'avez escripte par la Mothe mon secrétaire , présent porteur, et ce qu'il m'a dit de votre intention et volunté, selon qu'il a eu charge de vostre bouche mesmes, m'ont de tant redoublé l'entière et parfaicte seuretté que j'ay tousjours eue de la bonne affection que vous me portez, que je ne vous en pourrois suffisamment ny d'assez bon cueur remercier : car je sçay bien en quelz termes vous avez parlé au Roy des façons de procedder du président Lagebaston, lesquelles m'estant encores plus estranges et intollérables que je ne vous puis escrire, j'ay advisé de vous renvoyer ce dict porteur, lequel je vous prie ouyr et croire de ce qu'il vous en dira, comme ma propre personne, en estant si véritablement informé que quand vous entendrez les choses

comme elles sont, et la grande et juste occasion que j'ay de le tenir suspect en tous mes affaires, vous ne me conseilleriez jamais, m'estant amy comme je suis tout certain que vous m'estes, que j'oubliasse tant ma réputacion et le lieu que je tiens, que je voulusse deppendre de ses arrestz et jugemens, avec ce que la dignité de pair de France qui m'est aujourd'huy commune avec vous1, le privilège de laquelle vous ne vouliez, ce eroy-je, laisser perdre, ny à vous ny à vostre postérité, est de si particulier respect, qu'encores que pour mon regard, je ne prise ung bouton toutez les informations qu'il pourroit faire, si est-ce que voyant l'animosité dont il a proceddé contre le feu roy de Navarre, mon beau père, et ce que ses actes monstrent que malicieusement il couvre en son cœur, ayant, soubz couleur du fait d'Alsatte, voullu enquérir des intelligences que je puis avoir pour le recouvrement de mon Royaulme, le me rendent si odieux que, pour vous en parler ouvertement, je vous prie autant affectueusement qu'il m'est possible m'ayder à en avoir la raison telle que vous entendrez de ce dict porteur, sur lequel me remectant sans vous en estandre davantaige ma lettre, je ne feray, Monsieur mon cousin, que bien affectueusement et de tout mon cueur me ramentevoir et recommander à vostre

1. A la mort de son père Charles de Bourbon (1537), Antoine avait hérité du duché de Vendôme, son domaine patrimonial, érigé en duché-pairie par lettres-patentes de François Ier, du mois de février 1514.

Montmorency avait été érigé en duché-pairie en faveur du connétable par lettres du mois de juillet 1551. Ce fut le premier duché-pairie érigé en faveur d'un gentilhomme non prince du sang.

bonne grâce, priant Dieu vous donner ce que bien désirez.

Escript à Nérac le xje jour de Juing 1 556.

Vostre bien bon cousin parfaict amy.

Antoine.

(De sa main :)

Monsieur mon cousin, ce mot de ma main vous tesmoignera de quelle affection je vous prie me fère avoir la récuzation que je demande contre Lasgebaston, en toutz mes affères, et de mes subjects ensemble, à quelle importance tire le descri de ma monnoie, dont je vous ay fait remontrer les plaintes tant de foix par mé gens, que j'ay envoies par dellà, que pour n'estre satisfait comme je désire avecques la raison, je n'éré recours qu'à la bonne voulonté que m'avez tousjours offerte ; je vous prie ne me l'espargner en cecy.

(Bibl. nat. Clair. 61, fol. 2613. F. 3147, fol. 12. Copie.)

Août 1556.

Ma mie, par ceste lettre vous n'aprendrés grandes nouvelles, fors deulx choses : l'eune que je suis, Dieu merci, en très bonne santé ; l'aultre, la tromperie que nous avons fait à monsr Sterpin pour le faire aller jusques à vous; car son intention n'estoit de passer

oultre ce lieu de Sainte-More1; et vostre contrôleur Marbault m'aiant adverty de cecy, je luy dis : ne vous souciez, je trouverrès bien remède. Quant et quant je me retiré en ma guarde robe, où je fis venir Brandeau, et luy commandis de fère une coverture de pacquet venant de vous, escrite et fermée de la main de Lonnay et de son nom contrecinée et moy la lettre que m'escriviés par où m'avertissiez comme estiez desjà arivée à Mussédan2, qui estoit le pénultime de Jullet et que sériés le sept ou huitiesme de se mois à la ville de Poitiers. Aussy tost que tout nostre fait fust prest, j' envoies quérir le dit Sterpin, et en sa présence me fis par Tomas aporter le dit pacquet, et après avoir fait la mine telle qu'il falloit faire pour tromper, je commencé à ovrir le plus vite que je pus et prens vostre lettre et fais semblant de la lire, et après me tourné vers le dit Sterpin, luy disant : Vous ne sçavez pas des novelles? — Il me dit fort foiblement : Et quoy, Sire? — Ma femme me mande comme elle est arivée à Mussidan le dernier de Jullet et qu'elle sera à Poitiers le sept ou huitiesme de ce moys. Quant il eust veu et entendu cella, il comança à ce réjouir le plus fort du monde, et me dire qu'il estoit hors d'une grande peine, car il luy fàchoit fort d'aller à Nérac et sy loing, mes puisque vous hâtiez tant de venir, qu'il s'achemineroit droit vers vous, an milleure journée qu'il poura. Il est tout sain depuis ses novelles, paravant il estoit demy mort. Ma mie, quant aux novelles de la Court, Marbault vous en contera aultant que