Il se nommait Gamboua et fut pendu peu après
d'Espaigne a envoyé faire sur ceste dicte entreprinse. Il est bien à présumer que, s'ilz y alloient de malice, ilz ne eussent donné advertissement audit seigneur roy de Navarre de ne y aller poinct ; ce que ilz n'eussent faict, s'ilz n'eussent esté fidelles.
Et pour monstrer la continuation de leur bonne volunté et fidélité, ont supplié ledit seigneur roy de Navarre de dissimuler et de feindre qu'il les estime , tout au contraire, jusques à ce que ledit inquisiteur aura achevé son inquisition, et qu'ilz essayeront de se couvrir, afin de n'estre souspeçonnés, luy promettant que après, ils lui rendront ladite entreprinse si facile, que avec moins de gens que ledit seigneur roy de Navarre n'avoit à ceste foys, il pourra l'exécuter; et pour plus grande seureté, ilz luy envoyront des hostaiges tels que luy plaira, jusques au chasteau de Pau.
Dira davantaige ledit sr Dandans que le duc d'Alburquerque, par tous les advertissementz qu'il faict au dit Conseil de la guerre d'Espaigne, il leur mande qu'il se doubte que la province de Gypusquoa ayt quelque intelligence avec ledit seigneur roy de Navarre, ce que il leur rescript si souvent que, à force d'estre importunés, ilz ont envoyé ledit inquisiteur pour s'en informer.
Au demourant, ledit seigneur roy de Navarre, pour la fin de ceste instruction, supplie très humblement Sa Majesté que, s'il ne luy plaist luy faire tant d'honneur que de favoriser luy et la Royne sa femme, en ce traicté de paix , sur ce qu'ils demandent , qu'ils puissent demeurer sur leurs piedz, sans estre obligés à aucune chose.
Faict à Bayonne, le vingt sixiesme jour de janvier mil cinq cents cinquante huict.
Antoine.
(Bibl. de S'-Pétersbourg, collect. d'autographes, vol. LU.)
ANTOINE DE BOURBON A HENRI II
28 janvier 1558 (1559).
Monseigneur, comme la chose au monde que j'ay toute ma vye désiré le plus, a esté et est encores de vous obéir et faire ce qui vous pourroit estre agréable, aussy ne m'est-il rien advenu ny adviendra jamais qui plus m'engendre d'ennuy que sy je vous donnois occasion de mescontentement . De sorte que ayant, par la lectre qu'il vous a pieu m'escrire du dix neufviesme du présent, congneu que vous n'avés trouvé bon que j'eusse faict arrester les gentilshommes de qualité et autres espaignolz du cousté de ceste frontière, ausquelz il vous avoit pieu donner sauf conduict, j'en ay conceu ung très grand regret pour le desplaisir que vous, Monseigneur, en avés prins; lequel je sens d'autant plus que cela m'est advenu contre mon intention, pour ce que la cause dudit arrest ne procédoit de volunté que j'eusse, comme je n'auray de ma vye, pour bien longue qu'elle puisse estre, d'empescher l'effect de voz sauf conduictz ; mais pour ce que, me trouvant sur le poinct de l'exécution de mon entreprinse, je craignois que, les laissant passer, ils ne donnassent à noz voisins advis des préparatifz que je faisois lors. Et devant
qu'en arrester un seul, j'en avois escript à Monsr le connestable, et chargé La Marque, qu'il vous avoit pieu envoyer devers moy, de le vous faire entendre. Surquoy, n'ayant eu aucune response qui me recommandast le contraire, j'ay pensé que vous ne le trouveriés poinct maulvais. Combien que avant la réception de vostre lectre, j'avois mandé au gouverneur de Bourdeaulx, de Dacqs et d'autres, de mectre en liberté ceulx qui y estoient retenuz, et de les laisser partir, et si ay faict rembourcer des frais ceulx qu'on m'a dict en avoir faict. Me semblant adviz, Monseigneur, que tenant le lieu que je tiens par deçà par vostre commandement, j'eusse peu satisfaire à ce que vous avés escript audit gouverneur de Bourdeaulx pour l'eslargissement desdicts Espaignolz, s'il vous eust pieu tant m' honorer que de le me commander, vous assurant, Monseigneur, que je préfereray tout jour voz commandementz à mes propres commodités, pour bien grandes qu'elles soient ou puissent estre. De façon qu'encores que les occasions que j'ay eu de rompre mon entreprinse eussent cessé et que les moyens de l'exécuter feussent beaucoup plus faciles qu'on ne m' avoit asseuré, j'eusse tout différé pour l'honneur du commandement que vous m'en faictes par vostre dite lectre, me tenant assés content, si je puys en obéissant satisfaire à voz commandementz; vous remerciant très humblement du soing que vous avés de moy, me advertissant des périlz couvers qui y pouvoient estre. Je vous supplie toutesfoys, Monseigneur, croire qu'ils n'auront jamais tant de puissance pour me reculler que le seul désir que j'ay de faire ce qu'il vous plaira. Sur l'empeschement de laquelle entreprinse ayant despes-
ché le sr Daudaux devers vous pour vous faire entendre comme le tout est passé, et espérant qu'il vous plaira l'escoutter, je ne feray plus long escript que pour vous dire seulement que j'estimerois ma vye pleine d'infélicités, sij'avois faict ny pensé défaire chose qui peult troubler ny empescher le moindre poinct qui en l'assemblée des personnages depputtés à la négotiation de la paix, se pourroit traicter pour vostre grandeur et repos. Pour la fin, je prieray Nostre Seigneur Dieu, après mes très humbles et très affectueuses recommandations à voz bonnes grâces, vous donner,
Monseigneur, en santé, très longue et très heureuse vye.
