Mucidan ou Mussidan en Périgord

j'en sais. Qui sera cause que ne vous feré ceste plus longue, fors suplier Dieu vous donner aultant de heur et longue vie que j'en désire pour moy, et ainsy vous pry de croire

Vostre bien affectioné amy et plus loial mary.

Antoine.

(Bibl. nat. Fr. 8746, fol. 67. — Autographe signé.)

Ma mie, je receu par le gentilhomme de Monsr de Rohan1 la lettre que m'avez escripte et le conseil que par icelle me donnés, dont je vous remercie de bien bon cueur: et pour ce, ma mie, que, suivant vostre bon avis, je me délibère de envoi er vers le roy le sieur d'Escars2, lequel je n'ay voullu despêcher sans sçavoir ung mot de vous pour ce que me voiant encorres en collerres je ne me veulx croire seul, ni faire ung erreur, c'est que en quas que le roy ne le veulle hoster de se pais, luy randre la charge qui m'i a donnée, luy supliant de pencer puis qu'il ne veult considérer les qualités et diférences de Largebaston et de

1. Henry, premier du nom, vicomte de Rohan, prince de Léon en Bretagne, fils du vicomte René et d'Isabel d'Albret.

2. François, comte d'Escars, capitaine de cinquante hommes d'armes des ordonnances du roi, fut depuis conseiller au Conseil d'Etat et privé, lieutenant-général au gouvernement de Guyenne, gouverneur de la ville de Bordeaux, etc. La famille d'Escars était originaire du Limousin.

moy, que au moins il reguarde lequel sera1 le plus utille pour son servisse et en faire ellection. Je m'asseure que sy lé gens de bien qui me congnoissent sont creuls, que sans difficulté il ne sera préféré à moy, mes la court est la court, comme bien la connoissez, composée de beaucoup de sorte de gens, lé ungs gens de bien, les aultres ressemblant audit parsonnaige dont il est question. Au demourant, ma mie, je me délibère de donner encorres aultre charge audit sr de Descars, que sy voit le roy bien dispozé pour nous, que il se hazarde de demandé une compaignie de cincquante hommes d'armes pour nostre filz; il en sera ce que il en plaira à Dieu ; ce il ne le fait ceste fois ce sera pour ung aultre. Quant à ce que me mandés de nostre dit filz qu'il trionphe, je ne doubte que tant qu'il sera avecques vous et entre voz mains il ne soit le plus jolly du monde, et qu'il trouvera estrange que louvrier qui l'a fait i metant la main ne le rabille mieulx et n'i face trouvé sa perfection plus tost que ung aultre. Quant à moy, je le croy certainement, aussy feront toutes gens de bon entendement. Je lairay ce propoz, ma mie, pour vous asseurer que je me porte bien, Dieu mersy, et ne me reste que vous pour me la rendre milleure, se sera le plus tost que je pourray, sy je ne vous fais desplaisir. Qui sera la fin, ma mie, de suplier le Seigneur vous donner heureuze et longue vie.

Vostre très affectioné amy et plus léal mary,

Antoine.

(Bibl. nat. Fr. 8746, fol. 102. — Autographe signé.) 1 . Le texte porte le sçaura.

XGVI.

ANTOINE DE BOURBON A JEHANNE d'alBRET.

Ma mie, j'ay esté bien ayse de sçavoir qu'avez perdu voz fièvres; je vous asseure que sy je eusse sceu vostre mal, comme me l'escrivés par vostre lettre, je n'eusse perdu une seulle heure à monter à cheval pour vous aller trouvé ; mes seulx qui venoit vers moy de vostre part, ou me cachoit les lettres, ou vous ne mescripviés point, et quant il me parloit de vostre maladie, il me disoit que cestoit vostre cas qui vous estoit venu en trop grant abondance, et que cella vous rendoit ung petit foible et enuié. Voilla, ma mie, ce que l'on me disoit, et voiant que l'on ne me disoit, ce m'estoit avis, bien vérité, je me résolus de vous envoyer ung de mes courriez pour l'antandre mieulx, et craygnant qu'on luy cachât quelque chose de vostre mal, j'ay soubs main en despêché ung aultre auquel j'ay donné cherge de vous voir et s'en venir : et en cas qu'il fust descovert, je luy ay donné cherge de baillé une lettre à mademoiselle de Vaulx, par laquelle je luy prye de me faire entendre au vray Testât en quoy vous estes. Voilla, ma mie, le peu de bien que j'ay eu de vous. Monsr de Sainct-Genièsim'a bien dit que vous ne voulliez que l'on me mandast vostre maladie, je ne sçay

1. Jean de Gontaut, seigneur de Saint-Geniès, baron de Badefol, homme d'armes de la compagnie de Monluc, tué devant La Rochelle le 14 décembre 157e?.

sy s'estoit de peur que je fisse trop mon devoir, ou bien que ne voulissiez de mon ayde, et voiant que ne me daignés mander, je me délibère partir de ce lieu, pour estre samedy à Pluviers1, où j'espère (s'il est ainsy que ce porteur m'a dit que seriez mardy à Vendosme) de savoir audit lieu ou de vous voir ou bien de voz nouvelles, lesquelle j'atendré en grande dévotion, supliant Dieu que (en) bone santé je vous y puisse voir, avecques ce que vous désirés.

