A MESSIEURS LES PRESIDENT ET TRESORIERS GENERAULX DE TOURS

Messieurs les Président et Trésoriers generaulx, j'ai receu la despesche que m'avez faicte sur la vollerye commise des deniers du Roy monsieur mon filz, que chascun estime avoir esté ceulx mesmes qui voilèrent dernièrement les deniers des décimes ; ayant veu par vostredicte despesche que vous avez faict très bon debvoir pour y pourveoir el faire prendre les volleurs, que j'ay aussy veu par icelle qu'ilz s'estoient retirez en la maison du sieur du Guerinot, qui a esté prins prisonnier, et que lesdictz volleurs se sont jeclez dedans les tailliz , où les prevostz des marescbaulx les poursui voient; mais je crains bien qu'ilz ne les puissent prandre. Si ainsy estoit qu'ilz les

peussent avoir, il en fault fayre prompte et exemplaire justice, comme vous advertirez lesdictz prevosts des mareschaulx; car, estant Texecutioa de ladicte justice faicte, il ne fault plus craindre après cela que le roy de Navarre les advoue. Toutesfois je ne laisseray pas de luy en faire parler, affin d'empescher, s'il m'est possible, Tadveu que m'escrivez que lesdictz voUeurs veuUent obtenir de luy. Cependant je prie Dieu, Messieurs, vous avoir en sa saincte et digne garde.

Escript à Niort, le xvii*^* febvrier 1587.

Catbriiir.

1587. — 17 février.

Copie. Bibl. nal., Fonds (rançab, n* 83oi« f^ 53 v*.

[A MONSIEUR DE LA VALLIERE

Monsieur de La Valliere, faisant responce aux président et trésoriers généraux .de Tours, vos confrères, à la lettre qu ilz m'ont escripte pourlefaict de la vollerye, qui a encores esté ces jours icy faicte, des deniers du Roy monsieur mon filz, je vous ay bien voullu aussy faire responce à la vostre et vous dire que je trouve que vosdicts confrères et vous avez très bien faict en cest affaire , qui , par les dilligences dont on a usé, se pourra tellement esclaircir,^que j'espère que Ton apprendra qui sont les volleurs et où ilz ont leur relraicte, dont il viendra ung très grand bien; car, par ce moien, Ton en fera faire la justice qu'i fault qu'elle soict sy promptement exécutée et sy exemplaire, que tous aultres en ayent terreur. A quoy je m'asseuré bien que de vostre part vous n'obmef rez rien.

> Jean Le Blanc, sg' de La VaHière, près Rochecorbon (Indre-et-Loire), président des trésoriers de France au bureau des finances de Tours, arrière-grand-pére de M"' de U ValKère.

Cependant je vous diray, sur ce que me mandez de mes orloges, que je serois bien ayse, quant elles seront parfaictes, que me les envoiez, et vous diray aussi que je vouldroys bien sçavoir combien je bailley dernièrement k Torfebvre qui en faict les boistes, et ce que vous luy avez baillé aussy; car il ne luy fault pour tout que cinquante escuz de chacune, qui est cl escus pour les trois. Vous priant d'achever de le payer, et je vous feray rendre tout qu'aurez fourny. Priant Dieu, etc.

Escript à Niort, le xvii* febvrier 1587.

[Catbrine.]

1587. — 18 février.

Copie. BiM. nal., Foodilranfaif, n* 3Soi , f* 53 v«.

[A MONSIEUR DE SAINT-LUC

Monsieur de Sain^Luc , je vous escrivy avanthier à haste, par le s' de Villetard, et encoi*es depuis par la voye du s' de Bellegarde, comme mon filz le roy de Navarre et moy avons accorde la suspention d'armes jusques et comprins le dernier jour de ce présent mois, afin que vous la feissiez publyer et observer en l'estendue de vostre gouvernement, du quel il fault, selon icelle, que les trouppes dudict roy de Navarre , qui y sont entrées , sortent ; et pour ceste occasion ledict s' de Villetard est allé passer k la Rochelle, suivant ce que luy commandey, à Des Reaulx et à La Roche , affin d'en parler à icelluy roy de Navarre, et qu'avec ledict de Villetard, il envoyé ung des siens pour faire retirer lesdictes trouppes : ce que je me prometz qu'il fera, en satisfaisant à ce que nous avons accorde par ladicte suspention d'armes, suivant laquelle j'espère que nous assemblerons sabmedy ou lundy prochain vers Fontenay, pour r^arder aux moiens du bien

et repos gênerai de ce royaume, priant Dieu, etc.

