Ce qui suit est autographe
Qui sera la fin de suplier Dieu, ma mie, vous donner, et au petit, très heureuze et longue vie.
Vostre bien bon et léal mary et parfaict amy .
Antoine.
(Bibl. nat. Fr. 8746, fol. 36. — Autographe signé.)
JEHANNE d'ALBRET A LA DUCHESSE DE GUISE.
Ma cousine, ne vous ayant point dit adieu de bouche, je vous l'ay bien voulu dire par escrit et vous prier avoir souvenanse de moy et me faire ausy bonne part en vostre bonne grâce qu'avés en la mienne, vous asurant que ne trouvères jamais parente qui de meilleur cueur vous fasse plaisir que moy et sy vous ne le pensés, vous me ferez grand tort, et afin que par oublianse, ceste amitié d'entre nous ne diminue, je vous en feray sy souvent souvenir par lettre que vous congnoistrés combien je la désire toute ma vie entretenir. Ma cousine, je vous prie, sy vous avès entendu des nouvelles du camp, m'en départir par ce porteur et mesmement de la santé de Monsieur mon mary et du temps de leur retour, et ausy sy vous estes prestes à estre assiégées, afin que je vous mayne secours sy vous plaist prendre la payne de faire mes très-humbles recommandations à la royne, mais que la voyés : je n'ay osé prendre la hardiesse commencer de sy bonne heure à l'importuner de mes lettres. Ma cousine, je
vouspriray encore pour la fin de ma lettre, quand vous saurés des nouvelles, m'en vouloir mander, en récompense je vous manderay de celles du palais et supliray Dieu vous donner ce que vous désirés de bon cueur après m'estre bien fort recommandé à vostre bonne grâce.
Vostre bonne cousine et parfaicte amie.
Jehanne de Navarre.
(Bibl. nat. Fr. 3237, fol. 2t. — Autographe signé.)
ANTOINE DE BOURBON A JEHANNE d'ALBRET.
Ma mie, je ne feré ceste lettre longue pour la haste de ce porteur; seullement vous diray que, Dieu mercy, je ne futz il y a long temps en si bonne santé que je suis pour le présent, et bien aultant à vostre commandement que je fus jamais.
Qui sera la fin, ma mie, de suplier Dieu vous donner en santé heureuze et longue vie.
Vostre bien bon amy et plus affectioné mary.
Antoine.
(Bibl. nat. Fr. 8746, fol. 85. — Autographe signé.)
ANTOINE DE BOURBON A LA DUCHESSE DE NEVERS
Le 10 janvier 1557 (1558).
Ma sœur, j'ai bien congneu tant par les lettres de mon frère, votre mary, que par les vostres en quelz termes où vous estiez venuz du mariage de mon nepveu D'Orvat1, votre filz, avecq la plus jeune fille de madame de Bouillon2; et voyant, avec vos considérations et raisons, qe qu'il a pieu au Roy et à la Royne m'en escripre, désirant de ma part la prospérité de voz affaires et de vostre maison, autant ou plus que vous-mesmes, afïin qu'il ne tienne à mon consentement qu'une chose jà si bien achemynée ne vienne à perfection, je vous veulx bien ad viser, ma sœur, que tant s'en fault que mon oppinion de ceste alliance soit contraire à la vostre, qu'il n'estoit possible de plus prudemment ny saigement faire que ce que vous en avez fait. Je l'escriptz au Roy et à la Royne, et pareillement à mesdames les duchesses de Valentinois3 et de Bouillon, estimant que ce sera ung lien pour nous approcher et estraindre davantaige les ungs avec les autres d'amytié et bienvueillance, qui est ce que l'on
1. Jacques de Glèves, sire d'Orval, puis duc de Nevers, second fils du duc de Nevers, né en 1544, mort en 1564.
2. Françoise de Brezé, comtesse de Maulevrier, duchesse de Bouillon, fille aînée de Louis de Brezé, comte de Maulevrier, et de Diane de Poitiers, duchesse de Valentinois. Il s'agit de sa fille Diane.
3. Diane de Poitiers, maîtresse de Henri II, duchesse de Valentinois, morte en 1566.
en doit désirer. Quant à votre autre mariage, de mon nepveu le comte d'Eu1, avecques ma sœur madame d'Anghien, dont vous me priez que j'escripve à ma tante madame de Saint Pol2, il me semble que la perte qu'a faicte ma dite sœur est encores si récente3, en toute leur maison si ennuyée et plaine de dueil, que mes lettres y seroient tout autrement recueillies que vous ne pensez. Mais pour ce que le Roy m'a faict cest honneur, comme vous scavez, de me mander aux fîansailles de Monsieur le Daulphin et de la Royne d'Escosse4, où vous pouvez estimer que, pour chose du monde, je ne vouldrois faillir, et que le temps est assez court pour remettre ce propos, qui est de telle importance, à quant nous serons ensemble. Je vous prie, ma sœur, prandre de bonne part ceste considération et croire que vous ne vous sauriez projecter ny establyr plus de bien que je vous en désire.
Me recommandant en ceste affection bien fort à vostre bonne grâce, je prie Dieu, ma sœur, qu'il vous doint bonne et longue vie.
Escript à Bragerac, le xe jour de janvier 1557.
Votre plus affectionné frère et milleur amy.
Antoine.
(Bibl. nat. Fr. 3136, fol. 39. — Original signé.)
1. François de Glèves, comte d'Eu, fils aîné du duc de Nevers, né en 1540, mort en 1563.
