LETTRES DE HEMU IV

et justice quilz donnent par delà aux plaintes de mes pauvres sugectz, que j'en demeure très mal satisfaict. J'ay apris, par la vostre du n^ de ce mois, que j'ay receue le xvi% l'instance dernière que vous avez faite sur ce au roy d'Espagne et au duc de Lerma, avec la responce du dernier, et finalement le commissaire auquel il vous a adressé et l'espérance que vous avez den obtenir par le moien dlceluy quelque raison, chose que je désire grandement, car les rigueurs et cruaultez desquelles use leur adelantado ne se peuvent plus endurer. Elles ont commencé, après la mort du feu roy d'Espaigne, et ont esté depuis continuées et augmentées, avec trop d'inhumanité et injustice, sans qu'il m'ait esté possible de les faire cesser, quelque instance que j'en aye faite moy-mesmes à leur ambassadeur résident icy et que vous et Sancerre en avez faite par delà, par mon commandement, encores que le dict ambassadeur ait tousjours monstre condamner telles procédures et m'ait promis d'en escrire et faire pourvoir, ot que vous et le dict Sancerre ayez aussy tiré d'eux sur ce suget toutes bonnes paroles, la condition de mes dictz sugetz estant pire, depuis la paix de Vervins, qu'elle n'estoit durant la guerre : car, au lieu qu'ilz doivent jouir du bénéfice de la dicte paix, allans trafiquer ausdictz pais, ilz y ont esté traitez et sont encores si cruellement, souz divers prétextes, sans ordre ny forme de justice, qu'il semble que l'on veuille les destruire, de propos deUberé. Ilz recherchent les uns des choses passées durant la guerre et acusent les autres de contrevenir aux lois du pais, arestans et confisquans sur ce leurs personnes, vaisseaux et marchandises, à la première denontiation et acusation qui leur est faite contre eux, sans entrer devant on connaissance de la vérité des dictes acusations, comme ilz deveroient faire, jusques à les faire mourir, à force de géhennes et tortures, pour leur faire confesser les crimes desquolz ilz sont acusez, ores qu'ilz soient faux, et, en ce faisant, pouvoir confisquer avec quelque couleur leurs dictes marchandises, pour s'en donner par les joues, comme faict le dict adelantado et ses suposlz. Davantage, ilz veulent interdire à mes dictz sugetz le trafic d'Angleterre et d'Holande, en recherchant et tourmentant ceux qui abordent en Espaigne, souz prétexte d'iceluy, comme si par le traité de Ver-

vins il estoit défendu à mes diclz sugetz de ce faire, ou que le dict roy d'Espagne eut pouvoir de leur donner laloy pour ce regard, choses qui ne sont du tout point; car, par le dict traité, le commerce doit estre libre partout, et quand il faudroit y aporter quelque restriction, il faudroit en traiter et convenir avec moy et non y procéder par telles voies, comme l'on fait. Or, je veux que vous leur déclariez, que je ne veux plus endurer telles injustices et rigueurs, protestant au dict Roy et à ceux de son conseil, s'ilz ne font cesser les injustices et \iolences susdictes et reparer ce qui s'est passé, je chercheray les moiens de m'en revancher, comme Dieu me conseillera de faire, ne pouvant tenir pour amis ceux qui traitent mes dictz sugetz comme ilz font par le dict adelantado et les autres officiers du dict Roy, lequel, à mon aAis, ignore telles procédures : toutesfois, estans faites par les siens et m'en déniant la justice, je dois m'en prendre à luy ; vous ne faudrez donc de faire la susdicte déclaration, si atjus conoissez que vous ne puissiez obtenir d'eux aucune raison des dictes violences. Quant au serment de la dicte paix de Vervins, lequel j'ay veu,par vostre dicte lettre, que vous avez ramenteu, par l'avis du nonce du Pape, je veux croire qu'ilz y auront maintenant satisfait, puisqu'iïz ne diferoient, que pour voir l'acheminement de l'exécution du traité de Savoie, qui a esté depuis si avancée que, après que la citadelle de Bourg m'a esté rendue, ceux qui la gardoient n'ayans de quoy s'y nourir,le mesme jour qu'ilz en sortirent, les -silles et chastaux de Chambery et 31 ontmehan ont esté remis entre les mains du duc de Savoie, comme il sera fait des autres qui restent, en leur ordre, après qu'il aura acomply de son costé ce qu'il est tenu de faire, tellement qu'Une s'y trouvera aucune dificulté de mon costé, ny comme j'espère de celuy du dict duc, pour l'interest qu'il a de parachever la dicte exécution ; mais si, les choses estans avancées comme elles sont, le dict roy d'Espaigne diferoit encores la prestation du dict serment, sans autre expression de cause, comme il a fait jusques à présent, il la me donneroit d'entrer en défiance de sa dehberation, voiant d'ailleurs qu'au lieu do faire séparer les forces que le conte de Fuentes avoit assemblées en Italie, pour la guerre de Savoie, il les augmente tous les jours, ainsi que l'on m'escrit du dict pais, et

