Probablement Mas-d'Agénais, voisin de Nérac

ment gardez pour mieulx entendre la fin où le tout pouvoit tourner; et après y avoir bien pensé, j'en trouve entre autres ung bien considérable et duquel il peult succéder grand profïîct, sans rien innover, faisant seulement exécuter le contenu es ordonnances faictes par le Roy et ses prédécesseurs. Et si ceste ouverture vous est aussi agréable, comme je la trouve raisonnable de ma part, je vous prie de mander audit seigneur, tant pour vous que pour moy, le profïict qui en proviendra, qui sera, comme je vous puis asseurer, de somme si notable que nous en ressentirons ; mais que de vostre part , vous tennez main de par delà à l'expédition des provisions nécessaires , et à ce qu'il ne soit derrogé au contenu des dites ordonnances, comme je feray de ma part de ce cousté, à la diligence requise pour la perfection de cest ouvraige, ainsi que vous dira Ransé, mon secrétaire1, présent pourteur, que vous congnoissez, et que j'envoie exprès pour cest effect par devers vous, vous priant le croire, tant pour ce regard que pour la nomination que je luy ay commandé vous faire de ma part en l'office de trésorier général de Guienne en la résidence d'Agen, de personnaige capable et sousfisant en légalité et expérience, sans en estre autrement requiz que de la dévotion que j'ay au service dudit seigneur et contentement des gens des estatz du pays ; pour estre pourveu de tel office, personnaige qui en soit degne, comme est celluy tout approuvé dont ledit Ransé vous parlera de ma part.

1. Ce Ransé ou Rance était encore secrétaire du roi de Navarre en 1562. Rlaise de Monluc en parle au livre V de ses commentaires.

Ne voulant aussi oblier, Monsieur mon cousin, de vous prier pour mesmes considérations que , puisque le président Lagebaston a permission, comme il se vante, du Roy, de vendre son office, de vouloir tenir main qu'en tel lieu il n'y soit à sa seule dévotion pourveu, car le dangier est que ce qui sortira de ses mains, soit de la mesme farine et volunté ; et s'il vous plaist me faire tant de gratification (comme je sçay bien que le Roy l'aura agréable), qu'il ne soit en cest estât pourveu, sans m'en donner premier advertissement pour faire nomenation de ceulx que je congnois plus capables en légalité et suffisance, il n'en succédera que plus de bien au service de Sa Majesté , auctorité et administration de sa justice.

Et parceque la despesche que je faiz présentement par ledit Ransé concerne plus le respect que j'ay au service dudit seigneur que à nulle autre affection , comme vous pourrez veoir par les pièces qu'il vous porte et entendre par sa créance, je vous prie luy ordonner paiement de son voiaige qui sera l'endroict, Monsr mon cousin, où me recommande bien fort affectueusement et de bon cueur à vostre bonne grâce, suppliant le Créateur vous donner en sancté ce que plus désirez.

De Luzigan l, ce xviije jour de may 1559. Vostre bien bon cousin et parfaict amy.

Antoine.

(Bibl. de Sl-Pétersbourg, collection d'autographes, vol. LU. — Original

signé.)