Chantilly appartenait au connétable de Montmorency

ex.

ANTOINE DE BOURBON AU ROY

Le 16 avril 1556 (1557).

Monseigneur, ayant faict partir des le moys de novembre dernier six chevaux d'Espaigne que je désirois vous présanter, je fus adverty par celluy qui les conduisoit qu'arrivant à Chastellerault, il y en eut deux, pour la fâcheuse saison qui faisoit et le mauvois chemin, se trouvèrent si mallades que les vous envoyant en cest estât, malaisément vous pourroient-ilz estres aussi agréables, comme s'ilz estoient ung peu reposez. Qui a esté cause qu'après les avoir faict séjourner audit Chastellerault, l'ung d'eulx s'est trouvé guéry avecques le séjour, et l'autre est demeuré gasté, et m'a fallu vous en envoyer ung autre au lieu pour parfaire le premier nombre que j'avois délibéré vous offrir, ainsi que vous dira l'escuier Carie, présent porteur, auquel j'ay donné charge les vous présenter, vous supplyant tres-humblement , Monseigneur, les voulloir recepvoir pour mémoire et tesmongnage de combien je voudrois vouer plus grandes et dignes choses à vostre grandeur, si mon moien estoit esgal à la dévotion que j'y porte. Ne me contantant point de ce debvoir, si encores je n'essaie à vous en recouvrer de plus beaulx et meilleurs, avecques la commodité de ceste trêve1, en quoy je feray faire toute la dilligence

1. Une trêve de cinq ans avait été conclue le 5 février 1556 entre le roi de France et le roi d'Espagne. Elle fut rompue le 6 janvier de l'année suivante.

ET DE JEHANNE d'ALBRET. 147

qu'il me sera possible; vous supplyant, monseigneur, me tenir tousjours ce pendant pour très-humblement recommandé à vostre bonne grâce; et je prieray Dieu, Monseigneur, vous donner en parfaicte santé trèsheureuse et très-longue vie.

Escript à Nérac, le xvje jour d'apvril 1 556.

Vostre très-humble et très-hobéissant cousin et subgect.

Antoine.

(Bibl. nat. Fr. 3138, fol. 8. - Original, signature autographe.)