DE PARLEMENT DE BOCRDEAUX

Messieurs, j'ay receu la lectre que m'avez escripte, ayant veu, par icelle et par ce que m'a faict entendre ce porteur, la depputacion que vous aviez faicte d'aucuns de vostre compagnie pour me venir trouver. Congnoissant en [ce]la vostre bonne volunté, je vous en sçay très bon gré; mais il n'est pas pour ceste heure besoing que vous vous mectiez en ceste peyne de les fayre venir, ny eulx de partir, et vauldra beaucoup mieulx qu'ilz demeurent avecques vous, vacquans au bien de la justice, que d'entreprandre ce veoyage en ceste mauvaise saison; aussi que les chemins ne sont pas encores seurs et libres pour eulx, d'aultant que la trefve n'est accordée que pour les provinces de deçà, encores n'est-ce que pour quelque temps, en attendant que nostre negotiation soit plus advancée au bien d'une bonne et perdurable paix, qui soit à l'honneur de Dieu premièrement, repos gênerai de ce royaulme et au contantemenl d'ung chascun. Cependant je vous recommande touqours le bien de la justice, à la décharge de la conscience du Roy monsieur mon filz et des vostres.

Escript à Coignac, le xx**"** jour de décembre i586.

[Catbbinb.]

1586. — 90 décembre.

Copie. Bibl. ntt., Pondt français, n* SSoi, t* 38 v«. A MESSIEURS LES GENS DU ROY DE LA COURT