SEPTEMBRE J

Orig. — Bibl. nat., Ms. fr. 16137, fol. 51.

A MONSIEUR DE LA ROCHEPOT, CHEVALIER DE MES ORDRES, CONSEILLER EN MON CONSEIL d'eSTAT, CAP- PITAINE DE CENT HOMMES d'aRMES, GOUVERNEUR ET MON LIEUTENANT GENERAL EN ANJOU ET MON AMRAS- SADEUR EN ESPAGNE.

Monsieur de la Rochepot, Je n'ay receu vostre lettre du xxvii" d'aoust que le xxiiij^ de ce mois, parce qu'elle a esté portée à Paris, au lieu qu'elle debvoit estre adressée au maistre de la poste de Bourdeaux, pour la me faire tenir à Lyon, par les postes que j'ay faict dresser sur ce chemin-là, exprez pour servir les courriers qui passent d'Espagne en Italie : partant vous en userez ainsi doresnavant, tant que je seray en ces quartiers. Je trouve estrange que vous n'eussiez encores receu ma depesche du xvi'^ de juillet, laquelle l'evesque de Bayonne, qui est icy, m'a dict n'estre arrivé jusque s à luy, tellement qu'il fault qu'elle soit demeurée à Bourdeaux, entre les mains d'ung marchant nommé Tausin, auquel j'ay escript au mareschal d'Ornano la demander. Je trouve aussi à dire celle que je vous escripvis le v™'' d'aoust, qui fust neantmoings envoyée par le controlleur La Varenne au maistre de la poste de la dicte ^dlle de Bayonne, lequel a deu la vous faire porter par homme exprez. Il fault aussi vérifier d'où procède ceste faulte et en quelles mains la dicte depesche est tumbée. J'ay faict responce à voz lettres du xxmj" de juillet et du v™" d'aoust, par le porteur de la dernière, par laquelle je vous ay escript mon intention, sur le faict du serment que doibt faire ce Roy sur l'observation de la paix, à quoy je veulx croyre qu'il aura de présent satisfaict. II est nécessaire,