Don Juan d'Autriche
votre commandement ; auquel lieu, depuis vous avoir mandé ce que dernièrement l'on m'avoit escript de dellà, ne me sont survenues autres nouvelles, jusques à hier, que l'on m'a envoyé Esparsse exprés, pour m'advertir que les choses sont en meilleur estât que ne furent oncques pour l'exécution de l'entreprinse; mais qu'ilz avoient promis que dedans le quinzième de ce moys, je seroys par dellà ; qui m'a faict incontinent mectre le pied à l'estrier pour prendre la poste en ce lieu de Bloys, affin d'y être au temps promis, après avoir renvoyé soubdain le dit Esparsse. De quoy, Monseigneur, je n'ay voullu faillir vous advertir, et supplier très-humblement croire que y estant dans peu de jours, je sçauray 1'issiie de ceste entreprinse, en laquelle ne sera rien obmis de votre service, et seront les deniers si bien employez, que j'espère vous en aurez contentement, et de ce qu'en succédera, je ne fauldray vous advertir d'heure à autre; vous suppliant très-humblement, Monseigneur, vous asseurer que en cela et tous autres endroictz qu'il vous plaira, que n'avez serviteur qui de meilleur cueur et affection vous face service que moy.
Qui sera l'endroict où je supplierai le Créateur, Monseigneur, vous donner en parfaitte santé très heureuse et longue vie.
De Bloys, ce viije décembre 1558.
Vostre très humble et très obéissant frère et subject.
Antoine.
(Bibl. nat. Fr. 3151, fol. 9.)
ET DE JEHANNE d'aLBRET. 161
ANTOINE DE BOURBON A HENRI II
3 janvier 1558 (1559).
Monseigneur, j'ai receu la lectre que vous a pieu m'escripre du xxive du passé par La Marque, vostre vallet de chambre, présent pourteur, vous merciant très humblement de l'honneur qui vous plaist me faire d'avoir souvenance de mon entreprinse, de laquelle, Monseigneur , avecques vostre seulle faveur et grandeur, j'en pourroys avoir quelque bonne fin ; à quoy je tiendray l'œil, acomodant les choses affin que vous en puissiez avoir contentement au plus près de vostre volunté ; de quoy je ne fauldray, soit bonne ou mauvaise, vous en avertir bien tost.
Monseigneur, je ne vous saurois assez rendre grâce de ce qu'il vous plaist m'asseurer d'avoir souvenance à l'advenir de mes pertes et affaires qui ont et auront tous jours besoing de vostre ayde et faveur. Aussi , Monseigneur, toute mon espérance est en vous qui cognoissez combien j'en ay affaire. Et quant à la négociation de la paix dont l'assemblée doibt estre le xxve du présent, je m'asseure, Monseigneur, que, ayant changé les occasions comme elles sont par la mort de la Roy ne d'Angleterre1, il vous sera plus aysé de faire voz conditions meilleures, estant d'adviz, si le trouvez bon, qu'il n'y auroit rien de mal de temporiser les choses, actendant quel party et alliance prandra ceste nouvelle Roy ne d'Angleterre.
1. Marie, reine d'Angleterre, était morte le 17 novembre 1558.
Au demeurant, Monseigneur, il vous a pieu de m'escripre que je me trouvasse aux nopces de Madame vostre fille et de Monseigneur de Lorrayne1, ce que je ferois très voluntiers, n'eztoit les occasions que par ce pourteur vous plaira entendre; vous suppliant très humblement, Monseigneur, estre asseuré que je ne fauldray tousjours à obéyr et ensuyvre voz commandemens.
J'ay aussi receu la commission qui vous a pieu m'envoyer pour le faict de voz munitions de Bayonne, laquelle j'ay envoyée à Monsr de Burye 2, suyvant ce qui vous plaist m' ordonner.
Au demeurant, Monseigneur, il passe ordinairement Espaignolz avecques vostre sauf conduict. Je vous supplie très humblement n'en voulloir donner, pour les raisons que ce pourteur vous dira, jusques à la fin de ce mois, que nous aurons veu le succès de nostre entreprise.
Qui sera l'endroict où je prieray le Créateur vous donner, Monseigneur, très bonne et longue vye.
Escript à Pau, le iije de janvier 1 558.
Vostre très humble et très obéissant frère
et subject.
Antoine.
(Bibl. de Sl-Pétersbourg, collect. d'autographes, vol. LU.)
1. Claude de France, mariée le 5 février 1559 à Charles II, duc de Lorraine, morte en 1575.
2. Charles de Coucy, seigneur de Burie, né en Saintonge, capitaine d'une compagnie d'hommes d'armes avant 1550, combattit vaillamment contre les impériaux et fut nommé en 1559 lieutenant du roi de Navarre en Guyenne. (Voy. Rist. universelle de De Thou, t. III, p. 283 et suiv.)
