Marie de Bourbon, veuve du comte d'Enghien

3. Le comte d'Enghien avait été tué à Saint-Quentin en août précédent.

4. Marie Stuart, mariée à François, dauphin, le 24 avril 1558.

ET DE JEHANNE d'aLBRET. 153

GXVI.

ANTOINE DE BOURBON AU DUC DE NEVERS

10 janvier 1557 (1558).

Mon frère, vous pouvez penser qu'estant ce que vous et moy nous sommes l'un à l'autre d'alliance si proche et de parenté, j'estimeray tousjours le bien de voz affaires et la grandeur de vostre maison comme chose qui est si unye avecq la mienne que je ne vous doy riens moins désirer qu'à moy; et, pour ce, m'asseurant que vous n'estes point si avant entrez en propos du mariage de mon nepveu d'Orval, vostre fils, avec la seconde fille de madame de Bouillon, que vous n'aiez très bien considéré ce qui s'y debvoit regarder, et que d'ailleurs, je voy par les lettres qu'il a pieu au Roy et à la Royne m'en escripre comme ils avoient ceste alliance agréable, qui sont ceulx que vous deviez le plus contenter; de ma part, mon frère, je n'ay à vous dire, sinon que je suis bien marry que je ne me puis trouver sur le lieu, pour vous tesmoigner par ma présence comme mon oppinion en cela est conforme à la vostre. Toutesfois, afïin que madame de Valentinois et madame de Bouillon en soient satisfaictes, je leur en escriptz par ce porteur le plus honnestement qu'il m'est possible ce que j'en pense, et le désir que j'ay que ceste alliance soit un moien de nous joindre et unir tous les ungs avec les autres de très estroicte et parfaicte amytié.

Au regard de l'autre mariage que vous espérez, moiennant cestuy-cy, mener à perfection entre mon

nepveu le conte d'Eu vostre filz et ma sœur, madame d'Anghien, vous pouvez penser comme j'en seroys aise, n'ayant personne en ce royaulme à qui elle peust estre baillée qui me soit si proche que ce qui est à vous. Et n'estoit que vous m'asseurez et escripvez que Monsr le Cardinal de Lorraine le prend le mieulx en considération, qu'il est possible mesmes qu'il le vous a conseillé, j'eusse fait doubte, veu les propos où l'on m'avoit dict que vous estiez avecques monsr de Guyse de sa fille, qui s'en feussent ung peu altérez, et puisque les choses se peuvent ainsy mettre en termes et pour suyvre avecques le contentement et voulloir de tout le monde, au moings de ceulx qui y peuvent le plus, vous pouvez penser si de ma part je m'y voudrois espargner. Mais considérant qu'il n'y a encores que dueil et ennuy en la maison de ma tante, madame de S1 Pol , et que je fay mon compte de vous veoir à ce caresme-prenant , comme il a pieu au Roy me mander que je l'allasse trouver, je vous prie m'excuser si je n'escriptz point à ma ditte tante, ny à ma sœur sa fille de ce propos, et attendre qu'estans ensemble nous [prenions] sur le tout une bonne résolution. Pryant Dieu, mon frère, après m'estre de bien bon cœur recommandé à vostre bonne grâce, vous donner ce que plus désirez.

Escript à Bragerac, le xe jour de janvier 1 557.

Vostre plus affectionné frère et milleur amy.

Antoine.

(Bibl. nat. Clair. 61, fol. 2433, Fr. 3136, fol. 28. - Original signé.)

ET DE JEHANNE d'aLBRET. 155

GXVII.