Reçue le 17 juillet

86 IJlTTRES de HENRI IV

vertiire, que le nonce du Pape vous avoit faite dès lors, d'estraindre l'ami tit' que j'ay avec le dict Roy, avec le conseil qu'il vous avoit donné sur ce, fondé sur les lettres que le dlct Uoy m'a escrites, et vostre responce à la dicte proposition, laquelle m'a esté très agréable. Pareillement, il m'a fait voir l'ordonnance qu'ilz avoient publiée, pour faire inventorier la vaisselle d'or et d'argent du dict pais, en me représentant toutes les autres particularitez dont vous l'aviez chargé et qu'il avoit aussy remarquées, depuis son arivée au dict pais. Depuis, Mor\illier, vostre neveu, est arivé,le xii'= de ce mois, avec vostre depesche du dernier du dict mois de may, par laquelle j'ay seu comme le dict Roy a maintenant fait le dict serment, et ay receu l'acte d'iceluy, que j'ay trouvé en bonne forme. Je n'ay moins aprouvé la responce que vous listes au dict secrétaire Prada, quand il vous vint trouver, pour vous signifier que son maistre estoit résolu de prester le dict serment et demander vostre avis, sur le jour qu'il l'efectueroit. Vous m'avez fait grand plaisir aussy d'avoir parlé au dict Roy et au duc de Lerma, si vivement que vous avez fait, en faveur des dictz marchans, sans vous estre aresté aux raisons du dict nonce, lequel vouloit vous persuader de retarder cest office, jusques à ce que la dicte paix fut jurée. J'ay bien considéré aussy les responces et promesses, que le dict Roy et le dict duc vous ont faictes et réitérées sur ce suget, dont je seroy content, ([uand elles seront efectuées : partant, vous en continuerez l'instance, jusques à ce qu'ilz y aient satisfait. Je remarque (ju'ilz ont aresté et tourmenté les dictz marchans pour trois ocasions, la première pour avoir violé les loix du royaume, en transportant l'argent d'iceluy, la deuxiesme pour avoir trafiqué avec ceux qu'ilz nomment leurs rebelles et ennemis, ou pour eux, qui sont les Holandois et leurs adherens et les Anglois, et la troisiesme pour avoir voulu s'ayder en leurs affaires des vaisseaux et mariniers des dictz marchans, sans les paier et dédommager : sur quuy je vous diray que, si mes dictz sugetz ont contrevenu aux loix du dict rtjyaume, jesay (|u"ilz sont punissables, mais je me plains de la forme avec laquelle on y procède : c'est ordinairement un homme de peu, du tout failly, qui les défère, auquel on adjoute tant de foy que, sur sa bimple denontiation,

ilz emprisonnent tous ceux d'un navire, marchans et autres, lesquelz ilz feront languir et souvent mourir en prison et aux tourmentz, pour les contraindre de confesser ce qu'ilz désirent. Après, ilz confisquent leurs personnes, marchandises et vaisseaux, ou les condannent en de grosses amandes, qu'ilz leur font paier, avec les fraiz des officiers de la justice, dont s'ensuit leur totale ruine. Vous savez que plusieurs d'iceux y ont ja perdu la yie et les biens misérablement; mesmes ilz les ont recherchez des fautes qu'ilz prétendent qu'ilz ont commises en cela, durant la guerre, avec trop de rigueur. A présent, ilz vous prometent de faii-e grâce à ceux lesquelz seront convaincus de telles contraventions, si vous la leur demandez, de ma part. J'ay telle compassion de ces pauvres gens, que je suis content que vous les assistiez de la dicte demande, quand bien la faute ne seroit entièrement prouvée, comme elle doit estre pour les condanner, afin de les retirer du labirinte et frais de leur justice, aymant encores mieux leur devoir la dicte grâce, que de voir périr misérablement mes dictz sugetz. Vous en ferez doncques instance, mais vous leur remonstrerez, sur le second point, que noz traitez n'obligent mes dictz sugetz de s'abstenir de traficquer en Angleterre, ny Holande, d'autant que la liberté et seureté du commerce leur est acordée générale par iceux, sans exception ny réservation aucune; car, quand il a esté acordé, qu'il ne seroit rien fait ny pourchassé par l'un au dommage de l'autre, cela n'a esté entendu pour le regard du commerce, qui a esté stipulé hbre et gênerai, en gardant les loix et coustumes des pais. S'il estoit loisible aussy au dict Roy et à ses officiers de confisquer mes dictz sugetz, souz prétexte du trafic d'Angleterre et d'Holande, leur condition seroit plus misérable qu'elle n'estoit au temps de la guerre ouverte; car les autres pretendroient aussy, avec mesme raison, leur estre permis de courre sus à mes ditcz sugetz allans enEspaigne, tellement qu'ilz seroient privez de tout commerce et la proie des autres nations, chose bien contraire au bien que j 'ay entendu leur moienner par la dicte paix ; mais aussy, en défendant et conservant la dicte Liberté, je n'entens autoriser ny soustenir l'abus que l'on prétend que mes dictz sugetz y commettent, en trafiquant pour les dictz Anglois etHolandois ; je l'ay