A Orthès, le xxviije jour de janvier 1 558.
Vostre très humble et très obéissant frère et subject.
Antoine.
(Bibl. de S'-Pétersbourg, collect. d'autographes, vol. LU.)
ANTOINE DE BOURBON AU CONNÉTABLE DE MONTMORENCY
30 janvier 1558 (1559).
Monsr mon cousin, combien que j'aye touché par les lètres que je vous ay escript par Lamarque , une partie des remerciementz que l'affection que vous avés monstre envers moy en l'affaire d'Alençon mérite, néantmoins, ne me tenant encores satisfaict d'ung seul coup, je les ay voulu reffaire par ceste pré-
sente, pour vous monstrer que je n'oublie pas facilement les plaisirs reçus, et encores moins les vostres, pour ce que l'amytié que je vous porte me les ramentoit ordinairement ; comme vous pourra dire le sieur deHaraucourt1, présent porteur, lequel j 'envoyé exprès devers le Roy, l'ayant chargé de vous remercier de nouveau, et vous prier, comme je le fay par ceste présente, bien affectionnéément de faire entendre audit seigneur la commodité de son service, s'il luy plaist alterner l'office de comptable de la ville de Bourdeaulx et la donner à ung Pontac dudit Bourdeaulx ; que ledit de Haraucourt vous espécifiera plus particulièrement avec ses qualités et conditions, et vous déduira les raisons qui pourront mouvoir le dit seigneur d'accorder ledit office, duquel je feray quelque proffict qui me servira et m'est grandement nécessaire pour secourir et ayder la despense qu'il me convient faire ; comme plus amplement vous dira le dit de Haraucourt, lequel vous croirés, s'il vous plaist, en cela et toutes autres choses qu'il vous dira de ma part sur ce qui se passe par deçà pour le faict de mon entreprinse ; dont je n'ay voulu advertir ledit seigneur jusques à maintenant pour ce que j'ay bien voulu plustost veoir à clair en icelle avec le sieur de Burye et autres pour en avoir leur adviz et résouldre l'exécution avec les seigneurs et cappitaines qui sont auprès de moy, comme il plaira audit seigneur veoir par la résolution qui en a esté cejourd'huy faicte au conseil que j'ay tenu, délibérant l'effectuer dans le vingt
1. Philippe de Longueval, seigneur de Haraucourt et de Gramail, chevalier de l'ordre du roi, maître de la garde-robe d'Antoine de Bourbon, mort en 1620, âgé de 107 ans.
sixiesme de ce moys. Et pour ce que je congnoy par expérience que là où il est question de mon bien et advantaige, vous estes très voluntaire à le m'advancer et procurer, je ne vous feray plus instante prière d'avoir ce qui me touche pour recommandé, ains remectray le tout à la bonne discrétion du Roy, et vostre, me recommandant à vostre bonne grâce, et priant Nostre Seigneur, Mr mon cousin, vous donner ce que plus désirés.
De Pau, ce xxxGjour de janvier 1558.
[De la main du roi de Navarre :}
Monsr mon cousin, je sçay la bonne voulonté que portés au sieur de Jernac1 et l'envye qu'avez de le faire parvenir à quelque degré de honneur, je vous suplie que, sy luy faites baillé par quelque ung, que ce soit par moy, qui suis vostre et de ses bons amys.
Vostre bien bon cousin et affectionné amy.