Escript à Niort, le xviii* febvrier 1687.

[Catbrinb.]

1587.— 18 février.

Bibl. Imp. de SaiDl-Péleraboory.

DoeaneoU freofais, vol. to« 1^ ito.

AU ROY MONSIEUR MON FILZ

Monsieur mon filz, je receuz hier soir, par le retour de Moyneton , la lettre qu'il vous a pieu m'escripre le xuii*^ de ce mois, suivant laquelle et quand au premier chef d'icelle, vous pouvez croire que je ne faudray de suivre fort exactement vostre intention, qui est si saincte et si bonne, que j'espère que, combien que nous voions divers et très dangereux oraiges qui se préparent pour nous nuire, que Dieu vous fera la grâce de les destoumer. Je feray de deçà, au plus tost que pourray, tout ce que me sera possible, et, comme vous avez veu par ma dernière depesche, je sçauray ceste fois du roy de Navarre ce qui se peult espérer de bon de luy, délibérant. Dieu aidant, de partir demain pour aller coucher k Fontenay-le Conte, afin que, s'il est possible, dès samedi prochain nous puissions nous veoir et commencer k conférer, dont journellement vous serez adverty de ce qui se passera : en quoy je vous supplie croire que je n'obmettray aulcune chose pour parvenir k quelque bonne resolution ; pour le moins y ferais-je tout ce qu'il me sera possible, afin que ce soit à l'honneur et gloire de Dieu, k nostre contentement, et d'un chascun, s'il est possible, et au repos général de nostre royaulme.

Cependant, je vous diray aussi. Monsieur mon filz, que je ne veux vous celer que je ne fus jamais plus esbahie que jay esté, voyant

ce que m'avez escript du marquis de Canillac; car, onltre la très grande importance de ce faict et le grand préjudice que ce seroit à nostre service, je me sentirois en mon particuUier merveilleuiement offensée dudict marquis, s'il est assez malheureux que de user de ceste infidellité, et vous asseure. Monsieur mon filz, que ce me seroit telle augmentation d'affliction, que je ne sçay comment je la pourrois supporter. J'ay advisé, sous coulleur de pourveoir k mes particuliers affaires d'Auvergne, d'envoyer La Guesle, qui est k moy, par lequel j'escripts audict marquis de Canillac la lettre dont vous verrez , s'il vous plaist, le double, que je vous envoyé, avec un autre double de la lettre que j'escripts à ma fille la royne de Navarre , k laquelle j'ay voullu expressément escripre, afin que ledict La Guesle la puisse voir. Aussitost que je pourray en avoir des nouvelles, je nefauldray de vous en donner advis.

Cependant, je vous diray aussi, Monsieur mon filz, que j'ay dict et commandé, suivant vostre intention, au s' de Malicome ce que vouliez estrejaict de Montaigne; k quoy aussi je tiendray la main et à toute autre chose concernant vostre service, selon vostre intention, es provinces de deçà. Priant Dieu, Monsieur mon filz, vous donner, en toute prospérité et parfaicte santé, très longue et heiyreuse vie.

De Niort, le xviii* février 1587.

De $a main : Je vous bese les meyns, Monsieur mon filz, de letres honestes et bonnes que m'avés envoyées par L'Aubespine.

Vostre bonne et très afectionnée et obligée mère,

Caterink.

1587. — Février.

Copie. Bibl. nal. , Fonils tnaftit, n* i557i, f* i3.