Reçue le 10 octobre, à M.wh-id

signifiées plus de six mois auparavant, tant à leur ambassadeur résident que au gouverneur de Catalongne, et publiées h son de trompe, aux Ailles qui sont sur le chemin, et toutesfois tous les pacquetz, desquelz les dictz courriers estoyent chargez, feurent apportez au dict ambassadeur et mis par inventaire entre ses mains; mesmes je feiz donner passeport, à la requeste du dict ambassadeur, au courrier qui les portoit, pour les faire tenir où ilz s'addressoyent. Hz se sont depuis serviz du chemin de Bayonne à Lyon, où j'ay faict remectre et dresser exprez les postes, pour les accommoder, et neantmoings j'ay sceu que le ^dce-roy de Naples, soubz prétexte de l'arrest des dictz courriers, a faict arrestertous mes subjectz qui se sont trouvez au royaume de Naples, que est une forme de represaille fort légèrement faicte et de laquelle nul n'avoit encores usé ; car, devant que d'en venir là, il debvoit, suivant noz traictez, avoir demandé justice de l'arrest prétendu des dictz courriers et avoir de quoy prouver et monstrer qu'elle luy eust esté desniée; mais, sans garder cest ordre, il a, sur une simple information ou rapport, faict le dict arrest gênerai, en quoy il a tesmoigné une très mauvaise volunté, de laquelle je ne puis croyre qu'il soit advoué, et m'eust esté facille de prendre revanche, comme j'eusse faict, si mon ambassadeur qui est à Rome ne m'eust donné adAis, par ses lettres dernières du mois passé, que le dict vice-roy avoit esté blasmé de ce qu'il en avoit faict et qu'il esperoit qu'il relascheroit bientost mes dictz subjectz : partant, j'en attendray la certitude, devant que de prendre aultre resolution, ny de vous commander d'en faire plaincte par delà, car, le dict Adce-roy attouchant de si prez qu'il faict au duc de Lerme, duquel il a espousé la sœur, je suis contant de l'espargner, jusques à ce que je sçache ce qui en sera arrivé.

Depuis le partement de vostre homme, j'ay poursuivy mes entreprises en ce pais assez heureusement, ainsi que vous verrez, par le mémoire que je vous envoyé. Les advis que j'ay de l'intention du roy d'Espagne sur ceste guerre savoysienne sont encores fort divers et incertains, car les ungs me mandent que le comte de Fouentes doibt assister et secourir mon ennemy, sans aucune espargne et à descouvert, les aultres dient tout le con-

traire et que le roy d'Espagne conseille au duc de Savoye de me contanter, pour esteindre ce feu, par tous les moyens qu'il sera possible; et de faict nous ne A'oyons i)oint encores marcher grandes forces en faveur du dict duc, lequel avoit tiré du Milannois environ deux mille honmies de pied, devant l'arrivée en ItaUe du dict comte, lesquelz n'ont voulu passer la val d'Aoste, tellement que je n'ay trouvé aucune résistance en celles de deçà, non plus qu'a faict le duc de Biron au pais de Bresse, Bugé et Veromé; et neantmoins jene veoy point que le dict duc se mecte en debvoir de me satisfaire; au contraire, il me donne occasion, par sa procédure, tant elle est diverse, de croyre qu'il a plustost envie de continuer la guerre que de la finir, ce qui me faict conjecturer qu'il a quelques espérances secreltes et moyens de me nuire, que je ne puis comprendre. Sur cela, le patriarche m'est venu trouver, de la part de Nostre Sainct-Pere, avec lettres escriptes de la main de Sa Saincteté fort expresses, pour me convier d'entendre à la paix ; sur les(iuelles tout ce qu'il m'a proposé a esté une surceance d'armes, de laquelle je me suis excusé, ainsi que vous verrez, par ung long discours que j'ay vonllu luy faire des choses passées et de ma delUberation, lequel j'ay faict mectre par escript et commandé vous estre envoyé; mais vous ne le ferez veoir à personne et en tirerez seiûlement la substance, pour vous en servir aux occasions qui se présenteront, me donnant advis de ce qui s'en dira par delà, comme de toutes aultres occurrances.

Je ne vous escrips rien du serment que doibt faire le dict roy d'f^spagne, d'aultant que j'estime qu'il l'aura faict, devant que vous recepviez la présente, et où il ne seroit encores effectué, vous en facilUterez la resolution, aultant qu'il vous sera possible, et m'escriprez au plus tost ce qui en succédera; priant Dieu, Monsieur de la Rochepot, qu'il vous ayt en sa sainctc et digne garde. Escript î\ Grenoble, le xix'^ jour de septembre IGOO.

HENRY