Antoine.
(Bibl. de Sl-Pélersbourg , collect. d'autographes, vol. LU. — Original signé.)
JEHANNE D'ALBRET AU CONNÉTABLE DE MONTMORENCY
Février 1558 (1559).
Mon cousin, je sçay tant combien vous me portés
1. Guy Chabot, sieur de Jarnac, d'une maison noble de Poitou, célèbre par le duel dans lequel il tua La Ghateigneraye sous les yeux du roi en 1547. Gouverneur de Saintonge, il fut envoyé par Charles IX pour pacifier La Rochelle et fut tué dans une rencontre.
d'afection que je n'en feray jamays de doubte, mesmes en noz afaires du Roy mon mary et moy, que je vous suplie avoir tousjours pour recommandées; et quant à ma santé, je vous remercieray de vostre bonne Visitation et vous diray que je me porte fort bien et ma fille aussy1; et espère me lever dans dix ou douze jours et pour ce que le porteur vous dira plus amplement de mes nouvelles, je suplieray Dieu, mon cousin, vous donner l'heur de faire une bonne paix2 et longue vie, que vous désire
Vostre bien bonne cousine et parfaicte amye.
Jehanne.
(Bibl. nat. Fr. 3249, fol. 63. — Autographe.)
ANTOINE DE BOURBON A HENRI II
13 février 1558 (1559).
Monseigneur, ung des serviteurs de ma femme, nommé Bonissant, est venu en ce pays, ayant une lectre de Monsr le connestable, pour aller vers l'infante gouvernante d'Espaigne, lequel je ne vouldrois poinct empescher d'aller faire ce qu'il a en charge, estimant que c'est selon vostre intention. Toutesfoys, je vous supplie très humblement ne trouver mauvais si , devant que le laisser passer je vous ay escript ceste
1. Elle avait accouché de sa fille Catherine, née le 7 février
2. Il s'agit de la paix dont il était question avec l'Espagne, et dont le connétable était le principal auteur.
ET DE JEHANNE d'aLBRET. 173
lectre, pour vous dire qu'il me semble, soubs vostre meilleur adviz, que son voyage n'est pas fort nécessaire pour vostre service. Néantmoins, s'il vous plaist me faire entendre vostre bon plaisir par lequel je congnoisse que vostre intention est qu'il poursuive son chemin, je le laisseray aller; autrement non. Au demourant, Monseigneur, la marquise de Cortès m'a faict prière d'obtenir de Vostre Majesté ung sauf conduict pour deux moynes jacopins qui ont grand besoing d'aller en Flandres devers le Roy d'Espaigne, pour luy remonstrer quelques affaires de l'arcevesque de Tolède, lequel sauf-conduict , je vous supplie trèshumblement, Monseigneur, leur octroyer et commander qu'il me soit envoyé. Cependent je présenteray mes très humbles recommandations à voz bonnes grâces, suppliant Nostre Seigneur, Monseigneur, vous donner, en parfaicte santé, très heureuse et très longue vye.
A Pau, ce xiije jour de febvrier 1 558.
Vostre très humble et très obéissant frère et subject.
Antoine.
(Bibl. de Sl-Pétersbourg, collect. d'autographes, vol. LU. — Original signé.)
GXXIX.
ANTOINE DE BOURBON A HENRI II
14 mars 1558 (1559).
Monseigneur, la prudence de laquelle vous avés
conduict, par le passé, tous voz affaires, a produict si heureuses yssues, qu'ayant réduict vostre ennemy à ce poinct de désirer vostre amytié et reconciliation, je ne fay poinct de doubte que vous ne l'amenés à telle conclusion de paix et d'accord, qu'elle sera advantaigeuse, non seulement pour vostre service, mais aussy pour le bien de ceulx que vous aimés et favorisés, entre lesquelz me tenant des premiers (comme aussy seray-je des premiers qui exposeront biens et vye pour vostre service et l'augmentation de vostre grandeur), je ne suys pas sans grande espérance et asseurance que vous ferés congnoistre au roy Philippe que vous ne m'avés pas en moindre estimation et recommandation qu'il a le prince de Piedmont ; et que comme il persiste de procurer son adventaige, il vous plaira aussy vous souvenir de celluy de ma femme et de moy, pour le recouvrement de nostre royaume de Navarre, ou de récompence digne de la perte que nous y faisons. En quoy je vous supplie très humblement , Monseigneur, me impartir vostre faveur et ayde, et à ces fins, mander à Messieurs les cardinal de Lorraine et connestable, voz ministres et depputéz pour le traicté de la dite paix, qu'ils donnent telle assistance à mon affaire, que l'effect de vostre bonne affection envers moy s'en ensuive ; tellement que, avec le moyen que vous donnerés à ma volunté de vous faire service, la gloire de le m' avoir donné vous demeurera.