84 LETTRES DE HEMil IV

niosines qui' le dicl conte asscmljle un très grand équipage d'artillerie, comme s'il a^ oit à exécuter quelqm; dessein proche de luy, de qiioy tous les princes et potentalz d'Italie ont grande alarme. L'ambassadeur du dict roy d'Espaigne m'a toutesfois asseuré, que l'intention de son maistre est de faire passer en Flandres une partie dos dictes forces et d'envoier l'autre au secours de l'archiduc Ferdinand ; mais d'autres estiment que le dict conte de Fuentes a autre dessein ; mesmes aucuns ont opinion qu'il ataquera la ville de G(»neve, chose que je ne puis me persuader qu'il face, car ce seroit me recommencer la guerre, la dicte ville estant, comme elle est, souz ma protection et comprise en nostre dict traité de paix, sous le nom gênerai des S'' des Ligues et de leurs aliez et confederez. Or je aous escris ces choses, affm que vous mettiez peine de descouvrir les dehberations du dict roy d'Espagne, pour m'en esclarcir, et cependant luy faire sentir l'interest que j'ay en la deffence de la dicte ville de Genève, si vous aprenez qu'il la veille faire assalUr, pour l'en destourner, s'il est possible, en luy remonstrant les inconveniens qui en arriveront, pour la conséquence d'icelle : toutesfois, ne faites le susdict office que comme de vous-mosme, si vous n'estes bien asseurc qu'ilz ayent volonté de faire la dicte entreprise, et m'escrivez jdus souvent que vous n'avez acoutumé, en m'avertissant de toutes occurcnces, jusques aux moindres qui surviendront, car il m'importe grandement d'en estre informé. Rejoissez-vous aussy avec le dict Roy de la grossesse de la Roine, sa femme, l'asseurant de la continuation de celle de la mienne. Le Tassis mo présenta une lettre du dict Roy, en sa dernière audience, à laquelle je feray respunce, si tost que je sauray qu'il aura fait le dict serment, ou que j'auray rcceu la voslre sur la présente: partant, vous me la ferez tenir au plus tost; priant Dieu, Monsieur de la Rochepot, qu'il vous ait en sa saincte garde. Escrit à Orléans, le xx" jour d'avril 1601 .

HENRY

DE N E L' r V I L L E .

Orig. — Bibl. nat., Ms. fr. 16137, fol. 98.

A MONSIEUR DE LA ROCHEPOT, CHEVALIER DE MES OR- DRES, CONSEILLER EN MON CONSEIL d'eSTAT, CAP- PITAINE DE CENT HOMMES d'aRMES DE MES ORDON- NANCES, GOUVERNEUR ET MON LIEUTENANT GENERAL EN ANJOU ET MON AMBASSADEUR EN ESPAGNE.

Vostre secrétaire ariva à Fontainebleau, le xi" de may, avec vostre lettre du ii", par laquelle, comme par le conte qu'il m'en a rendu, j'ay esté plainement infoi'mé de la procédure du roy d'Espaigne et de ses ministres, au fait du serment de la paix et sur les afaires des marchans, jusques à son partement, des poursuites que VOUS avez faites et continuez encore de faire, en faveur de ceux-cy, de vostre conduite pour le regard du dict serment, vostre renvoy au confesseur du dict Roy, duquel vous n'aviez encore peu tirer que de belles paroles, et voz diligences envers le président de Gastille et le secrétaire Prada, ce peu que vous y aviez profité jusques alors, neantmoins l'avis qui vous avoit esté donné, que la commission donnée à l'adelantado, pour conoistre des faitz des dictz marchans, avoit esté révoquée, le commandement qu'ilz vous avoient dit luy avoir fait, pour la liberté des hommes, navires et marchandises arestées, réservé pour ceux qui estoient acusez d'avoir transporté de l'argent, contre les loix du pais, auxquelz encore vous aviez obtenu, qu'il seroit permis, contre la coustume, d'apeler du jugement donné contre eux et partant que leur procès seroit aporté en cour, jusques à vous donner espérance que le dict Roy useroit de grâce en leur endroit. Vostre dict secrétaire m'a représenté aussyl'ou-