ANTOINE DE BOURBON A HENRI II
26 janvier 1558 (1559).
Monseigneur, voulant amplement et seurement vous faire entendre les causes et raisons qui m'ont donné occasion de rompre pour ceste fois et différer à ung autre foys mon entreprinse, j'ay despesché le sr D'Audaux, présent porteur, l'ayant chargé et instruict de tout ce que je pourrois vous escrire , touchant cest affaire, vous suppliant très humblement, Monseigneur, qu'il vous plaise luy donner audience et croyance en ce qu'il vous dira de part moy. Et soubz l'espérance que j'ay que vous luy ferés ceste grâce, je m'en remettray à la suffisance et fîdellité que j'ay congneu en luy, présentant mes très humbles recommandations à voz bonnes grâces, et suppliant le créateur, Monseigneur, vous donner en parfaite santé très heureuse et très longue vye.
A Bayonne, le xxvje de janvier 1 558.
Vostre très humble et très obéissant frère et subject.
Antoine.
(Bibl. de Sl-Pétersbourg, collect. d'autographes, vol. LU.)
26 janvier 1558 (1559).
INSTRUCTIONS pour le sT D'Audaus, de ce qu'il aura à dire au Roy, de la part du roy de Navarre.
Et premièrement :
Que l'occasion et raison pour laquelle le Roy de Navarre n'a voulu pour maintenant exécuter son entreprise1, a esté que pour la faulte que feit dernièrement M1* de Burie de l'effectuer, ladite entreprinse demeura tellement scandalizée , que le Conseil de la Guerre d'Espaigne adepuys tout jour esté en doubte et souspeçon, et, à bien dire, en si grande jalousie de leurs places, que, ayant les ennemiz entendu la venue dudit seigneur, roy de Navarre, ilz se sont tenuz tout jour sur leurs gardes, en leurs dites places, tellement qu'ilz les ont renforcées de nouveaulx soldats castillans, de beaucoup plus que l'ordinaire, ne se voulant ny pouvant fier à d'autres.
1. Toujours désireux de recouvrer la Haute-Navarre, dont Ferdinand le Catholique s'était emparé en 1512, Antoine avait cru l'occasion favorable pour tenter ce que ses prédécesseurs avaient vainement essayé : l'Espagne était ruinée et Henri II devait goûter un projet d'invasion qui ferait une heureuse diversion pour sa situation vis-à-vis de Philippe II. Le roi de Navarre s'empressa d'arrêter avec Bury, Monluc , Jarnac et d'Escars un plan de campagne qui devait débuter par l'attaque de Fontarabie. Le roi de France avait fourni 3,000 hommes, mais l'entreprise manqua complètement, tant à cause du peu d'enthousiasme des combattants, que de l'intempérie de la saison, d'où on l'appela la guerre mouillée. Antoine envoya le sieur d'Audaus au roi et au duc de Guise pour les prévenir de son échec.
Quoy voyant, ledit seigneur roy de Navarre a despesché le sr Daudaux devers Sa Majesté pour luy faire entendre que l'interruption de ladite entreprinse ne provenoit poinct de la faulte de ceulx qui la mènent, car il peut asseurer ledit seigneur qu'il a congneu une grande fidélité en eulx par les adviz et lectres que fidèlement luy ont escript du tout, luy suppliant de dissimuler jusques à ce que lesditz ennemiz seront hors dudit souspeçon qui ne leur peult guères durer.
Cependent, ayant ledit seigneur, roy de Navarre, entendu les choses susditz, il a renvoyé en leurs maisons tant les légionaires de Sa Majesté que les autres gens de guerre qu'il avoit de son pays, lesquelz n'ont poinct approché la frontière.
Et fera ledit seigneur Daudaux entendre à Sa Majesté que son argent est encores entier, pour ce qu'il n'en a poinct esté baillé ausditz légionaires; combien que ledit seigneur, roy de Navarre, n'ayt pour soy mesme esté si bon mesnagier, d'autant qu'il avoit desjà payé ses gens.
Aussy plaira à Sa Majesté entendre que le principal de ceste entreprinse ne s'est peu trouver pour les causes et raisons que luy dira ledit sr Daudaux,
Davantaige, ledit sr Daudaux fera entendre à Sa Majesté que ledit seigneur roy de Navarre, pour tenir les choses plus secrettes et couvertes, et mectre moins en dangier ceulx qui la mènent, a advisé de faire courre le bruict que Gamboue1 menoit l'entreprise double ; et ont prié ledit seigneur roy de Navarre de le faire ainsy, à cause de l'inquisition que ledit conseil