Au demourant, Monseigneur, mes prédécesseurs, comtes de Foix, ont accoustumé de jouir des amendes et confiscations qui sont escheues en ladite comté et en la ville de Pamyés ; mais j'entendz que voz officiers me veulent empescher que je ne use de mon droict ancien
pour le regard de quelques ungs de ladite ville de Pamyés, qui ont esté accusés d'estre luthériens et entre autres peines condamnés en amendes. A ceste cause, je vous supplie très humblement, Monseigneur, commander à vos dits officiers de ne me y faire aucun trouble, car aussy quelque autre les vous demandera qui ne les aura pas mieulx mérités que moy , qui supplie Nostre Seigneur, après avoir présenté mes très humbles recommandations à vos bonnes grâces,
Monseigneur, vous donner en santé et prospérité, très heureuse et très longue vye.
A Pau, ce xive jour de mars \ 558.
Vostre très humble et très obéissant frère et subject.
Antoine.
(Bibl. de S'-Pétersbourg, collect. d'autographes, vol. LU. — Original signé.)
ANTOINE DE BOURBON AUX MAGISTRATS d'aGEN.
24 mars 1558 (1559).
A Messieurs les lieutenant criminel et particulier (Antoine Thblon et Bernard d'Aspremont) de la séneschaussée d'Agen.
Messieurs, j'ay esté adverti, par le moyen de quelque instante sollicitation qu'on faict, que vous retenez prisonnier plusieurs personnes de vostre ressort, comme d'autres qui n'ont compareu sont poursuivis de toute la rigueur que la justice permet; sur quoy
j'ay mis en considération et doubte si d'une tant véhémente poursuite se pourroit ensuivre conséquence au desservice du Roy, mon seigneur, attendu spéciallement le temps où nous sommes, qui me faict, pour bonnes causes, vous escripre la présente par La Ballade, mon procureur général d'Albret, pour, de ma part, vous prier que vous vouliez supercéder ceste poursuite, attendant mon arrivée à Nérac, où j'espère estre dans huit jours, auquel lieu vous me ferez plaisir de me venir trouver, et où plus particullièrement je vous feray entendre ceste affaire, et aultre concernant le service dudit seigneur, et me ferez plaisir.
D'advantage, j'ai entendeu que vous avez, ce caresme, ung prédicateur Gordelier, nommé Melchior, lequel je vous prye et ordonne, lorsqu'il aura prins congé de sa prédication, que vous me l'envoyiez seurement la part que je seray, pour lui, estant auprès de moy, qu'il puisse entendre mon intention ; et m'asseurant que à ce dessus ne ferez faulte, je prieray le Créateur, Messieurs, qu'il vous ait en sa très saincte garde.
De Pau, ce xxive de mars 1 558.
Antoine.
(Archives municipales d'Agen. — Original signé.)
ANTOINE DE BOURBON A HENRI II
25 avril 1559.
Monseigneur, j'ai receu la lettre qu'il vous a pieu
m'escrire, de l'huictiesme du présent, et veu le commandement exprès que vous me faictes de faire publier la paix arrestée entre vous et le Roy des Espaignes ; ce que, pour vous obéir, j'ay envoyé faire incontinent par voz villes de Guienne, vous asseurant, Monseigneur, que je l'eusse fait plus voluntiers, si ladite paix eust esté si advantaigeuse pour vous que je l'ay désirée. Je vous remercye très humblement de ce qu'il vous plaist me mander, que entre cy et quelques jours vous me direz librement ce qu'il vous semble de mon affaire qui touche mon royaume de Navarre ; ce que j'attendray de bonne dévotion, pour le désir que j'ay de me veoir accroistre les moyens de pouvoir vous faire meilleur service dont je supplie Nostre Seigneur me faire la grâce, et vous donner, Monseigneur, en parfaicte santé, très heureuse et très longue vye. De Mas1, ce xxve jour de avril 1 559.
Vostre très humble et très obéissant frère et subject.
Antoine.
(Bibl. de Sl-Pétersbourg, collection d'autographes, vol. LU. — Original signé.)
ANTOINE DE BOURBON AU CONNÉTABLE DE MONTMORENCY
18 mai 1559.
Monsr mon cousin, l'on m'a donné quelques advertissements que je vous envoie, lesquelz j'ay longue-
