LETTRES DE HEMU IV

tousjours ainsy déclaré et fait dire à l'ambassadeur du dict Roy, qui est icy, et offre encore de faire pour ce regard tel règlement qui sera jugé raisonnal^le, afin de retrancher et punir Tabuz et que la liberté de mabaniere soit conservée, comme elle doitestre. Vous savez que mes sugetz qui ont esté arestez et persécutez, souz prétexte du dict commerce d'Angleterre et de Holande, ont esté traitez encore plus inhumainement que les autres, de quoy Hz vous ont promis de faire faire justice et réparation: aumoien de quoy vous en ferez la poursuite et leur ferez offre de traiter des susdictz reglemens, s'ilz veulent y entendre, comme je l'ay fait dire icy au dict ambassadeur. Hz n'ont faict encores moins de tort et préjudice à mes sugetz, desquelz ilz ont aresté les navires et équipages, souz prétexte de s'en servir en leurs affaires, car ilz les ont paiez et recompensez à discrétion, outre le temps et les ocasions de leur trafic, qu'ilz leur ont fait perdre. Je say bien, qu'il est loisible aux princes de s'aider des navires qui sont en leurs portz et costes, quant ilz en ont besoin : c'est un droit aquis aux souverains; mais, quand ilz en usent souvent, ainsy qu'ilz font par delà, ilz ruinent les sugetz de leurs voisins, avec lesquelz ilz sont en amiti»', pour les incommoditez et donmiages qu'ilz en reçoivent, joint qu'ilz sont ordinairement très mal paiez du fret et de la valeur de leurs dictz vaisseaux, quand ilz sont perduz, comme il avient souvent; car ilz les envoient quelquefois jusques aux Indes, ou audevant des flotes qui en viennent, dont ilz ne retournent jamais, ou sont si fracassez et mal menez, qu'ilz demeurent après inutiles à leurs maistres : à quoy ilz n'ont aucun esgard, ce que vous leur remonstrerez aussy, afin qu'ilz facent cesser les ocasions que j'ay de m'en plaindre, leur déclarant que, s'ilz n'y donnent ordre, j<' seray contraint de défendre à mes dictz sugetz de trafiquer par mer en leur pais. Quand vostre dict neveu est arivé, j'avois assemblé plusieurs de mes serviteurs, pour aviser aux moiens de remédier aux vexations qu'ilz font par delà à mes dictz sugetz et me revancher de celles qu'ilz ont receues : sur quoy il avoit esté résolu d'interdire le dict commerce, principalement à Seville et Sainct-Luqucs, qui sont les deux lieux où mes dictz sugetz ont esté les plus mal traitez, c pareillement de faire expédier des lettres de marque etrepresaille,

à tous ceux ausquelz vous certifieriez que justice auroit esté déniée ; mais j'ay commandé surçoir l'exécution de la dicte délibération, sur ce que vous m'avez mandé, que l'on vous a promis de faire raison à mes dictz sugetz et grâce à ceux qui enauroient besoin. Partant, j'auray à plaisir de savoir au plus tost ce qu'ilz en auront fait, voulant, en ce cas qu'ilz n'y satisfacent, que vous faciez dresser de bons procez-verbaux, qui contiennent par le menu les griefz de mes dictz sugetz, voz poursuites, depuis le commencement jusques à la fin, pour les- faire reparer par justice, avec une déclaration ou certification du desny d'icelle, afin de pouvoir sur cela fonderies dictes représailles et justifier les moiens desquelz nous userons, pour en tirer raison; sur quoy j'auray encore à plaisir que vous me mandiez vostre avis, et mesmes s'il est bon de n'interdire le commerce que à Seville et Sainct-Lucques, pour faire paroistre la diference que nous faisons des lieux où mes dictz sugetz sont mal traitez d'avec les autres ; mais, j'auroisbien plus agréable quele dictRoyet ses ministres fissent raison à mes dictz sugetz, en faisant reparer les tortz qui ont esté faitz à leurs personnes et biens, ainsy qu'ilz vous ont promis, et après, qu'il fut fait un règlement entre nous, pour asseurer le commerce, corriger l'abus qui s'y fait et résoudre comment nous avons à vivre ensemble, pour e^siter d'entrer à l'avenir en pareilles riotes et peines. Partant, vous en ferez l'ouverture au dict duc de Lerma, l'exhortant d'estre auteur du dict règlement, lequel, estant justement fait, ne pourra estre que très utile aux sugetz et pais du dict Roy, comme aux miens, et honorable à qui l'aura procuré. J'ay bien considéré les bons propos, que le dict duc vous a tenuz, de la volonté qu'a le dict Roy, son maistre, d'estraindre et asseurer nostre amitié plus que jamais. Vous luy direz, qu'ilz m'ont esté très agréables et qu'il ne tiendra à moy que les effetz ne s'en ensuivent, à nostre commun bien et contentement. Vous en direz autant au dict nonce de Sa Saincteté, de l'afection duquel au bien de ceste couronne vous m'avez rendu tel tesmoignage, que j'ay bien voulu luy faire savoir, par la responce que je fais à sa lettre, le gré que je luy en say et la volonté que j'ay de le reconoistre, ainsy que vous luy confirmerez. Mais, metez peine de descouvrir quel est le but auquel ilz tendent, par

