Symphorien, seigneur de Duras en Agenais, mort en
2. Mignon, c'est Henri, depuis Henri IV; la mignonne, Catherine, mariée depuis au duc de Bar.
Vous m'escrivez du lacquais Béart : ne l'amenez
avecques vous, car il ne seroit en vostre puissance ni la mienne de le sçauver pour l'acte méchante qu'il ont fait.
(Bibl. nat. Fr. 8746, fol. 75. — Autographe signé.)
20 août (1558).
Ma mie, l'occasion pourcoy n'avez eu plustost de mes nouvelles, s'a esté une indisposicion, en coy j'ay esté pour trois jours de mon rume, et d'ung cèrement de cueur; de sorte que j'ay esté évanouy par deulx fois. Il est vray que ce fust après ung clistère. Sy j'eusse veu que cella m'eust continué, je n'eusse failly de vous mander ; mais maintenant, Dieu mersy , je me porte fort bien, et aussy guaillart qu'il en y ait en toute nostre armée. J'espère à se coup ycy me vanger de la mort de feu mon frère d'Anguihen1 dernier mort. Nous alons après demain entrer an nostre camp, et dellà marcherons droit à ung logis qui est à quattre lieulx du leur. L'on vera qui aura belle amye. Il se parle ycy de quelque paix, mais je n'y vois nulle espérance et crois, ma mie, que les ennemis nous donnent plus ceste espérance pour nous efféminer les cueurs, afîîn de plus mal combattre, que envie qu'il ayt de la faire. Quant à moy je n'espère ladite paix qu'après la
1. Jean, comte d'Enghien, tué à Saint-Quentin le 10 août 1557.
bataille, Dieu veille que Nostradamus dise vray, que nous la guagnons. Nous avons assés passé de mauvèses fortune, il est temps qu'il nous en viennent des bonnes. J'ay espérance que vous ne tarderé guères que ne saches le court ou long de cesfe guerre ; car nous en aprochons trop près pour ne riens faire. Peult estre que nostre collère diminuera la leur.
Quant à moy, j'ay bonne espérance que tout yra bien pour nous; sy le roy d'Espaigne est en son camp, comme on nous a dit, je mestré peine à l'aide de Dieu que sy la bataille ce donne , que je yré bien près de luy, ou je seré bien batu; car je ne désire prisonier que cestuy-là pour ravoir nostre réaulme.
Au demourant, ne vous mestés en peine de moy, car je me porte bien, et pour le reste Nostre Seigneur n'oublie jamais ceulx qu'il ayment.
Qui sera la fin, ma mie, après avoir suplié Dieu vous (avoir) en sa guarde, de vous souvenir de la prommesse que me fîtes au partir du lit pour nos enffans.
De Morent1, ce xxme d'aoust.
Vostre plus affectioné mary et milleur amy.
Antoine.
(Bibl. nat. Fr. 8746, fol. 81. — Autographe signé.)
GXX.
ANTOINE DE BOURBON A HENRI II
24 novembre 1558.
Monseigneur, maintenant que je viens d'avoir lettres
