Village des Basses-Pyrénées, à 28 kilomètres de Pau
Ma mie, ceste lettre ne sera que pour vous avertir comme je suis continuellement après noz finances, et n'en puis avoir sy prompte fin que je désirois bien, car lé gens à qui j'ay affères ne se veullent descovrir, pour si je n'estois d'acort avecques eulx que le Roy le sceult, et leur print leur argent par emprunt, comme il fait ordinayrement. Je ne les vois ni ne parle à eulx que par tyerce personne, et qui veult avoir les conditions bonnes; en telles choses il ne fault monstre trop d'affection ny moins de besoing ou nessecité. Cella est cause que je retarde plus mon partement et vous suplie ne mestre en vous oppinion que se soit pour plaisir que je trouve en Paris, ni en ces despendence, mais seullement l'envie que j'ay de vous faire connoistre combien je veulx mestre et bazarder mon bien et ma vye à vous randre certaine et asseurée de la bonne affection que je vous porte, ainsy que dens peu de temps j'espère le vous faire connoistre par effect.
Qui sera la fin, ma mie, de suplier Dieu vous donner Ponneur et le bien avecques la santé longue et heureuse, ainsy que la vous désire.
Vostre plus léal et très affectionné mary.
Antoine.
Sy j'eusse pancé seujourné tant en ceste ville, je ne
tusse venu sans vous, vostre absence ne me fera riens oublier de ce que je dois.
(Bibl. nat. Fr. 8746, fol. 89. — Autographe signé.)
Ma mie, les officiers de la chambre des aydes de Périgueux sont ce jourduy venus vers moy panssant que je ne fusse venu en Paris que pour bientost m'en retourner à la court, me priant d'avoir leur affère envers le Roy pour recomandée et estre moien que le Roy leur acorde en ma faveur ce qu'il demandent, qui disent estre plus que raisonnable, et voyant, ma mie, que je m' an vois il m'ont prié que je leur voulusse en vostre endroit les recomander; ce qu'il m'a esté ayzé pour beaucoup de raisons, l'une pour l'honneste recueul qui nous firent, l'aultre qui nous sont subjectz fort affectionnés. Je les ay bien asseuré que ne leurs portiés point moins d'affection que moy, et que mes amis feroit aultant pour vostre prière que pour la mienne. Voillà ce que ceulx de Périgueulx m'ont prié de vous escrire. Quant à la noblesse de Rouhergue, il fauldra que vous en parliez à monsr de Guize1, comme aussy ferés-vous des aultres choses que je vous escris, et luy prirés que maintenant que je m'en vois de dellà
1. François de Lorraine, duc de Guise, assassiné devant Orléans en 1563.
qu'il me sera besoing de m'ayder d'eulx; que sy il poient, il me reffuzeront de servir; je le sçay bien, car ilz ne peulvent poier et servir, comme Monsr de Guize l'entent bien.
Au demourant, seulx de Limoge sont aussy venu vers moy pour ung fait qui est fort juste. Vous sçavez l'honneur qu'il nous ont fait. Je vous prie sus toute chose les avoir pour bien recommandé1. Vous ne sçauriez mieulx faire que de toutes ses choses icy vous ayder de la faveur et ayde de Monsr de Guize. J'espère, avant deulx jours, vous mander me venir trouver à Vendosme, et pour ce donnés ordre à voz affères, affin que recevant ma lettre vous n'aiez qu'à partir.
Qui sera la fin, ma mie, de suplier Dieu vous donner ce qui vous est nécessaire.
Vostre plus affectioné amy et milleur et plus loial mary.
Antoine.
(Bibl. nat. Fr. 8746, fol. 87. — Autographe signé.)
ANTOINE DE BOURBON A LA DUCHESSE DE NEVERS
21 mars 1556 (1557).
Ma sœur, on dit qu'il ne faut rien celler à ses amys,
1. Antoine et Jehanne avaient été reçus solennellement à Limoges au mois de décembre 1556.
2. Marguerite de Bourbon, sœur d'Antoine, mariée en 1538 à François de Clèves, premier du nom, duc de Nevers.
ET DE JEHANNE d'aLBRET. 145
et n'en pensant point avoir de plus proche ny de meilleures que vous, pour le lien que nous tenons l'un à l'autre, je serois marry faire part de nouvelle qui me fust agréable, à personne dont vous ne fussiez aussi des premières advertye; cela est cause qu'envoyant devers Monsieur le cardinal mon frère1, le cappitaine Beauvais, présent porteur, je luy ay aussi donné charge vous faire entendre le bien et faveur qu'il a pieu au Roy me demonstrer par l'accord entre nous du mariage de Madame Marguerite, sa fille, avecques mon filz aisné 2 ; chose que je prens à si particulier tesmongnage de sa bonne grâce, que je me tiens aujourd'huy en repos et satisfaict de ce que plus affectueusement je pouvois désirer en ce monde. Je ne doubte point que vous ne me secondiez en ceste oppinion et vouloir, et que vous ne considériez le bien et honneur que nous en pouvons tous recueillir, où vous devez estimer avoir part comme moy mesmes; qui, me recommandant de tout mon cœur à vostre bonne grâce, je prie Dieu, ma sœur, vous donner ce que plus désirez.
Escript à Chantilly3, le xxjejour de mars 1556.
Vostre affectionné frère et milleur amy.
(Bibl. nat. Fr. 3136, fol. 34. — Original signé.)
1. Charles de Bourbon, créé cardinal en 1548, archevêque de Rouen en 1550. C'est lui qui fut proclamé roi par les Ligueurs en 1590, sous le nom de Charles X.
2. Marguerite de Valois, fille de Henri II et de Catherine de Médicis, ne devait épouser Henri de Béarn qu'en 1572.