Vostre plus afïectioné amy et plus loial mary,

Antoine.

(Bibl. nat. Fr. 8746, fol. 86. — Autographe signé.)

XGVII.

Ma mie, il me seroit presques impossible vous dire en ses affères passées, la peine que a prise le sieur de Descars pour moy, tant au finance que au règlement de beaucoup de choses qu'il a fait torner à nostre proufit, de sorte, ma mie, que j'espère que pour la despence qu'il m'a convenu faire, vous ne me trouvères plus paure2 ni moins d'argent. Au demourant, il m'a prié de vous faire requeste pour luy, suivant la

1, Village du Périgord, département de la Dordogne, arrondissement de Nontron.

2. Paure, pauret, vieux mot français, signifiait pauvre, trèspauvre.

première de la terre de Ségur. Vous sçavez, ma mie, comme il est louable de reconnoistre les servisces que l'on a receu, principalement quant il est fait de bonne affection, comme je puis dire de celluy qu'i m'a fait, qui sera doncques cause, ma mie, que je vous priray de bien bon cueur que vous luy veullés accommoder et vendre ladite terre, affin que chascun conoisse que nous voulons bien reconoistre les servisce que l'on nous fait ; cella augmentera aux aultres grans de nous en faire aussy. Ma mie, (songez) que sa demande n'est que juste, car il vous en veult donner ce qu'el vault, et sy vous pencez que je vous conseille mal, prenés de mes terres et en faites le semblable. Quant aulx nouvelles de ce pais, ce porteur est sy sufizant que je remetré à luy de vous le dire suivant ce que je luy ay comandé, et aussy le moien de vous voir bientost sy vous pouvez et voulez.

Qui sera la fin, ma mie, de suplier Dieu vous donner en santé heureuze et longue vie.

Vostre très affectioné amy et plus loial mary. Antoine.

(Bibl. nat. Fr. 8746, fol. 99. — Autographe signé.)

15 août 1556.

Ma mie, la venue de Marbault m'a donné grant plaisir, pour l'espérance que j'é de vous voir bien tost, qui ne me vient jamais plus à propoz vostre venue,

pour l'ennuy en quoy je suis, comme vous dira se porteur, de la fortune qui nous est avenue, que Dieu ne veulle soit telle que je crains, pour les raisons qu'il vous dira, comme je luy ay donné charge. Au demourant, ma mie, je m'en vois demain couché à Sauzé1, qui est lundi et après suivray tousjours le grant chemin droit à Bordeaulx, là où je vous voirés ou plus tost, s'il vous plaist.

Qui sera la fin , ma mie , de suplier Dieu vous donner heureuze et longue vie.

De Vivonne2, le xve jour d'aoust.

Vostre très affectioné amy et plus loial mary.

(Bibl. nat. Fr. 8746, fol. 110. — Autographe signé.)

Ma mie, je ne saurois assés affectionément remercier de la bonne souvenance que vous avez de moy par sy souvent me mander de voz nouvelles et de selles de noz enffans, vous asseurant, ma mie, que vous ne sçauriez croire le bien que me faictes et que me ferés, s'il vous plait de aynsy continuer ; car je n'ay plaisir après la veue plus grant au monde que cestuy

1. Sauzé, gros village du département des Deux-Sèvres, cheflieu de canton, arrondissement de Melle.

2. Vivonne, petite ville du Poitou, dans une belle vallée de prairies, au confluent de la Vonne. du Clain et du Palais. -

Jà. Je croy, ma mie, que n'en recevez moins des miennes quant vous en avez , qui n'est sy souvent que le mérités, et que je vouldrois bien ; et pour vous dire, ma mie, qui a esté l'empêchement que je n'ay mieulx faict mon devoir, sa esté une fièvre éfémère qui me dura, à Villerscostrés, vint heures, et puis je m'en vins à Jeully1 chés Monsieur de Manlde2, où je prins des pillures qui furent sy foibles qu'elles ne me seurent faire faire que deulx selles, ne me fit qu'émouvoir les umeurs. De là je vins en ce lieu, où estoit le Roy pour lors, pour fère les apointementz avecques Madame de Sainct-Pol3, Monsieur d'Estamps4 et plusieurs aultres demandeurs, où j'ay travaillé de l'esprit, tant aussy l'émossion que m'avoit fait les pillures, sans faire que bien petite opération, que je prins très bien une belle, sy belle, se doit dire, collique, avecques une fièvre qui m'a duré près de huit jours, avecques les plus grandes doulleurs qui se pévent dire ni endurer. Et cependant le dit temps, ils m'ont fait prendre deulx fois pilleures et une médessine liquide de roberbe 5 et forces clistères et posions; de sorte, ma mie, que je puis dire purgé pour toute ma vie, tant m'ont toutes ses drocgues tiré d'umeur du corps, et n'est demouré que le bon en moy qui sera mis en réserve et guardé pour vous et non pour aultre, et je vous en asseure.

1. Juilly. Le cœur d'Henri d'Albret y avait été déposé l'année précédente.