90 LETTRES DE HENIil IV

l'union quïlz proposent, car j'ay quelque opinion, quilz osperent m'engager en quelque dessein contre la rojne d'Angleterre, ou pour la succession de son royaume, après son desscz ; toutesfois, vous ne leur descouvrirez quej'aye ce soubçon, ny leur direz chose, qui leur face croire que j'y pense; mais vous vous contenterez de tirer d"eux dextrement, par le moyen du dictnunce, ce à quoy ilz buttent, pour m"en donner avis, et, en cas queilz s'en ouvrent à vous,mectez peine de descouvTir par quelz moyens ilz entendent exécuter une telle entreprise et en aprenez les particularitez, le plus que vous pourez, pour me les faire savoir. J'ay voulu escrire au dict roy d'Espaigne la lettre de congratulation que je vous envoie, acompagnée d"une autre pour le dict duc de Lerma, que vous leur présenterez et, avec ceste ooasion, leur donnerez toutes asseurances de mon amitié et leur parlerez des reglemens susdictz. J'ay fait visiter Jean-Batiste de Tassis, sur l'ocasion du dict serment, et m"en suis rejoy avec luy : il ma fait dire avoir charge de son maistre de faire, en son nom, pareil office en mon endroit et mesmes m'asseurer qu'il sera fait justice et grâce à mes dictz sugetz, suivant la dicte promesse qui vous a esté faite par delà. Je le verray au premier jour et m'atendois le faire dans deux jours; mais je viens de savoir la venue de ma seur, (pii me fera changer de conseil, pour aller au devant d'elle, tant je désire la revoir. Les ducz de Lorraine et de Bar viennent aussy, lesquelz je veux rencontrer à Ghalons, où, pour ce faire, je m'achemine par les postes, afin d'y ariver à temps. Les quatre regimens de gens de pie, que le conte de Fuentes a envoiez en Flandres, sont arivez au conté de Bourgoigne et cheminent à grandes journées, pour se rendre auprès des Archiducz, lesquelz en ont tout besoin, pour secourir Rhimberg, que le prince Maurice a assiégé, depuis le xi" de ce mois, avec treze ou quatorze mil hommes de pie, trois mil de cheval et quarante-six canons. La place est d'importance, à cause du passage du Rhin et du voisinage d'Alemaigne. Il y a dedans deux mil soldatz, de diverses nations, commandez par un capitaine espagnol, que l'on dit estre vaillant et expérimenté. Vous serez averty de ce qui en succédera. Toutes noz costes sont on jalousie de l'armement que fait le prince Doria ;\ Gènes, encores que l'on

die que ce soit pour emploier contre le Turc, de quoy chascun sera tost esclarcy. J'ay veu ce que vous m'avez escrit d'un Casault, qui est arivé par deLà : metez peine de descouvrir à quoy on l'emploie et, si vous n'en pouvez avoir lumière, dites au duc de Lerma, que ce n'est pas le chemin qu'il faut tenir, pour cultiver mon amitié avec son maistre, que de retirer et emploier telle sorte de gens, dont j'entens que sa cour est farcie, pour voir ce qu'il vous en dira. Mandez-moy aussy, s'il y a espérance que vous puissiez obtenir quelque grâce pour ces pauvres Aragonois réfugiez par deçà, lesquelz je vous ay recommandez, à vostre parlement. Hz ont péché sans y penser, s'estans, comme vous savez, trouvez engagez en la fortune d'Antonio Ferez, devant que d'avoir reconnu la conséquence d'icelle, et sont depuis demeurez à ma suite, plus par nécessité; e^tans bannis de leur pais, que pour me servir. Il m'a esté escrit de Rouen, que la flote, qui avoit fait voile pour aller aux Indes, a esté contrainte de relascher ; il se parle aussy d'une certaine révolte aux Indes : mandez-moy ce qui en est, s'ilz font des arméniens par mer et quelz ilz sont, car la roine d'Angleterre en a alarme, ayant de nouveau envoie trois mil hommes de pié au secours des Estatz des provinces unies des Pais-Bas, sans avoir pour cela du tout quité la poursuite et negotiation de la paix avec les Archiducz. Metez peine de sçavoir quelle oppinion ilz ont par delà de la dicte paix, à laquelle je n'ay pas reconu, jusques à présent, que le dict roy d'Espagne et son conseil ayent esté fort disposez. Il a esté descouvert naguère une entreprise sur la -ville de Metz, brassée, souz le nom des archiducz de Flandres, par lo conte de Mansfeldt, gouverneur de Luxembourg, pour laquelle plusieurs habitans de la Adlle et autres ont esté constituez prisonniers, lesquelz j'ay voulu estre amenez à Paris, afin que la vérité en soit mieux connue, le procès estant fait par ceux de mon Conseil ou du Parlement. Si on vous en parle par delà, vous ne leur ferez conoistre, que nous ayons opinion que les dictz ArcMducz y trempent, principalement depuis la paix, car la chose n'est encore bien vérifiée, comme elle sera, quand le procès sera plus avancé. J'ay receu les gans que vous m'avez envoyez, que j'ay trouvez très bons et ay encores